လိက်မန်လေဝ်ချူဏာကီုတှ်ေဟွံပရေံပုဟ်
ပွမဆဝ်မ္ၚုဟ်ပရေၚ်မာဲဏံလေဝ်ထေက်ကဵုဒးချူလိက်မန်ကီုအိုတ်ညိ၊ ဆဵုစလိက်ဗၟာသၟးရဂှ် စိုတ်ဟွံမိပ်စကွေံကွေံရ။
မိပ်မံၚ်ကဵုမလိက်ဗၟာသၟးဂှ် ဍေံဟွံဒှ်ဖျုန်ကဵုသွက်မန်ပိုဲပုဟ်၊ ဟိုတ်ဂှ်ရတှ်ေ တံၚ်ဒြဟတ်သွက်မန်ရတှ်ေ မလိက်မန်နွံမံၚ်ဂှ် ထေက်ကဵုဒးချူဒးစကာသုၚ်စောဲအိုတ်ကီုညိ၊ ဣဏံလေဝ် ဒှ်နဲကဲဗဂဵုလဟဵုလိက်ပတ်မန်ဇကုအခေါၚ်ခိုဟ်မွဲဒၞာဲကီုရ။
ပၠန်ဂတးညံၚ်ဂွံလေပ်ညိ၊ လ္ပဗက်မိပ်အာနကဵုလဝိၚ်ကျာသွဝ်အာဇွောဝ်ဍာ်အခေတ်ဂှ်အိုတ်ညိ၊ ဗက်မိပ်တုဲ မုညးတၞဟ်ချူ − ချူဏာကီု၊ မုညးတၞဟ်ကျိုၚ် − ကျိုၚ်ဏာကီုဂှ် ဍေံဟွံဒှ်ဖျုန်ကဵုသွက်မန်ပိုဲပုဟ်၊
လဟီုဆာန်လိက်ပတ်မန် ဆာန်အရေဝ်မန်ကွေံကွေံတုဲ အခိၚ်စိုပ်အခေါၚ်ခိုဟ်ဒးစကာသုၚ်စောဲဗက်ဂှ် ပၠိုက်မံၚ်အရေဝ်ဗၟာလိက်ဗၟာသၟးဂှ် ဍေံဟွံဒှ်သ္ၚုသွက်မန်ပိုဲပုဟ်၊ အရေဝ်ဗၟာလိက်ဗၟာဒၞာဲဒးသုၚ်စောဲစကာဂှ်လေဝ် နွံဟွံအောန်ထေက်ကဵုဒးစကာရ၊ လိက်မန်အရေဝ်မန်ရမျှာၚ်မန်ဂှ်လေဝ် ထေက်ကဵုဒးဗဂဵုလဟဵု ထေက်ကဵုဒးစကာသုၚ်စောဲဂှ်လေဝ် နွံမံၚ်ဒၞာဲဗဝ်သအဝ်ဂှ်လ္ပဝိုတ်ထောံအိုတ်ညိ။
အရေဝ်ဂှ် ဖဵုဂှ် စေတနာဂှ် ယဝ်ဒှ်ၚုဟ်မးသွက်သၟတ်မန် သွက်ဂကူမန်ဏောၚ်တှ်ေ ရမျှာၚ်မန် လိက်မန် ထေက်ကဵုဒးဟီုဒးချူဏာသီုၜါဘာသာလေဝ်ဟွံဗၠေတ်ပုဟ်။
ไม่มีความคิดเห็น:
แสดงความคิดเห็น