ဝတ္ထုဒမၠေအ် (ဥက္ကဋ္ဌစသြန်)
နာဲအညိၚ် မတ်ကၠက်မံၚ်သီုၜါလပါ်တုဲ နွံမွဲတ္ၚဲ ညးတေံကွာ်စှ်ေအာဂတမုက်သ္ၚိပယာံသဝ်တ္ၚဲ−−ဓဝါဲဂှ်ဟေၚ် ရဲသွံကွာၚ်တကံက်တဲ ကွာ်ကၠုၚ်မွဲဍာန်ကဵုနာဲအညိၚ်တုဲ မွဲအသိၚ်ဟေၚ် နာဲအညိၚ် ဇီုဒးရဲသွံကွာၚ်− ကွာၚ်မွဲထးဂှ် ဗကပ်ဒတုံစိုပ်အာတိဖအိုတ်၊
ရဲသွံကွာၚ်ကဵုနာဲအညိၚ် ညးၜါအရေဝ်ဂၠိုၚ် သေက်ဇဵုညးသ္ကံဂွံမွဲလစုတ်တုဲ စိုပ်အာသ္ၚိဥက္ကဋ္ဌသီုၜါရ၊
ဓဝါဲဂှ် နာဲအညိၚ် တီကၠးဇကုဒှ်မၞိဟ်ဗၠေတ်ဇီုဒးရဲသွံကွာၚ်ဂှ်ကၠာတုဲ ကသပ်တိတ်မွဲဗက်ဂှ် ဓဝါဲဂှ်ဟေၚ် လဒေါဝ်ဝိုၚ်ပ္ဍဲသ္ၚိဥက္ကဋ္ဌ နာဲအညိၚ်ကတဵုတုဲ ဟီုတဴသာ်ဝွံရ၊−−− အမှုဏံညံၚ်အဲဂွံမာန်ဂှ် ဣဏံ သြန်အဲနွံဒၟံၚ်မွဲကၠံဒကေဝ် အဲထပက်သြန်သၟဝ်ခုၚ်ကဵုဥက္ကဋ္ဌရ။
မၞိဟ်မွဲလဒေါဝ်ဝိုၚ်သ္ၚိဥက္ကဋ္ဌဂှ် မတ်စူညိၚ်အာမွဲခဏတုဲ သၟာန်နာဲအညိၚ်ရ၊ −−− နာဲအညိၚ်မုပဂွံတီ ဥက္ကဋ္ဌကွာန်ဏံ စမံၚ်သြန်သၟဝ်ခုၚ်ဂှ်ရော ? −− မုပ − အဲမိၚ်မံၚ်ညးတၞဟ်တက်ကျာဟီုဂးမံၚ်ဂှ်တှ်ေ −− ယဝ်ရဒှ်အမှုစိုပ်သ္ၚိဥက္ကဋ္ဌမ္ဂး မၞိဟ်လဵုဂံၚ်ထပက်သြန်သၟဝ်ခုၚ်ကဵုဥက္ကဋ္ဌကၠာတှ်ေ မၞိဟ်ဂှ်မာန်ရ၊ သာ်ဂှ်ရ အဲထပက်သြန်ကဵုဥက္ကဋ္ဌကၠာရဒှ် ။
မၞိဟ်မွဲသ္ၚိဥက္ကဋ္ဌဂှ် တီကေတ် − အဵု..... ဥက္ကဋ္ဌကွာန်ပိုဲ စမံၚ်သြန်သၟဝ်ခုၚ်ဏောၚ်သွံဟာ ။
−−−−−−−−−−−−−−−−−−−−−−−−−−
ဝိညာဏ်ထဝ်
ไม่มีความคิดเห็น:
แสดงความคิดเห็น