#ဗတိုက်သရိုဟ်ဂဥုဲၜူမာဲတုဲ ဇကုလ္ပကဵုဒှ်အာမၞိဟ်သွံရာန်စကာဂဥုဲၜူမာဲဂှ်အိုတ်ညိ၊
ဟိုတ်ဒှ်သာ်ဂှ်တုဲ ပ္ဍဲပူဂဵုဇကုဂှ် ညံၚ်ဂွံဒှ်ရုပ်ဒ္ၚေါဝ်မွဲ သွက်သၟတ်တံ သွက်ကောန်ဂကူတံဂွံရံၚ်ဆဵုကေတ်မာန်ဟီုဂှ် ဒးကၠောန်ဒးထ္ၜးကဵုညးဂမၠိုၚ်တီတုဲ ယဝ်ဗက်ဗတိုက်သရိုဟ်ဂဥုဲဝိဝိၚ်ၜူမာဲနာနာတံဂှ်မ္ဂးတှ်ေ ဓဝ်ပတေဟ်လ္တူညးဂမၠိုၚ်ဂှ်နွံဂၠိုၚ်ကၠုၚ်ရ။
ဟွံသေၚ်− ဇကုဗက်ဗတိုက်သရိုဟ်မံၚ်ဂဥုဲၜူမာဲဝိဝိၚ်နာနာသာ်တုဲ ဇကုရဒှ်မၞိဟ်စိုက်လဝ်ဂဥုဲချေံဂှ်လ္ပကဵုဒှ်ညိ။
ဇကုဗက်ဗတိုက်သရိုဟ်ဒၟံၚ် ဒေါအ်သုၚ်ၜံက်အန္တရာဲနွံမံၚ်တုဲ ဇကုပၠန်သုၚ်မံၚ်ကဵုကောန်တံညာတ်ဏောၚ်တှ်ေ ဟွံဂွံပၠန်ရ။
ဇကုဟီုကညာၚ်ပါၚ်စိုပ်ကအ် ဆာန်လိက်ပတ်ညိ ဗဂဵုလဟဵုမၚ်မွဲလိက်မန်အိုတ်ညိတုဲ ဇကုပၠန်လေဝ် ကေတ်မံၚ်ဂုဏ်စရာဲလ္တူလိက်ဂကူညးတၞဟ်တုဲ လိက်မန်ဟွံချူ ဗက်ချူမံၚ်လိက်ညးတၞဟ်သၟးဂှ် ဟွံဂွံပၠန်ရ။
ဆာန်ဂကူမန်မ္ဂးတှ်ေ လ္ပကေတ်တြုံဗြဴဂကူညးတၞဟ်အိုတ်ညိတုဲ ဇကုပၠန်ကေတ်လဝ်ဗြဴဗၟာဂှ်လေဝ် ဟွံဂွံပၠန်ရ။
ဟိုတ်ဒှ်သာ်ဂှ်တုဲ ဇကုဂှ်ဒှ်မၞိဟ်ဓမ္မတာမွဲဟာ ဟွံသေၚ်တှ်ေ ဇကုဂှ်ဒှ်မၞိဟ်လဒေါဝ်ဂၠးညးဂမၠိုၚ်တီဂၠိုၚ်ဟာဂှ် ဣဏံဟေၚ်ရ ပူဂဵုပိုဲဏံဂှ် ဒှ်မံၚ်ဒ္ၚေါဝ်မွဲခိုဟ်ခိုဟ်တုဲ သွက်ညးဂမၠိုၚ်ရံၚ်ဆဵုမံၚ်(၂၄)နာဍဳဟေၚ် ဗွဲတၟေၚ် လဆောဝ်တှ်ေ ဟိုတ်နူပူဂဵုပိုဲဏံတုဲ သၟတ်တံညးဂမၠိုၚ် ပတောံပတုပ်ဗက်အာတုဲ ဒှ်ကၠုၚ်မၞိဟ်ခိုဟ်မွဲ ဟွံသေၚ် ဒှ်အာမၞိဟ်ဗ္ၜူဓလူဂဥုဲၜူမာဲမွဲဂှ် ဣဏံ တိုန်တဴကဵုပိုဲဏံဒှ်မံၚ်ဒ္ၚေါဝ်သွက်ညးဂမၠိုၚ်ဂွံဗဵုကျောဝ်ရ။
ไม่มีความคิดเห็น:
แสดงความคิดเห็น