စၞစနူဂယျးမူဖဵုနူရော
နိဒါတ်လိက်၊
ဒုၚ်တၠုၚ်ရအဴ၊ စၞစဟီုဂှ်ဒှ်အဓိကသွက်သတ်နွံကဵုလမျီုသီုဖ္အိုတ်တုဲ စၞစဏံဂှ်အဓိကဇၞော်အိုတ်မွဲတုဲ သွက်ဘဝပိုဲမၞိဟ်ဏံဂှ်လေဝ်စၞစဒးကၠုၚ်လၟေၚ်မွဲကီုရ၊ ဟိုတ်ဒှ်သာ်ဂှ်တုဲ ပိုဲမၞိဟ်ဒးကၠောန်ဒၟံၚ်ကမၠောန်ဏောၚ်ဟီုတှ်ေ ညးလဵုသ္ဂုတ်သွာတ်ဒၟံၚ်ကမၠောန်ပိုဲဏံဂှ်တှ်ေ ကၠေၚ်က္ဍဟ်မွဲဟေၚ်ဒးနွံကဵုစၞစၜိုတ်ထေက်ကြိုက်မှခန္ဓပိုဲဏံလေဝ်ဂွံဆက်ကၠောန်အာကမၠောန်နာနာမာန် ဂွံသ္ဂုတ်သွာတ်သှ်ပြသၞာလၟေၚ်လၟေၚ်တ္ၚဲမာန်ရ၊ ဟိုတ်ဂှ်ရတှ်ေ စၞစနူဂယျးပြဟ်ဏံလေဝ်ဟိုတ်ဖဵုနွံဒၟံၚ်ကဵုကၠေၚ်က္ဍဟ်ပိုဲသာ်လဵုဂှ်ဆက်ဗှ်ဖျုန်လိက်သၟတ်တေံအိုတ်ညိ။
'''လုပ်ဗှ်ဖျုန်လိက်အိုတ်စိုအ် −−−'''
ကောန်ၚာ်ဍောတ်အာယုက် 1-3 သၞာံဂှ် ခန္ဓကာယနွံဗၟိက်ဓါတ်မွဲတ္ၚဲမ္ဂးတှ်ေ 1,200 (Kilocalories−ကိလိုဝ်ခလေရဳ)
ကောန်ၚာ်ဍောတ်အာယုက် 4-6 သၞာံဂှ် ခန္ဓကာယနွံဗၟိက်ဓါတ်မွဲတ္ၚဲမ္ဂးတှ်ေ 1,450 (Kilocalories−ကိလိုဝ်ခလေရဳ)
ကောန်ၚာ်ဍောတ်အာယုက် 7-9 သၞာံဂှ် ခန္ဓကာယနွံဗၟိက်ဓါတ်မွဲတ္ၚဲမ္ဂးတှ်ေ 1,600 (Kilocalories−ကိလိုဝ်ခလေရဳ)
သၟတ်တြုံအာယုက် 10-12 သၞာံဂှ် ခန္ဓကာယနွံဗၟိက်ဓါတ်မွဲတ္ၚဲမ္ဂးတှ်ေ 1,850 (Kilocalories−ကိလိုဝ်ခလေရဳ)
သၟတ်တြုံအာယုက် 13-15 သၞာံဂှ် ခန္ဓကာယနွံဗၟိက်ဓါတ်မွဲတ္ၚဲမ္ဂးတှ်ေ 2,300 (Kilocalories−ကိလိုဝ်ခလေရဳ)
သၟတ်တြုံအာယုက် 16-19 သၞာံဂှ် ခန္ဓကာယနွံဗၟိက်ဓါတ်မွဲတ္ၚဲမ္ဂးတှ်ေ 2,400 (Kilocalories−ကိလိုဝ်ခလေရဳ)
သၟတ်ဗြဴအာယုက် 10-12 သၞာံဂှ် ခန္ဓကာယနွံဗၟိက်ဓါတ်မါဲတ္ၚဲမ္ဂးတှ်ေ 1,700 (Kilocalories−ကိလိုဝ်ခလေရဳ)
သၟတ်ဗြဴအာယုက် 13-15 သၞာံဂှ် ခန္ဓကာယနွံဗၟိက်ဓါတ်မါဲတ္ၚဲမ္ဂးတှ်ေ 2,00 (Kilocalories−ကိလိုဝ်ခလေရဳ)
သၟတ်ဗြဴအာယုက် 16-19 သၞာံဂှ် ခန္ဓကာယနွံဗၟိက်ဓါတ်မါဲတ္ၚဲမ္ဂးတှ်ေ 1,850 (Kilocalories−ကိလိုဝ်ခလေရဳ) ။
သွက်စပ္တံတ္ၚဲတၟးဗက်ဂှ်တှ်ေ ပိုဲတံဒးစစၞနူဂယျးပြဟ်လၟေၚ်လၟေၚ်တ္ၚဲအိုတ်တုဲ ကၠေၚ်က္ဍဟ်ပိုဲဏံဂှ်လေဝ်ဂွံကၠောန်ကမၠောန်ခိုဟ်ရ၊ ကၠေၚ်က္ဍဟ်ဂွံကၠုၚ်စၞစနူဂယျးပြဟ်ဗက်တုဲ ဓါတ်ပၟတ်နာနာဒှ်ကၠုၚ်တုဲအာလွဳသွက်ကၠေၚ်က္ဍဟ်ဂွံကၠောန်ကမၠောန်သွက်တ္ၚဲဏံခိုဟ်ခိုဟ်ပေၚ်ပေၚ်မာန်ရ၊ လိက်ဆေၚ်စပ်ကဵုကၠေၚ်က္ဍဟ်ဗွဲမဂၠိုၚ်တှ်ေ ညးတံချူလဝ်စၞစနူဂယျးဂှ်ဒှ်အဓိကဂၠိုၚ်တုဲ ဟိုတ်နူကဵုခန္ဓကာယပိုဲမၞိဟ်ဏံဂှ်နွံဗၟိက်ကဵုဓါတ်ပၟတ်တုဲစၞစဂှ်ဒှ်အဓိကရ၊ ခန္ဓကာယပိုဲမၞိဟ်ဏံလေဝ်နွံဗၟိက်ကဵုဓါတ်ကေုာံစၞစတုဲ ညံၚ်ရဴပိုဲတံဗပေၚ်(battery)ပ္ဍဲစက်ဟီုအရေဝ်ဂှ်ကီုရ။
'''နဲကဲဗပေၚ်ဓါတ်ဒြဟတ်ကဵုခန္ဓကာယပိုဲမၞိဟ်ဏံဂှ်တှ်ေ'''
(၁)ဂှ် ပိုဲတံဒးတိက်ပ္ဍဲမွဲတ္ၚဲအောန်အိုတ် 6-8 နာဍဳညိ၊
(၂)ဂှ် ဒးစစၞဍိုက်ပေၚ်ဓါတ်မသုန်သာ်မွဲတ္ၚဲတှ်ေပိအခိၚ်ဒးစမာန်ရ၊
(၃)ဂှ် ဒးသုၚ်ဍာ်သ္အးသ္အးဂၠိုၚ်ဂၠိုၚ်ညိ၊
(၄)ဂှ် ဒးဂၠာဲအရာခိုဟ်ခိုဟ်ဂိုၚ်စွံလဝ်ပ္ဍဲက္ဍဟ်ပိုဲကီု ထပၠုပ်နၚ်ပ္ဍဲဘဝပိုဲတံလုပ်ကၠုၚ်လပါ်အရီု(၅)မတ် မုဟ် ကတောဝ် လတာ် စၞာံဇကုတံဏံညိ၊ ဣဏံဟီုဂှ်ဒှ်ပရေၚ်လောဲလောဲသွာသွာမွဲတုဲ ယဝ်ရပိုဲတံကၠောန်ဂွံမ္ဂးတှ်ေ ဘဝပိုဲတံဂှ်လေဝ်နွံကဵုတသိုက်ဟွံကတုဲ ခန္ဓကာယပိုဲဏံလေဝ်ပရေၚ်ထတ်ယုက်ခိုဟ်ကွေံကွေံတုဲ အာယုက်လေဝ်ဂၠိၚ်ရ။
အုပ်နိဂီု ။
ไม่มีความคิดเห็น:
แสดงความคิดเห็น