ခဝ်ရဝ်ဏာဒှ်အာကျာ်ဟရေဲယျ
ပရေၚ်ဍုၚ်ကွာန်ၜိုဟ် ယဲခဝ်ရဝ်ဏာလေဝ် သရိုဟ်အိုတ်အာသိုက်သိုက်ဏောၚ်ညာတ်ကေတ်၊ ယဝ်ရအာဍာ်ဏံတှ်ေ ယဲခဝ်ရဏာဏံလေဝ် ဒှ်အာကျာ်ဟရေဲသွက်အလဵုအသဳညးမဂွံလဝ်အဝဵုတံယျ−−−။
လၟုဟ်ဍုၚ်သေံဏံလေဝ် အာဂတနူဏံတှ်ေ ဇၟာပ်ကောန်ဍုၚ်မ္ၚး နွံဒၟံၚ်ဍုၚ်သေံတံဖအိုတ်ဂှ် လိက်တၞးထပက်လဝ်ဂဥုဲခဝ်ရဝ်ဏာနွံမှ အခေါၚ်မံၚ်ဂွံ အခေါၚ်ဆက်လိက်ဂွံ သာ်ဏံဒှ်ကၠုၚ်ဏောၚ်၊ ဣဏံလၟုဟ်ဟွံဒှ်ဏီဟာကေတ်ဟွံဒး၊
ခရိတ်ကၠောန်လိက်ဂှ်လေဝ်ဍေံဂွံ၊ လၟုဟ်ဟပဵုတိုန်ခရိတ်ထပက်ဂဥုဲပၠန်တှ်ေ သြန်ဗွဝ်ဍုၚ်ညး ပဵုတိုန်ကွက်ဗီုကေၚ်ဂွံလဝ်တုဲတုဲတေံဟေၚ်၊ ဟိုတ်နူပရေၚ်ပိုန်ဒြပ်ဍုၚ်သေံစှ်ေဒၟံၚ်တုဲ ဂွံဂၠာဲသြန်ဂှ်ဂၠံၚ်ပိုတ် ဍုၚ်မ္ၚးသွာၚ်နာနာ အဆက်ပိုတ်ထပိုတ်ထောံအိုတ်ယျ၊ ပရေၚ်ပလံၚ်ဗစိုပ်ကပေါတ်နာနာလေဝ်ဒိုအ်ဇူညိၚ်မံၚ်၊ ဟိုတ်ဂှ်ရ− အကြာယဲဏံဂှ် ဍာံဟာ နွံညိညိပဟလိုၚ်တိုန်ဟာဂှ် သံသယဒှ်မံၚ်ပ္ဍဲစိုတ်၊
ပရေၚ်ဍုၚ်ကွာန်တံၚ်ကတူ မၞိဟ်ထ္ၜးဆန္ဒဂၠိုၚ်ပေၚ်ဍုၚ်ကွာန်က္ဍၚ် ထပ်စုတ်ခဝ်ရဝ်ဏာဂၠိုၚ်ဂၠိုၚ် ဇၟာပ်လာၚ်TVလေဝ် ကဵုဗလးပရိုၚ်ပရောခဝ်ရဝ်ဏာသၟး သွက်သ္ဂောံအုပ်ဓလီုထောံမုက်မတ်ညးဍုၚ်ကွာန်တံမာန်၊ ပံက်TVဗက်ဂှ် ဒးဆဵုဒးမိၚ်ခဝ်ရဝ်ဏာသၟးရဂၠိုၚ်၊ လဆောဝ်တှ်ေ စိုတ်ဗဵုTVဟၟဲ ဒးမိၚ်မံၚ်ပရောခဝ်ရဝ်ဏာဍဟ်ထုဲ၊ ၜိုန်ပရေၚ်ဍုၚ်ကွာန်ရုသံၚ်ထ္ၜးဆန္ဒပေၚ်မံၚ်လဒေါဝ်ဍာန်ကီုလေဝ် ပညံၚ်မုဟွံဒှ်မွဲသာ်၊ ဣဏံ ခဝ်ရဝ်ခဝ်ဒှ်အာကျာ်ဟရေဲအလဵုအသဳသေံတံယျ၊
သာ်ဂှ်သၟးဟသေၚ် သွက်သ္ဂောံသွံဂဥုဲရာန်ဂဥုဲ ဂွံပထုဲသြန်ဗွဝ်ဍုၚ်လေဝ် အလဵုအသဳအတ္တတံ ပထုဲဝိုၚ်ဒမၠုမတ် လၟုဟ် ကြပ်ဒှ်မံၚ်အလုံဂၠးတိမွဲဟီုဂွံရ၊ အာဂတနူဏံ ဘဝမၞိဟ်မွဲ ဂွံဂျိုၚ်တဴအာလ္တူလောကဏံဂှ် ဂၠာဲဒၞာဲအောန်ကွေံကွေံ၊ သဗ္ဗအိုတ်ဿီု ဒှ်ညံၚ်ရဴဇုက်ဟရှ်ေ ဆက်မံၚ်ညးသ္ကံဖအိုတ်တုဲ သိၚ်သာကမၠောန်မၞိဟ်တံကွေံကွေံရ၊
လၟုဟ်ဏံပၠန်လေဝ် ဗီုလဵုဒှ်ဒှ်ရ− ပထောၚ်ဂၠံက်ကေတ်သြန်ဂွံဂှ်တှ်ေ ညးတံဖျေံဗျူဟာတုဲ ဂွံဆဵုပတိတ်ကၠုၚ်သၞောဝ်တေံသၞောဝ်ဏံ နဲကဲစုၚ်ဇဳ၊ သရောပ်ထောံဂှ် ညးဂှ်ဒးဒုၚ်လုၚ်လဝ်ရောဂှ် ပိုဲသၟာကမၠောန်ကောန်ညးဍုၚ်ကွာန် ရဲဂၠာဲဗဂါပ်စဗဂါပ်တံဟေၚ်ဏံရ၊
ဗီုလဵုဂွံပ− ဆေၚ်စပ်မံၚ်ကဵုပရေၚ်ထတ်ယုက်တုဲ ပတေဟ်လဝ်တှ်ေဒှ်ခိုဟ်ဏောၚ် ဇၟာပ်မၞိဟ်ဒးကၠိုဟ်ကေတ်သာ်ဏံတုဲ ဣဏံရဒးဟီု ခဝ်ရဝ်ဏာဂှ် ဒှ်အာကျာ်ဟရေဲပန်ဟွံတိဗာ်ဟွံလေပ် သွက်အလဵုအသဳဇၟာပ်ဇၟာပ်ဍုၚ်ယျ။
ဒၞာဲလဵုမိက်သ္ဂောံလုပ်ကေတ်ဂီုကၠီုမ္ဂးတှ်ေ ကော်နၚ်ကျာ်ဟရေဲခဝ်ရဝ်ဏာတှ်ေတုဲရ၊ မၞိဟ်ဂွံပၠန်ဂတးထံက်ဂလာန်ဒစဵုဒစးဂှ် တၟာခၟတ်ဟၟဲ ။ သှ်ေအာမံၚ်ဗွဲမလံဟေၚ်−သေံတံဟီု(ယာဝ်−ยาว)ဂၠိၚ်
သာ်သာ်ဏံ လလတှ်ေချပ်တိတ်မံၚ် ဒဒှ်ဍာံရဟသေၚ်တုဲ ဇၟာပ်ညးအဲဗှ်ကလၚ်ဂွံဒှ်အာဗဟုသုတလၟေၚ်လၟေၚ်တ္ၚဲ၊ ဒၞာဲတၚ်ယုက်ဒေက်နွံဂှ် သၠးပွးထောံညိ၊ တၚ်ဂုန်ရ။
−−−−−−−−−−−−−−−−−−−−−−−−−−−−−−−−−−−−−−−−−−−−−−−−−−−−−−−−−−−−−−−−−−−−−−−−−
ဝိညာဏ်ထဝ်
ไม่มีความคิดเห็น:
แสดงความคิดเห็น