သၠုနှေဝ်
ကပေါတ်ကြိယာမွဲမွဲဂှ် နကဵုဆုကီု နကဵုပသဲကီု နကဵုလောဗါကီု ကၠောန်လဝ်ဂတေဟ်တေဟ်တုဲ ညံၚ်ရဴဂၠုၚ်တံ ဖံၚ်တံ က္ဍိုပ်ဍေံဟွံဂွံတ္ၚံက်အာတ္ၚံက်ကၠုၚ်။
🔻
(လဟီု)
ဂၠုၚ်ဟွံမွဲကဵုသၠနှေဝ်၊ ( ဗွဲမကၠးကၠးဂှ် ယဝ်ဂၠုၚ်ဖ္ဍိုက်ဂှ် ဟွံမွယ်ကဵုသၠနှေဝ်မ္ဂးတှ်ေ တိုၚ်ပ္ကဴဂၠုၚ်မအာဂှ် ဟွံစိုပ်အာတိုၚ်ပ္ကဴတေံတုဲ ဂေတ်အာဂေတ်ကၠုၚ်မံၚ်ဒၞာဲဂှ်မာန်ရ၊ ဟိုတ်ဂှ်ရတုဲ ဂၠုၚ်ဟီုဂှ် သၠနှေဝ်ဍုတ်ဂၠုၚ်ဂှ်ဒးနွံခိုဟ်ခိုဟ်တုဲမှ ဂၠုၚ်ဂှ်ဂွံအာတပ်ဍာ်လဒေါဝ်ဗီုတၠဂၠုၚ်တံစကာမာန်ရ။
🔻
မၞိဟ်ဟွံကေတ်ဍာန်ဂၠံၚ်၊ (မအရေဝ်ဏံလေဝ် ဂွံအဓိပ္ပါဲတုပ်မံၚ်ကဵု ညံၚ်ရဴဂၠုၚ်ဟွံမွယ်ကဵုသၠနှေဝ်ကီုတုဲ ဒှ်တဴမၞိဟ်မ္ၚိုဟ်ကြံၚ်ဟွံကေတ်ဂၠံၚ်ဍာန် ဘဝဂှ်လေဝ်ဟွံမွယ်ကဵုတိုၚ်ပ္ကဴတပ်တပ်ကၠးကၠးတုဲ အခိၚ်မသှ်ေဒၟံၚ်တ္ၚဲဏံဂှ်လေဝ် အိုတ်ကၠုၚ်သိုက်က်မာန်ရ။
🔻
သၠနှေဝ်ပိုတ်ဘဝပၠိုတ်၊ ( ညံၚ်ဂကောံအိန်ထံၚ်တံဂှ်ကီု တၠသ္ၚိချိုတ်အာတုဲ ဂကောံအိန်ထံၚ်ညးတံဂှ်လေဝ်ပြးဆာဲ ဟွံမွယ်ကဵုညးပတဝ်ဂၠံၚ်တရဴညံၚ်ရဴသၠနှေဝ်တုဲ လ္ၚဵုဂှ်ကောန်မွဲဋ္ဌာန် ယာဲမွဲဂၠံၚ် ပေၚ်ပြးဂၠံၚ်ညးညးအာနွံတဴရ၊ လ္ၚဵုဂှ်တုန် ဒှ်မၞိဟ်စသုၚ်ဗ္ၜးဓလူမွဲတုဲ ဟွံမိက်ဗဂဵုလဟဵုပဠေဝ်ပဠေတ်ဘွဇကုဂှ်တုဲ ပဒုဟ်ဏာကဵုကုသဵုအတိက်ပရေံစံက်ဂး၊ ဘွညးတံလေဝ် ညံၚ်ရဴဟွံမွယ်ကဵုသၠနှေဝ်တုဲ တိုၚ်ပ္ကဴဘွဟီုဂှ်ဣလဵုရောဟွံတီမွဲသာ်တုဲ မိပ်ဂၠုဓီုမံၚ်ကဵုဘဝသရာပ်ပါပ်အရိုဟ်တ္ၚဲတုဲ ပြသၞာနာနာညးတံဂွံဆဵုကၠုၚ် သံယောဇိုန်နာနာညးတံဒးဒုၚ်ကၠုၚ်အိုတ်ဟွံပိုတ်သ္ကုတ်တုဲ ဟိုတ်နူဘွညးတံဟွံမွယ်ကဵုသၠနှေဝ်ဂွံအဓိပ္ပါဲတုပ်တုပ်ရ၊ ညံၚ်ရဴဂကူမွဲကီု သၠနှေဝ်ဍုၚ်ယဝ်ဟွံမွယ်ဏောၚ်တှ်ေ ဍုၚ်တံဂှ်လေဝ် ဟွံမွယ်ကဵုပွမအာဆက်ဂတဂှ် မံၚ်ညိၚ်မွဲဒၞာဲဂေတ်အာဂေတ်ကၠုၚ်မံၚ်တုဲ ဟွံလအ်ဂကူဂှ်ဗၠိက်တၞီကၠေံကၠက်အာဂတမတ်လောဲလောဲလ္တူဂၠးတိဏံမာန်ရ၊ သရောပ်ထောံတှ်ေ သၠနှေဝ်ဏံမွဲ ဒှ်တဴၚုဟ်မးဇၟာပ်ဒၞာဲတုဲ ဒှ်သွက်ဂွံစိုပ်အာတိုၚ်ပ္ကဴတေံဗီုမချပ်လဝ်ကီုရ။
🔻
🔻
(လဟီုဗွဲတၟေၚ်)
မူဟိုတ်ဂၠုၚ်ဂွံဗၠိုက်၊ ( ဟိုတ်နူညးရပ်သၠနှေဝ်တံဟွံခိုၚ်ဗိုန်ဟွံချိုတ်ပၠိုတ်တုဲ ဂၠုၚ်ဂှ်ဒးတၞီဗၠိက်စှ်ေအာလောဲလောဲမာန်ရ၊ ဒၞာဲဏံဂှ် ဂွံအဓိပ္ပါဲပရေၚ်ဍုၚ်ကွာန် ပရေၚ်ဗဂဵုလဟဵုဂကူခိုဟ်မွဲတုဲ ဂွံဆဵုဂွံမိၚ်ကေတ်ပ္ဍဲဒွက်ဒယှ်ေဂၠိုၚ်ရ၊ ဟိုတ်နူကဵုအဓိပ္ပါဲပရေၚ်ဂကူတုဲ နကဵုယၟုဒွက(မူဟိုတ်ဂၠုၚ်ဂွံဗၠိုက်)ဂွံအဓိပ္ပါယ်ခိုဟ်မွဲရ။
🔻
🔻
(ဝေါဟာတုပ်)
နှေဝ်
သၠနှေဝ်
ညးမံၚ်ဍုတ်ဂၠုၚ်
ညးဒဳကွဳစက်ကာ
🔻
🔻
(ဝေါဟာတၞဟ်ခြာ)
နှေဝ်ဂၠုၚ်ဟွံခိုဟ် ဂၠုၚ်တိုန်သံၚ်ဗ္တဳ
နှေဝ်ဖံၚ်ဟွံခိုဟ် ဖံၚ်ထ္ကး
မၞိဟ်ဟွံမွယ်ကဵုနှေဝ်မ္ဂးတှ်ေ ဘွဟွံဆက်အာဂတဂတ
🔻
🔻
(ဝေါဟာဒစး)
တ္ၚံက်
ဂေတ်
ဇီုကပိုက်
ไม่มีความคิดเห็น:
แสดงความคิดเห็น