ကၠောန်ပရေၚ်ဂကူလ္ပလောဘပရေၚ်ပိုန်ဒြပ်ဂၠိုၚ်ညိ
ဂကူမွဲဂွံဒတူလိုၚ်ဂွံလ္တူဂၠးတိဏံမာန်ဗွဲမလအ်လကာဖာဟီုဂှ် ဒးနွံကဵုပရေၚ်ပိုန်ဒြပ်ဂှ်ဒှ်ဓဝ်ဍာံမွဲရ၊ ဆဂး ယဝ်ရပူဂဵုမွဲတာလျိုၚ်နွံလ္တူဂကူဗွဲမဇြိုဟ်နက်ဏောၚ်တှ်ေ ပရေၚ်ပိုန်ဒြပ်ဗီုကဵုညးဍုၚ်ကွာန်တံဂှ်ဟွံထေက်ဒးနွံကေမ်လဝ်ဂၠိုၚ်ဂၠိုၚ် ညံၚ်ရဴသၟာပရေၚ်ပိုန်ဒြပ်မွဲညိ၊ ယဝ်ရကေမ်ရပ်လဝ်ပရေၚ်ပိုန်ဒြပ်ကဵုလက်ကိုတ်ဏောၚ်တှ်ေ အာရီုပူဂဵုတံဂှ် ဂွံကုတ်သၞောဝ်ဒန်သၞောဝ်သွာၚ်ပရေၚ်ဍုၚ်ကွာန်ဍာံကၠံပေၚ်ပေၚ်ဂှ်ဟွံလောဲရ၊ ဟိုတ်နူကဵုဂွိၚ်ဖေက်ဇီုကပိုက်ကဵုပရေၚ်ပိုန်ဒြပ်ထဝ်သြန်အာဲတိဝါဗ္ၚကၠအ်သွဝ်ညးတံဂှ်တုဲ ကမၠောန်ကုတ်သၞောဝ်သ္ဂုတ်သွာတ်ပြံၚ်သၠာဲသွာၚ်ပရေၚ်ဍုၚ်ကွာန်တံဂှ် ဒြဟတ်အောန်ကၠုၚ်ရ။
ဟိုတ်ဒှ်သာ်ဂှ်တုဲ ဂကူမန်ပိုဲဂှ် နွံပ္ဍဲသၟဝ်တဲဒှ်ဘွဍိက်ဟီုစဂွံတုဲ အဃောရုန်ဂ္စာန်ဒၟံၚ်တုဲ ဟွံထေက်ကဵုညးတာလျိုၚ်ဒုတ်ဒုတ်တံ ဒးနွံကဵုပရေၚ်ပိုန်ဒြပ်သ္ၚိတိုက်သၠုၚ်ၚ် ကၠအ်တိဝါဗ္ၚဂၠိုၚ်ကဵုဨကရ၊ ဟိုတ်နူကဵုပရေၚ်ပိုန်ဒြပ်ညးတံဂၠိုၚ်ဂှ်ဟေၚ်ရ မုကၠောန်န်မုချပ်ချပ်လေဝ် ဂွံဂံၚ်သ္ဂုတ်သွာတ်ပိုတ်တ်ဂှ် ညးတံဟွံဂံၚ်သၠးဗွးတုဲ အတ္တပူဂဵုဂှ်ဒးဒှ်လၟေၚ်မွဲပ္ဍဲဘွညးတံရ။
ညးတာလျိုၚ်မွဲ ၜိုန်လောဲသြန်ဂၠိုၚ်နကဵုကမၠောန်ဓဝ်ဍာံမွဲကီုလေဝ် ဟွံထေက်ကဵုရာန်တိကၠအ်ဂၠိုၚ်ၚ် ဟွံထေက်ကဵုဒးသိုၚ်သ္ၚိတိုက်ၜါပိထပ်လဒေါဝ်ဍုၚ်တေံရ၊ သြန်ဂၠိုၚ်သံက်စွံဟွံမွယ်ယွံဒှ်ဏောၚ်တှ်ေ ရာန်ထောံထဝ်ကလောံတုဲ တိုပ်လဝ်သၟဝ်တိညိ
၊ ဇကုဒှ်ညးတာလျိုၚ်ကဵုအမိၚ်မွဲတုဲ ယဝ်ပရေၚ်ပိုန်ဒြပ်ဂၠိုၚ်တုဲ ဗီုလဵုဂွံဖျေံအမိၚ်ဗွဲမမ္ၚိုဟ်ကြံၚ်ပိုတ်တ်သ္ဂုတ်တ်ဂှ်မာန်ရ၊ သာ်လဵုလေဝ်ဒှ်အာဟွံမာန်တုဲ ယဝ်လပါ်တေံကြံၚ်ကၠုၚ်ဏောၚ်တှ်ေ လပါ်ဇကုဂွံကြံၚ်အာကီုဂှ် ဟွံဒှ်တုဲ ဗီုညးမွဲလပါ်တေံတက်ကျာဖျေံသ္ဂုတ်သွာတ်ဂှ် ဇကုဒးဗက်စဗွဲမဂၠိုၚ်ရ၊ ဗီုသာ်ဏံ ယဝ်ဒှ်သၟာပရေၚ်ပိုန်ဒြပ်မွဲ ညးဍုၚ်ကွာန်မွဲတှ်ေ မုဟွံဒှ်ပုဟ်၊ ဆဂး ယဝ်ဒှ်က္ဍိုပ်သ္ကိုပ်ဇၞော်ဇၞော်မွဲပ္ဍဲဂကူဂှ်မ္ဂးတှ်ေ ဇီုကပိုက်ကဵုပရေၚ်ဍုၚ်ကွာန်ကောန်ဂကူဂှ် ဇီုကပိုက်ကဵုပရေၚ်ဗၠးၜးပ္ဍဲကောန်ဂကူဂှ်ဇၞော်ကဵုဒြဟတ်ဟွံက စဵုကဵုဂကူကၠက်အာသိုက်က်ဒှ်မာန်ရ၊ (ဟိုတ်နူကဵုညးဒုတ်တ်တံမိပ်ဒၟံၚ်ကဵုပရေၚ်ပိုန်ဒြပ်)။
ကၠောန်ပရေၚ်ဂကူ လ္ပလောဘပရေၚ်ပိုန်ဒြပ်ဂှ် ဂွံအဓိပ္ပါယ်ပ္ဍဲညးတာလျိုၚ်နွံကဆံၚ်သၠုၚ်ၚ်တံတုဲ သွက်ညးဍုၚ်ကွာန်တံဂှ် ပရေၚ်ပိုန်ဒြပ်ဒးဒှ်အဓိကရ၊ သရောပ်အုပ်နိဂီုၜိုတ်ဏံရ − တၚ်ဂုဏ်ရအဴ။
ไม่มีความคิดเห็น:
แสดงความคิดเห็น