စိုတ်တုပ်
နွံကာလမွဲတ္ၚဲဂှ် ဂကောံသ္ကံရဲမိတ်သဟာဲတြုံတြုံစှ်တၠဂှ် အဃောတက်မံၚ်ကျာဂှ်ဟေၚ် ညးမွဲဂှ်ဟီုတိုန် − ဟေရဲတအ် ပိုဲမၞိဟ်စှ်ဏံဂှ် ညးမွဲတှ်ေ ကေတ်နၚ်ဍာ်တာမွဲပဠၚ်ညဳညဳတုဲ ဂွံကၠုၚ်ဍာ်တာစှ်ပဠၚ် ပိုဲတံတက်ဝိုၚ်သုၚ်စမိပ်မိပ်ဏောၚ်ဟီုတိုန်ရ။
သီုညးစှ်တၠဂှ်တုပ်စိုတ်တုဲဗက် ဗီုညးညးအာရာန်ကေတ်နၚ်ဍာ်တာညးမွဲမွဲပဠၚ်ရ၊ အဃောဂှ် မၞိဟ်မွဲဂှ်ချပ်တိုန်ရ၊ − ပ္ဍဲမၞိဟ်စှ်တၠဏံဂှ် အဲမွဲလ္ပရာန်ဍာ်တာတုဲ အဲအာကေတ်နၚ်ဍာ်သ္ၚုမ္ဂးတှ်ေ မၞိဟ်ဒစိတ်တၠတံဂှ် သာ်လဵုလေဝ်ဟွံတီဍာ်သ္ၚုအဲဏံမွဲပဠၚ်တွဵုရ။
ဟိုတ်ဒှ်သာ်ဂှ်တုဲ အတိုၚ်မၞိဟ်စှ်တၠဂှ် ချပ်တဴဗီုဂှ်တုပ်တုပ်တုဲ အိုတ်ကၞောတ် ညးစှ်တၠကောံကၠုၚ်တုဲ ကိုဟ်ဖျေံပ္ဍဲထၟာဲဗက်ဂှ် တက်ဝိုၚ်ကောံညဳသုၚ်ဍာ်တာအိုတ်ရ၊ အခါသုၚ်ဍာ်တာဂွံတက်ဝိုၚ်မိပ်မိပ်ဂှ် ဒှ်ဒၟံၚ်ဍာ်သ္ၚုဖအိုတ်ရ၊ အတိုၚ်ညးစှ်တၠဂှ်လေဝ် သွက်ဂွံထေဲကဵုညးလဵုဂှ်ဟွံမွယ်တုဲ ဂြိုၚ်တိုန်ဟးဟးဟးတုပ်တုပ်ဖအိုတ်ရ။
ဗဟုသုတဏံမုအဓိပ္ပါဲရောဟီုဂှ်တှ်ေ လပါ်အတ္တပိုဲမၞိဟ်ဏံဂှ် ချပ်တိတ်လောဲနူကၠောန်ခိုဟ်တုဲ လဆောဝ်တှ်ေ စိုတ်ပိုဲမၞိဟ်ဏံ တုပ်တဴမွဲဟီုဂှ်တှ်ေ အတ္တနွံဒၟံၚ်တုဲ နူဝိုၚ်ဍာ်တာဂှ် ဒှ်အာဝိုၚ်ဍာ်သ္ၚုကီုရ။
လဟီုဗွဲတၟေၚ်ဂွံမိၚ်မံၚ်တွဵု
👇👇👇
လညာတ်ပိုဲမၞိဟ်ဏံ နွံတဴကဵုလက်ကိုတ် အရာၚုဟ်မးအောန်သွက်ညးဂမၠိုၚ်သွက်ဂကူတုဲ ယဝ်ရဗီုလညာတ်သာ်ဏံနွံတုပ်မံၚ်ဖအိုတ်ညံၚ်ရဴဝိုၚ်ဍာ်တာဂှ်မ္ဂးတှ်ေ ဒှ်ကၠုၚ်ဝိုၚ်ဍာ်သ္ၚုကီုရ။
လညာတ်သာ်ဏံ ယဝ်နွံပ္ဍဲညးတၠပညာတံဏောၚ်တှ်ေ ဂကူသွက်ဂွံတောတက်အာမာန်ဂှ် ဣလဵုနွံရောဂှ် တၟာဒဳရုဲလေဝ်ဟွံမွယ်ဟွံဆဵုရ၊ ကၠောန်မံၚ်တ္ၚဲဏံဂှ် မၚ်ကဵုအာယုက်အိုတ် မၚ်ချိုတ်မွဲသာ်တုပ်တုပ်ဖအိုတ်ရ။
🔻🔻🔻
(ဝိညာဏ်ထဝ်)
ไม่มีความคิดเห็น:
แสดงความคิดเห็น