==၆။ သေနာသနက္ခန္ဓက==
===၆.၁။ အခဏ်ပထမ===
====၆.၁.၁။ ကဵုအခေါၚ်ဘာ====
၂၉၄။ တဳလမၞုံပိုဉ်ကျာ်တြဲ မပတၠပိုဉ်တြဴပြကာ သ္ပဒတဴတန်ဒၟံၚ် ပ္ဍဲဘာဝေဠုဝန် မဒှ်ဒၞာဲကဵုစၞ ကုယန်လမ္စံက်ဂမၠိုၚ် ဇရေင်ဍုင်ရာဇဂြိုဟ်ရ၊ ပ္ဍဲအခိၚ်ဂှ် တဳလပိုဉ်ကျာ်တြဲ ဟဂွံပညပ်ဘာ ကုခမဳဂမၠိုၚ်ဏီရ။
ခမဳဂမၠိုၚ်လေဝ် ပဒတဴပ္ဍဲဌာန်ဂှ်ဂှ် မတွံဂးဂြိုပ် သၟဝ်တၞံဆု ဒဵု ဇြဟ်စောဝ် သရောဒဵုသုသာန် သပိုဟ်ဂြိုပ်ရာပ်ခြုမ် အမှဲအကး ဖအုံဆံက်အိုတ်ရ။ ပ္ဍဲခမဳဂမၠိုၚ်ဂှ် ပ္ဍဲနူဂယးပြဟ်ဟေၚ် တိတ်ကၠုၚ် နူဌာန်ပဒတဴဂမၠိုၚ်ဂှ်ဂှ် ဗွဲမဍိုက်ပေၚ်ကဵုဣရိယာပိုဒ် နပွမတိုန်ဂတ ပွမဆုတ်လက်ကရဴ ပွမသ္ၚေဝ်ရံၚ်တူရူ ပွမသ္ၚေဝ်ရံၚ်သကဲ ပွမခ္ဍပ် ပွမပၠး မထေက်ကဵုလျုၚ်ဇြုၚ်သ္ဍိုက် သီုမဖျေံလဝ်မတ် ဗွဲသၟဝ်အိုတ်ရ။
ပ္ဍဲအခိင်ဂှ် နူဂယးပြဟ်ဟေၚ် သေဌဳရာဇဂြိုဟ် မအာဥဒျာန်ဂှ် ညာတ်ဒးအာ ခမဳဂမၠိုၚ် ပ္ဍဲနူဂယးပြဟ်ဟေၚ် မတိတ်ကၠုၚ် နူဌာန်ပဒတဴဂှ်ဂှ်ဂမၠိုၚ် မတွံဂးဂြိုပ် သၟဝ်တၞံဆု ဒဵု ဇြဟ်စောဝ် သရော်ဒဵု သုသာန် သပိုဟ်ဂြိုပ်ရာပ်ခြုမ် အမှဲအကး ဖအုံဆံက် ဗွဲမဍိုက်ပေၚ်ကဵုဣရိယာပိုဒ် နပွမတိုန်ဂတ ပွမဆုတ်လက်ကရဴ ပွမသ္ၚေဝ်ရံၚ်တူရူ ပွမသ္ၚေဝ်ရံၚ်သကဲ ပွမခ္ဍပ် ပွမပၠး မထေက်ကဵုလျုၚ်ဇြုၚ်သ္ဍိုက် သီုမဖျေံလဝ်မတ်ဗွဲသၟဝ်တုဲ စိုတ်သေဌဳရာဇဂြိုဟ် ကေဝ်ဇြုၚ်ရ။ ပ္ဍဲအခိၚ်ဂှ် သေဌဳရာဇဂြိုဟ် ပြာပ်အာဇရေၚ်ခမဳဂမၠိုၚ်တုဲ—
“ယွံတဳလပိုဉ်တအ် ယဝ်အဲဍိက် သိုၚ်ခၞံကဵုဘာဂမၠိုၚ်မ္ဂး ပဒတဴ ပ္ဍဲဘာအဲဍိက်ဂမၠိုၚ်အိုတ်ဟာ” ရဴဝွံ ဂရၚ်ပတီ ခမဳဂမၠိုၚ်ရ။
ယွံဒကာ တဳလပိုဉ်ကျာ်တြဲ ဟဂွံကဵုအခေါၚ် ဘာဂမၠိုၚ်ဏီရ ရဴဝွံ (သ္ဂးအိုတ်ရ)။
ယွံတဳလပိုဉ်တအ် ဒှ်သာ်ဂှ်မ္ဂး ဂရၚ်ပတီသၟာန် တဳလပိုဉ်ကျာ်တြဲတုဲ သြဝ်ဟီုလဴကုအဲဍိက်အိုတ်ညိ ရဴဝွံ (ဂရၚ်ပတီရ)။
“ယွံဒကာ ခိုဟ်သန်ရ” ရဴဝွံ ခမဳဂမၠိုၚ်ဂှ် ဒုၚ်ဝန် ကုသေဌဳရာဇဂြိုဟ်တုဲမ္ဂး ပြာပ်အာဇရေၚ် တဳလပိုဉ်ကျာ်တြဲတုဲ လ္ၚောဝ်သ္ပဝတ်တုဲမ္ဂး သီုမဂဇအ်ဒၟံၚ်ပ္ဍဲမွဲဒၞာဲအိုတ်ဂှ် “ယွံတဳလပိုဉ် သေဌဳရာဇဂြိုဟ် မိက်ဂွံသိုၚ်ခၞံကဵုဘာဂမၠိုၚ်ရ၊ ပသာ်ဂွံသ္ပရောကျာ်”ရဴဝွံ (ဂရၚ်ပတီအိုတ်ရ)။
ပ္ဍဲအခိၚ်ဂှ် ဟိုတ်နူဟိုတ်အရာဝွံ တဳလပိုဉ်ကျာ်တြဲ တွံကဵုဂလာန်ဓရ်တုဲ—
“ယွံခမဳတအ် ကဵုအခေါၚ် ဘာဂမၠိုၚ်မသုန်ဂကူ မတွံဂးဘာဖျေံကၟဳၜါလပါ် ဘာဖျေံကၟဳမွဲလပါ် ပြာသာဒ်ပန်ကၠၚ် ပြသာဒ်ခၠုပ် ထီုဂိုဟ်ဝွံရ” ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဂမၠိုၚ် ပြာပ်အာဇရေၚ် သေဌဳရာဇဂြိုဟ်တုဲ “ယွံဒကာ တဳလပိုဉ်ကျာ်တြဲ ကဵုအခေါၚ် ဘာဂမၠိုၚ်တုဲရ၊ လၟုဟ်သြဝ်တီကေတ် အခိၚ် သွက်ဂွံသိုၚ်ခၞံဘာညိ ရဴဝွံ ဟီုသ္ဂးကဵု သေဌဳရာဇဂြိုဟ်အိုတ်ရ။
ပ္ဍဲအခိၚ်ဂှ် သေဌဳရာဇဂြိုဟ် ပ္ဍဲမွဲတ္ၚဲဓဝ်ဟေၚ် ကဵုပတန်ဘာဂမၠိုၚ်တြဴစှော်မရ။ ပ္ဍဲကြဴနူဂှ် သေဌဳရာဇဂြိုဟ် ကဵုပတုဲကၠေံ ဘာဂမၠိုၚ်တြဴစှော်မတုဲ ပြာပ်အာဇရေၚ် တဳလပိုဉ်ကျာ်တြဲတုဲ ပ္ဍဲကြဴ လ္ၚောဝ်သ္ပဝတ်တုဲမ္ဂး သီုမဂဇအ်ဒၟံၚ်ပ္ဍဲဒၞာဲမွဲဂှ်—
“ယွံတဳလပိုဉ်ကျာ်တြဲ သွက်တ္ၚဲယးတေံ တဳလပိုဉ်ကျာ်တြဲ မွဲဟာန်ကေုာံခမဳသၚ်ဂမၠိုၚ် သြဝ်ဒုၚ်တဲပိဏ္ဍပါတ် အဲဍိက်ညိ” ရဴဝွံ ဂရၚ်ပတီရ။ တဳလပိုဉ်ကျာ်တြဲဂှ် နမမံၚ်ထောံသ္ၚိတ်သ္ၚိတ်ဂှ် ဒုၚ်ကေတ်တဲရ။ ပ္ဍဲအခိၚ်ဂှ် သေဌဳရာဇဂြိုဟ် တီကေတ် တဳလပိုဉ်ကျာ်တြဲ ဒုၚ်တဲတုဲ ဒၠိုက်ကတဵုနူဒၞာဲ လ္ၚောဝ်သ္ပဝတ် တဳလမၞုံပိုဉ်ကျာ်တြဲ သ္ပရှေ်သှေ်ရဴဂဴတုဲမ္ဂး ပါဲစ္ဍးအာရ။
ပ္ဍဲအခိၚ်ဂှ် သေဌဳရာဇဂြိုဟ်ဂှ် ဗတမ်ဂှ်လောန်ၜက်အာတုဲ ကဵုစဳရေၚ်စၞအာဟာရ ဘောဇိုန်မပြဲပြဲ ပ္ဍဲသ္ၚိဇကုတုဲ ‘ယွံတဳလပိုဉ် ဒးအခိၚ်ရ၊ ပဠေဝ်ပဠေတ်ပိဏ္ဍပါတ်တုဲရ’ ရဴဝွံ ကဵုဂရၚ်ပတီ အခိၚ်ကဵုပိုဉ် ကုတဳလမၞုံပိုဉ်ကျာ်တြဲရ။
ပ္ဍဲအခိၚ်ဂှ် တဳလမၞုံကဵုပိုဉ်ကျာ်တြဲ ပ္ဍဲအခိၚ်နူဂယး ဗိုက်ပဠေဝ်ပဠေတ်သ္ၚာတုဲ သီုမထ္ၜဂိုၚ်ကေတ်ဗဗေၚ်သ္ၚာဂှ် က္ညပြာပ်စဴအာသ္ၚိ သေဌဳရာဇဂြိုပ်တုဲမ္ဂး ဂဇအ်ဒၟံၚ် ပ္ဍဲသၞာမလးပညပ်လဝ် မွဲဟာန်ကေုာံခမဳသၚ်ရ၊ ပ္ဍဲအခိၚ်ဂှ် သေဌဳရာဇဂြိုဟ် နကဵုစၞအာဟာရ ဘောဇိုန်မပြဲပြဲ အလဵုဇကု ကၠောန်ၜိုတ်ဥပကာ တြာပ်ဖာပ်ဗ္စ ခမဳသၚ်မၞုံပဓာန်ဍေံ တဳလပိုဉ်ကျာ်တြဲတုဲ စဵုကဵုတရိုပ်ကဵုစိုတ် စဵုကဵုဒးဆေဝ်တာပဒေါအ်ကၠေံရ။ တဳလမၞုံပိုဉ်ကျာ်တြဲ ကဵုပိုန်တုဲ ပ္ဍဲအခိၚ်ပါဲကၠေံတဲ နူဗဗေၚ်တုဲဂှ် သေဌဳရာဇဂြိုဟ် ဂဇအ်ဒၟံၚ်ပ္ဍဲဒၞာဲမွဲတုဲ—
“ယွံတဳလမၞုံပိုဉ် အဲဍိက် ဟိုတ်မၞုံပၟိက်ကဵုကုသဵုထၟိက်ကီု ဟိုတ်မၞုံပၟိက်ကဵုသွဝ်ကီု ဂပ်ဝ်ကဵုသိုၚ်ခၞံဘာဂမၠိုၚ်တြဴစှော်မဝွံအိုတ်ရ၊ ယွံတဳလမၞုံပိုဉ် ပ္ဍဲဘာဂမၠိုၚ်ဂှ် အဲဍိက် ပသာ်ဂွံဒ္ဂေတ်သ္ပရော?” ရဴဝွံ ဂရၚ်ပတီ ကုတဳလမၞုံပိုဉ်ကျာ်တြဲရ။
ယွံဒကာ ဒှ်သာ်ဂှ်မ္ဂး ဘာဂမၠိုၚ်တြဴစှော်မဂှ် တၠအဲ သြဝ်ကဵုဒါန် ကုသၚ်မၞုံပ္ဍဲဒိုဟ်ပန်မကၠုၚ်စိုပ်တုဲ ကြက်ကၠုၚ်စိုပ်ညိ ရဴဝွံ (သ္ဂးရ)။ “ယွံတဳလမၞုံပိုဉ် ခိုဟ်သန်ရ” ရဴဝွံ သေဌဳရာဇဂြိုဟ် ဒုၚ်ဝန် ကုတဳလမၞုံပိုဉ်ကျာ်တြဲတုဲပ္ဍဲကြဴ ဘာဂမၠိုၚ်တြဴစှော်မဂှ် ကဵုဒါန် ကုသၚ်မၞုံပ္ဍဲဒိုဟ်ပန် မကၠုၚ်စိုပ်တုဲ ကြက်ကၠုၚ်စိုပ်ရ။
၂၉၅။ ကြဴနူဂှ် တဳလမၞုံပိုဉ်ကျာ်တြဲ သ္ပအနုမောဒနာကဵု သေဌဳရာဇဂြိုဟ် နကဵုဂါထာဂမၠိုၚ်ဝွံရ—
“(ဘာဂှ်) ပါဲပၠေၚ်ကၠေံ လၟုဟ်ဂံက်ကီု လၟုဟ်ဂမ္တဴကီု သအာၚ်နူဂှ် သတ်ဒမြိုဟ်ဂမၠိုၚ်ကီု ဇြုံဂဂဳအယဴဂမၠိုၚ်ကီု ဂမိတ်ဂမၠိုၚ်ကီု ကျာဂံက်ဂမၠိုၚ်ကီု ထၞဟ်ဗြဲဂမၠိုၚ်ကီုမာန်ရ။
သအာၚ်နူဂှ် ကျာမသကာတ်မြဟ် ဂမ္တတ္ၚဲသကာတ်မြဟ် မကတဵုဒှ်ကၠုၚ်လေဝ် ပါဲပၠေၚ်ကၠေံမာန်ရ၊ တၞဟ်နပွမသတိက်သတၚ်ကီု တၞဟ်နပွမဒှ်တသိုခ်ကီု တၞဟ်နပွမလုပ်စၛာန်ကီု တၞဟ်နပွမမၠာ်သ္ၚေဝ် ဝိပဿနာကီု ပွမဂွံကဵုဒါန်ဘာဂှ် ပြဲရ ရဴဝွံ ကျာ်တြဲထိုၚ်သးရ။
ဟိုတ်ဂှ်ရ ညးမၞုံကဵုပညာ မညာတ်အာ ဒတုဲဖဵုဇကုဂှ် ကဵုသိုၚ်ခၞံ ဘာဂမၠိုၚ်မထေက်ကဵုမိပ်လဟိၚ်ရ၊ ပ္ဍဲဘာဂမၠိုၚ်ဝွံ ကဵုခမဳဂမၠိုၚ် မၞုံကဵုလမိၚ်လညာတ်မဂၠိုၚ် ပဒတဴရ၊ နကဵုစိုတ်မလျုၚ်ဇြုၚ်သ္ဍိုက် ဒးကဵုဒါန် စၞစကီု စၞသုၚ်ကီု သ္ၚာသၞာသတိက် သၞာဒၟံၚ်ဂမၠိုၚ်ကီု မဗဗွဲကုခမဳမလ္ဂူတပ်တးဂမၠိုၚ်ရ။
ခမဳဂမၠိုၚ်ဂှ် တွံကဵုဓရ် မလေပ်ပါဲကၠေံ ဒဒိုခ်ဝဋ်အိုတ်သီုမာန် ကုဒကာဘာဂှ်အိုတ်ရ၊ ဒကာဘာဂှ် တီကေတ်ဓရ် ပ္ဍဲသာသနာဝွံတုဲ သီုဟွံမွဲကဵုဓရ်အာသဝဂှ် ဂွံၜိုဟ်သတိုတ်ရ” ရဴဝွံ (သ္ပအနုမောဒနာရ)
တဳလမၞုံပိုဉ်ကျာ်တြဲ သ္ပအနုမောဒနာကဵု သေဌဳရာဇဂြိုဟ် နကဵုဂါထာဂမၠိုၚ်ဝွံတုဲ ပ္ဍဲကြဴက္ညဒၠိုက်ကတဵုနူဒၞာဲတုဲ ပါဲစ္ဍးအာရ။
၂၉၆။ “တဳလမၞုံပိုဉ်ကျာ်တြဲ ကဵုအခေါၚ်ဘာဂမၠိုၚ်ရဂး” ရဴဝွံ ဂွံမိၚ်ကေတ်အိုတ်တုဲ မၞိဟ်ဂမၠိုၚ် ကဵုသိုၚ်ခၞံဘာဂမၠိုၚ် ဗွဲမဒးရးအိုတ်ရ။ ဘာဂမၠိုၚ်ဂှ် သၠတြၚ်ဟွံမွဲအိုတ်ဂှ်ရ ဇြုံအယဴဂဂဳဂမၠိုၚ် လုပ်အိုတ်ရ။ ဂရၚ်ပတီ ဟိုန်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် ဇဵုတြၚ်ကီု ခအဳသၟတ်ကီု ပးလကံက်လတူကီုရ ရဴဝွံ (သ္ဂးရ)။
သၠတြၚ်ဂမၠိုၚ် ဟွံစိပ်အိုတ်ရ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် ပၞော်သွက်ဂွံတံၚ်ကီု ဇုက်သွက်ဂွံတံၚ်ကီုရ ရဴဝွံ (သ္ဂးရ)။
တၟာတ်သၠတြၚ်ဂမၠိုၚ် ဟွံမာန်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် ဒယိုၚ်တိုၚ်စုတ်သၞောဝ်တြၚ်ကီု ပးလကံက်ဆုသၟတ် သွက်ဂွံစုတ်သၞောဝ်တြၚ်ကီု (ဂွေန်တဲကၞုဲပသဲ) ကီု သၞောဝ်တြၚ်သၟတ်ကီု သၞာဲတြၚ်ကီုရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဂမၠိုၚ် ပံက်သၠတြၚ်ဟွံမာန်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် ပသဲတ္ၚံက် (ကောန်ပၞံက်) ဂမၠိုၚ်ပိဂကူ မတွံဂး ပသဲတ္ၚံက်ဗရိုတ် ပသဲတ္ၚံက်ဆု ပသဲတ္ၚံက်ဒြၚ်သတ်ရ ရဴဝွံ (သ္ဂးရ)။ နကဵုပသဲတ္ၚံက်ဂမၠိုၚ်ဂှ် ပံက်သၠတြၚ်ဂမၠိုၚ်ဂှ်တုဲ ဂွံလုပ်အိုတ်ရ။
ဘာဂမၠိုၚ် ဟွံဂြောပ်ဗ္ဒန်ခိုၚ်ကၠိုက်အိုတ်ရ၊ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် ယန္တရာပံက် (ကသအ်) သၞောဝ်တြၚ်သၟတ် (ကောန်ကသအ်) ရ ရဴဝွံ (သ္ဂးရ)။
ပ္ဍဲအခိၚ်ဂှ် ဟိုတ်စၟဳလဝ်ဘာဂမၠိုၚ် နကဵုချောဲဂှ်ရ ပ္ဍဲအခိၚ်ဂံက် ၜိုဟ်ဂံက်အိုတ်ရ၊ ပ္ဍဲအခိၚ်ဂမ္တဴကတဴဥအိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ်ဂရိုက်တုဲ တၞဟ်နလံက်လေတ် အပ္ဍဲမ္ၚးရ ရဴဝွံ (သ္ဂးရ)။
ပ္ဍဲအခိၚ်ဂှ် ဘာဂမၠိုၚ် ဟွံမွဲကဵုပၞော်ဗတၚ်ကျာတုဲ ဟွံကဵုမတ်ဂမၠိုၚ် ကေဝ်ဇြုၚ်အိုတ်ရ၊ သၟူအမြာဲဟွံဒးရးအိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် ဗတၚ်ကျာဂမၠိုၚ်ပိဂကူ မတွံဂး ဗတၚ်ကျာတိုၚ်ဗွုတ် ဗတၚ်ကျာဒဇာ ဗတၚ်ကျာဒုၚ်ကရေက်ရ ရဴဝွံ (သ္ဂးရ)။
နအကြာဗတၚ်ကျာဂှ် ပြေပ်ဂမၠိုၚ်ကီု ကဝကၞိဂမၠိုၚ်ကီု လုပ်အိုတ်ရ၊ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် တၞဟ်နဒက်ဗတၚ်ကျာ နကဵုကဝးဇုက်ဇိုတ်ဇိုၚ်ရ ရဴဝွံ (သ္ဂးရ)။
နအကြာကဝးဇုက်ဇိုတ်ဇိုၚ်လေဝ် ပြေပ်ဂမၠိုၚ်ကီု ကဝကၞိဂမၠိုၚ်ကီု လုပ်အိုတ်ရ၊ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် သၠတြၚ်ဗတၚ်ကျာကီု ဖုန်မသ္ပလဝ်တၟာဗတၚ်ကျာကီုရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဂမၠိုၚ် တိက်ပ္ဍဲတိဂှ်ရ ဇကုကေုာံသ္ၚာဂမၠိုၚ် ခၞိက်တိကၠေဝ်ဗာန်ဒှ်အိုတ်ရ၊ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် သၞာလးချောဲရ ရဴဝွံ (သ္ဂးရ)။
ကၞိဂမၠိုၚ်ကီု ဂြုန်ဂမၠိုၚ်ကီု ကိတ်သၞာချောဲဂှ်အိုတ်ရ၊ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် ပွမလံက်လေတ်ဗွဝ်တိသလာတ်ရ ရဴဝွံ (သ္ဂးရ)။ ဟိုတ်မလံက်လေတ်ဗွဝ်တိသလာတ်ဂှ် ဇကုဂမၠိုၚ်ဂိသကေဝ်အိုတ်ရ၊ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် ဇံၚ်တာန်ကဵုၜဝ်ရ ရဴဝွံ (သ္ဂးရ)။
====၆.၁.၂။ ကဵုအခေါင် မပတမ်ဇံၚ်ဂတဵု====
၂၉၇။ ပ္ဍဲအခိၚ်ဂှ် ဇံၚ်မၞုံကဵုၝောံမဂပ်ဝ်ပြိုက်လဝ်ပ္ဍဲဇိုၚ် မကလိဂွံနၚ်နူသုသာန် ကတဵုဒှ်ကၠုၚ် ကုသၚ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် ဇံၚ်မၞုံကဵုၝောံ မဂပ်ဝ်ပြိုက်လဝ်ပ္ဍဲဇိုၚ်ရ ရဴဝွံ (သ္ဂးရ)။
ဂတဵုမၞုံကဵုၝောံ မဂပ်ဝ်ပြိုက်လဝ်ပ္ဍဲဇိုၚ် ကတဵုဒှ်ကၠုၚ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် ဂတဵုမၞုံကဵုၝောံ မဂပ်ဝ်ပြိုက်စုတ်လဝ်ပ္ဍဲဇိုၚ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ဇံၚ်မၞုံကဵုၝောံ ကေုာံ ဇိုၚ်မွဲဗ္စပ်ဓဝ် မကလိဂွံနၚ်နူသုသာန် ကတဵုဒှ်ကၠုၚ် ကုသၚ်ရ၊ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် ဇံၚ်မၞုံကဵုၝောံကေုာံဇိုၚ်မွဲဗ္စပ်ဓဝ်ရ ရဴဝွံ (သ္ဂးရ)။ ဂတဵုမၞုံကဵုၝောံကေုာံဇိုၚ်မွဲဗ္စပ်ဓဝ် ကတဵုဒှ်ကၠုၚ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် ဂတဵုမၞုံကဵုၝောံဇိုၚ်မွဲဗ္စပ်ဓဝ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ဇံၚ်မၞုံကဵုဇိုၚ်သဏ္ဌာန်ၚာၚ်ဂတာံ မကလိဂွံနၚ်နူသုသာန် ကတဵုဒှ်ကၠုၚ် ကုသၚ်ရ၊ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် ဇံၚ်မၞုံကဵုဇိုၚ်သဏ္ဌာန်ၚာၚ်ဂတာံရ ရဴဝွံ (သ္ဂးရ)။
ဂတဵုမၞုံကဵုဇိုၚ်သဏ္ဌာန်ၚာၚ်ဂတာံ ကတဵုဒှ်ကၠုၚ်ရ၊ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် ဂတဵုမၞုံကဵုဇိုၚ်သဏ္ဌာန်ၚာၚ်ဂတာံရ ရဴဝွံ (သ္ဂးရ)။
ပ္ဍဲအခိၚ်ဂှ် ဇံၚ်မၞုံကဵုဇိုၚ်မဂပ်ဝ်ပြိုက်လဝ်ၝောံ မကလိဂွံနၚ်နူသုသာန် ကတဵုဒှ်ကၠုၚ် ကုသၚ်ရ၊ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် ဇံၚ်မၞုံကဵုဇိုၚ်မဂပ်ဝ်ပြိုက်လဝ်ပ္ဍဲၝောံရ ရဴဝွံ (သ္ဂးရ)။ ဂတဵုမၞုံကဵုဇိုၚ်မဂပ်ဝ်ပြိုက်လဝ်ပ္ဍဲၝောံ ကတဵုဒှ်ကၠုၚ် ကုသၚ်ရ၊ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် ဂတဵုမၞုံကဵုဇိုၚ်မဂပ်ဝ်ပြိုက်လဝ်ပ္ဍဲၝောံရ ရဴဝွံ (သ္ဂးရ)။
ပ္ဍဲအခိၚ်ဂှ် ဂတဵုပန်ကၠၚ်ကတဵုဒှ်ကၠုၚ် ကုသၚ်ရ၊ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် ဂတဵုပန်ကၠၚ်ရ ရဴဝွံ (သ္ဂးရ)။
ဂတဵုပန်ကၠၚ်မသၠုၚ် ကတဵုဒှ်ကၠုၚ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် ဂတဵုပန်ကၠၚ်မသၠုၚ်ရ ရဴဝွံ (သ္ဂးရ)။
ဇံၚ်မၞုံကဵုအၚ်္ဂထပှ်ပြကာ ကတဵုဒှ်ကၠုၚ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် ဇံၚ်မၞုံကဵုအၚ်္ဂထပှ်ပြကာရ ရဴဝွံ (သ္ဂးရ)။
ဇံၚ်မၞုံကဵုအၚ်္ဂထပှ်ပြကာမသၠုၚ် ကတဵုဒှ်ကၠုၚ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် ဇံၚ်မၞုံကဵုအၚ်္ဂထပှ်ပြကာမသၠုၚ်ရ ရဴဝွံ (သ္ဂးရ)။ ဂတဵုတာန်လဝ်ကဵုၜဝ် ကတဵုဒှ်ကၠုၚ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် ဂတဵုတာန်လဝ်ကဵုၜဝ်ရ ရဴဝွံ (သ္ဂးရ)။
ဂတဵုဒက်တာန်ယာတ် ကတဵုဒှ်ကၠုၚ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် ဂတဵုဒက်တာန်ယာတ်ရ ရဴဝွံ (သ္ဂးရ)။ ဂတဵုမၞုံကဵုဇိုၚ်မတ္ၚံက် ညံၚ်ဇိုၚ်သဵု ကတဵုဒှ်ကၠုၚ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် ဂတဵုမၞုံကဵုဇိုၚ်မတ္ၚံက် ညံၚ်ဇိုၚ်သဵုရ ရဴဝွံ (သ္ဂးရ)။ ဂတဵုမၞုံကဵုဇိုၚ်မဂၠိုၚ်သဏ္ဌာန်တလုဲ ကတဵုဒှ်ကၠုၚ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် ဂတဵုမၞုံကဵုဇိုၚ်မဂၠိုၚ် သဏ္ဌာန်သတ်တလုဲရ ရဴဝွံ (သ္ဂးရ)။ ဂတဵုခတှ်ေကတဵုဒှ်ကၠုၚ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် ဂတဵုခတှေ်ရ ရဴဝွံ (သ္ဂးရ)။
သၞာကောပ်ကာဲဒေဲါ (ဂတဵုထၟိက်) ကတဵုဒှ်ကၠုၚ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် သၞာကောပ်ကာဲဒေဲါရ ရဴဝွံ (သ္ဂးရ)။ ဂတဵုဆံက် ကတဵုဒှ်ကၠုၚ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် ဂတဵုဆံက်ရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဆဗ္ဗဂ္ဂဳဂမၠိုၚ် တိက်ပ္ဍဲဇံၚ်မသၠုၚ်အိုတ်ရ၊ မၞိဟ်မဂေတ်ဂ္ၚေၚ်လၟေၚ်ဘာဂမၠိုၚ် ညာတ်ဒးတုဲ “သၟဟ်ညံၚ်ရဴမၞိဟ်ဒုၚ်စသိုၚ် ကာမဂုဏ်ဂမၠိုၚ်ကီုရောၚ်” ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ၊ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ဟဂပ်ဝ်တိက်ပ္ဍဲဇံၚ်မသၠုၚ်ရ၊ ကုခမဳ မတိက်ဂှ် ဒးအာပတ်ဒုက္ကဋ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳမွဲဇကု တိက်ပ္ဍဲဇံၚ်မသဝ်မ္ဂး ဒးဒုၚ်ဒွံကဵုဇြုံရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် ဂၞဳဒုၚ်ဇိုၚ်ဇံၚ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဆဗ္ဗဂ္ဂဳဂမၠိုၚ် ပကၚ်ရၚ်လဝ် ဂၞဳဒုၚ်ဇိုၚ်ဇံၚ်မသၠုၚ်အိုတ်ရ၊ ချဳဒတဝ် (ဂရိုက်ဂဝုဲ) မွဲဟာန်ကေုာံ ဂၞဳဒုၚ်ဇိုၚ်ဇံၚ်ဂမၠိုၚ်အိုတ်ရ။ မၞိဟ်မဂေတ်ဂ္ၚေၚ် လၟေၚ်ဘာဂမၠိုၚ် ညာတ်ဒးတုဲ “သၟဟ်ညံၚ်ရဴမၞိဟ်ဒုၚ်စသိုၚ် ကာမဂုဏ်ဂမၠိုၚ်ကီုရောၚ်” ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ဟဂပ်ဝ်ပကၚ်ရၚ်လဝ် ဂၞဳဒုၚ်ဇိုၚ်ဇံၚ်မသၠုၚ်ရ၊ ကုခမဳ မပကၚ်ရၚ်ဂှ် ဒးအာပတ်ဒုက္ကဋ်ရ၊ ယွံခမဳတအ် ကဵုအခေါၚ် ဂၞဳဒုၚ်ဇိုၚ်ဇံၚ် မၞုံဗၞတ်ဒ္စါံလပုဟ်တဲရ ရဴဝွံ (သ္ဂးရ)။
ပ္ဍဲအခိၚ်ဂှ် တောဝ် ကတဵုဒှ်ကၠုၚ် ကုသၚ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် တၞဟ်နပူပါတ်စုတ်တောဝ် ပ္ဍဲဇံၚ်ရ ရဴဝွံ (သ္ဂးရ)။
အဝယ်လစှေ် (ဇံၚ်) ဂမၠိုၚ် ကဵုတောဝ်ဗွဲမဂၠိုၚ်အိုတ်အာအိုတ်ရ။ ယွံခမဳတအ် ပထောၚ်ကလိုဟ်ကၠေံအဝယ်လစှေ်ဂမၠိုၚ်တုဲ ကဵုအခေါၚ် တၞဟ်နဒက်ပါတ်စုတ်ဒ္စံါခန်ရ ရဴဝွံ (သ္ဂးရ)။ ယာတ်တမြံၚ် ကတဵုဒှ်ကၠုၚ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် တၞဟ်နသ္ပယာတ်တမြံၚ်လးတိရ ရဴဝွံ (သ္ဂးရ)။ သၞာမၞုံကဵုချဵု ကတဵုဒှ်ကၠုၚ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် သှ်ပလိုဟ်ကၠေံတုဲ တၞဟ်နသ္ပဂၞဳရ၊ ကဵုအခေါၚ် ချဵုဂမၠိုၚ်ပိဂကူမတွံဂး ချဵုဆု ချဵုလွာဇုက် ချဵုချောဲရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဆဗ္ဗဂ္ဂဳဂမၠိုၚ် ပကၚ်ရၚ်လဝ် ဂၞဳဂမၠိုၚ် မၞုံဗၞတ်ဗ္ၜတ်ကဝက်ဇကုအိုတ်ရ၊ မၞိဟ်မဂေတ်ဂ္ၚေၚ်လၟေၚ်ဘာဂမၠိုၚ် ညာတ်ဒးတုဲ “သၟဟ်ညံၚ်ရဴမၞိဟ်ဒုၚ်စသိုၚ် ကာမဂုဏ်ဂမၠိုၚ်ကီုရောၚ်” ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ဟဂပ်ဝ်ပကၚ်ရၚ်လဝ် ဂၞဳဂမၠိုၚ် မၞုံဗၞတ်ဗ္ၜတ်ကဝက်ဇကုရ၊ ကုခမဳ မပကၚ်ရၚ်ဂှ် ဒးအာပတ်ဒုက္ကဋ်ရ၊ ယွံခမဳတအ် ကဵုအခေါၚ် တၞဟ်နကၠောန်ခၞံ ဂၞဳဂမၠိုၚ် မၞုံဗၞတ်ဗ္ၜတ်က္ဍိုပ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ပ္ဍဲဍုၚ်ရာဇဂြိုဟ် ပေဲါသဘၚ်က္ဍဟ်ဒဵု ဒှ်ရ၊ မၞိဟ်ဂမၠိုၚ် သွက်အမာတ်ဇၞော်ဂမၠိုၚ် ပြုပြေၚ်စဳရေၚ်လဝ် ဖုန်ပြိုက်လဝ်စၞတသော်သတ် ဖုန်ပြိုက်လဝ်စၞယာတ် ဖုန်ပြိုက်လဝ်စၞကာန် ဖုန်ပြိုက်လဝ်စၞချောဲကၟတ် ဖုန်ပြိုက်လဝ်စၞသၠဆုဂမၠိုၚ်အိုတ်ရ၊ မၞိဟ်ဂမၠိုၚ် ပေဲါသဘၚ်တုဲမ္ဂး သံက်ကယျာကၠေံ ဂရောပ်တုဲ ရၚ်တၠုၚ်ဏာအိုတ်ရ။ (ဖုန် ဟွံသေၚ်မ္ဂးဖ္ဍဳ−သ္ဂးညိ)
ခမဳဂမၠိုၚ် ညာတ်ဒး တသော်သတ် ယာတ်တြေံ ကာန် ချောဲ သၠဆုဂမၠိုၚ် မကၠဟ်ထောံလဝ် ပ္ဍဲဒၞာဲပေဲါသဘၚ်ဂှ်တုဲ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ကဵုအခေါၚ် ဖုန်ဂမၠိုၚ်မသုန်ဂကူမတွံဂး ဖုန်ပြိုက်လဝ်စၞတသော်သတ် ဖုန်ပြိုက်လဝ်စၞယာတ်တြေံ ဖုန်ပြိုက်လဝ်စၞကာန် ဖုန်ပြိုက်လဝ်စၞချောဲကၟတ် ဖုန်ပြိုက်လဝ်စၞသၠဆုရ ရဴဝွံ (သ္ဂးရ)။
ပ္ဍဲအခိၚ်ဂှ် ယာတ်အရပ်အစပ်ဘာ ကတဵုဒှ်ကၠုၚ် ကုသၚ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် သွက်ဂွံပူပါတ်ဖုန်ဖ္ဍဳရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဂမၠိုၚ် ဖုန်လးဇံၚ်ဂှ် လးစုတ် ပ္ဍဲဂတဵုအိုတ်ရ၊ ဖုန်လးဂတဵုဂှ် လးစုတ် ပ္ဍဲဇံၚ်အိုတ်ရ။ ဖုန်ဂမၠိုၚ်ဂှ် လီုလာ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် ဇံၚ်မဂပ်ဝ်ဒက်လဝ်ဖုန်ကီု ဂတဵုမဂပ်ဝ်ဒက်လဝ်ဖုန်ကီုရ ရဴဝွံ (သ္ဂးရ)။
ဟွံဒုၚ်သၞာလးသၟဝ်တုဲ လးဂှ်ရ နူလပါ်သၟဝ်ဂှ် ဒတုံစှေ်အိုတ်ရ ။ ပ ။ ယွံခမဳတအ် ကဵုအခေါၚ် ဒုၚ်သၞာလးသၟဝ်တုဲ သွက်ဂွံဒက်ပူပါတ်ဖုန်ရ ရဴဝွံ (သ္ဂးရ)။
သံက်ကယျာကေတ်ဂရောပ်ဖုန်တုဲ ကၠတ်ဏာအိုတ်ရ ။ ပ ။ ယွံခမဳတအ် ကဵုအခါၚ်တၞဟ်နဖရုဲဖ္ဍုက်ဍာ်ဗ္စိုတ်ဗ္စးရ ရဴဝွံ (သ္ဂးရ)။ ကၠတ်ဏာအိုတ်ဟေၚ်ရ ။ ပ ။ ယွံခမဳတအ် ကဵုအခေါၚ် ပွမသ္ပစရိတ်ဍာ်ဂဥုဲ အရံၚ်စုၚ်ရ ရဴဝွံ (သ္ဂးရ)။ ကၠတ်ဏာအိုတ်ဟေၚ်ရ ။ ပ ။ ယွံခမဳတအ် ကဵုအခေါၚ် ပွမသ္ပစၟတ်သမ္တီ နလပုဟ်တဲမွဲတၞုၚ်ဓဝ်ရ ရဴဝွံ (သ္ဂးရ)။ ကၠတ်ဏာအိုတ်ဟေၚ်ရ ။ ပ ။ ယွံခမဳတအ် ကဵုအခါၚ် ပွမသ္ပစရိတ်ဍာ်ဂဥုဲအရံၚ်စုၚ် နလပုဟ်တဲ မသုန်တၞုၚ်ရ ရဴဝွံ (သ္ဂးရ)။
====၆.၁.၃။ ကဵုအခေါင် မပတမ်ပွမလံက်သာ်ဗု (လံက်ထပဵု)====
၂၉၈။ ပ္ဍဲအခိၚ်ဂှ် ဘာတဳဂမၠိုၚ် မၞုံကဵုသာ်ဗုဒှ်တုဲ သ္ပလဝ်တိ နကဵုသာ်လမစံက်တုဲမ္ဂး ဗ္ဒၚ်ဂှ်တုန် လံက်လဝ် နကဵုဆီတၟံ (တိကမၠေတ်ဗကေတ်ရ)၊ မၞိဟ်ဂမၠိုၚ်မဂၠိုၚ် မိက်ဗဵုသ္ၚေဝ်ဝေၚ်ဘာဂမၠိုၚ်ဒှ်တုဲ အာအိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် ပွမလံက်ဘာဂမၠိုၚ် သာ်ဗု ပွမလံက်လမ္စံက် ပွမလံက်ဆီတၟံရ ရဴဝွံ (သ္ဂးရ)။
ပ္ဍဲအခိၚ်ဂှ် ပ္ဍဲဗ္ဒၚ်မကြံၚ်မ္ၚိုဟ်ဂှ် သာ်ဗု ဟွံကာတ်ဗာန်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် လံက်တိကာမ်ထၟတ်တုဲ ပ္ဍဵုပေါတ်နကဵုဂတာတဲပသဲတုဲ သွက်ဂွံကဵုလံက်သာ်ဗုဂှ် ကဵုအခေါၚ်ရ ရဴဝွံ (သ္ဂးရ)။ သာ်ဗု ဟွံကာတ်ဗာန်ရ ။ ပ ။ ယွံခမဳတအ် လံက်တိဍိုန်ဍိုန် (တိဆာ) တုဲ ပ္ဍဲပေါတ်နကဵုဂတာတဲပသဲတုဲ သွက်ဂွံကဵုလံက်သာ်ဗုဂှ် ကဵုအခေါၚ်ရ ရဴဝွံ (သ္ဂးရ)။ သာ်ဗု ဟွံကာတ်ဗာန်ရ ။ ပ ။ ယွံခမဳတအ် ကဵုအခေါၚ် ဇၜိုတ်ဆုကီု ပွမဂၟာဲထကဵု နကဵုဍာ်ဍဵုကီုရ ရဴဝွံ (သ္ဂးရ)။
ပ္ဍဲအခိၚ်ဂှ် ပ္ဍဲဗ္ဒၚ်မကြံၚ်မ္ၚိုဟ်ဂှ် ဆီတၟံ ဟွံကာတ်ဗာန်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် လံက်တိကာမ်ထၟတ်တုဲ ပ္ဍဵုပေါတ်နကဵုဂတာတဲပသဲတုဲ သွက်ဂွံလံက်ဆီတၟံဂှ် ကဵုအခေါၚ်ရ ရဴဝွံ (သ္ဂးရ)။ ဆီတၟံ ဟွံကာတ်ဗာန်ရ ။ ပ ။ ယွံခမဳတအ် လံက်တိကမၠေတ်ကၞောန်သ္ၚုတုဲ ပ္ဍဵုပေါတ်နကဵုဂတာတဲပသဲတုဲ သွက်ဂွံကဵုလံက်ဆီတၟံဂှ် ကဵုအခေါၚ်ရ ရဴဝွံ (သ္ဂးရ)။ ဆီတၟံ ဟွံကာတ်ဗာန်ရ ။ ပ ။ ဟွံခမဳတအ် ကဵုအခေါၚ် ခၞိက်ကြကောတ်ရာဲကီု ကၠေၚ်ပၠုဲကီုရ ရဴဝွံ (သ္ဂးရ)။ ဍံက်ဍေန်ဍာပ်ဒၟံၚ်ရ ။ ပ ။ ယွံခမဳတအ် ကဵုအခေါၚ် သွက်ဂွံဇိုတ်ကၠေံ နကဵုယာတ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ပ္ဍဲဗ္ဒၚ်မကြံၚ်မ္ၚိုဟ်ဂှ် သာ်လမ္စံက် ဟွံဗာန်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် လံက်တိကာမ်ထၟတ်တုဲ ပ္ဍဵုပေါတ်နကဵုဂတာတဲပသဲတုဲ သွက်ဂွံကဵုလံက်သာ်လမ္စံက်ဂှ် ကဵုအခေါၚ်ရ ရဴဝွံ (သ္ဂးရ)။ သာ်လမ္စံက် ဟွံကာတ်ဗာန်ရ ။ ပ ။ ယွံခမဳတအ် လံက်တိအိက်ကြုက်တိတုဲ ပ္ဍဵုပေါတ်နကဵုဂတာတဲပသဲတုဲ သွက်ဂွံကဵုလံက် သာ်လမ္စံက်ဂှ် ကဵုအခေါၚ်ရ ရဴဝွံ (သ္ဂးရ)။ သာ်လမ္စံက် ဟွံကာတ်ဗာန်ရ ။ ပ ။ ယွံခမဳတအ် ကဵုအခေါၚ် ဇၜိုတ်ဆုကီု ဍာ်ဗစိုတ်ကီုရ ရဴဝွံ (သ္ဂးရ)။
====၆.၁.၄။ ပါဲကၠေံ ပွမချူရုပ်ကသဴ====
၂၉၉။ ပ္ဍဲအခိၚ်ဂှ် ခမဳဆဗ္ဗဂ္ဂဳဂမၠိုၚ် ကဵုသ္ပတဴ ပွမချူရုပ်ကသဴမစိစောန် မတွံဂးရုပ်ဗြဴ ရုပ်တြုံ ပ္ဍဲဘာအိုတ်ရ။ မၞိဟ်မဂေတ်ဂ္ၚေၚ်ဘာဂမၠိုၚ် ညာတ်ဒးတုဲ “သၟဟ်ညံၚ်ရဴမၞိဟ်ဒုၚ်စသိုၚ် ကာမဂုဏ်ဂမၠိုၚ်ကီုရောၚ်” ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ဟဂပ်ဝ်ကဵုသ္ပတဴ ပွမချူရုပ်ကသဴ မစိစောန် မတွံဂးရုပ်ဗြဴ ရုပ်တြုံရ၊ ကုခမဳမကဵုသ္ပဂှ် ဒးအာပတ်ဒုက္ကဋ်ရ၊ ယွံခမဳတအ် ကဵုအခေါၚ် ကသဴပ္ကဴကီု ကသဴလွာဇုက်ကီု ၚေက်ကမၚ်ကရ်ကီု ရုပ်ဒမၚ်သုၚ်ဍာ်ကီုရ ရဴဝွံ (သ္ဂးရ)။
====၆.၁.၅။ ကဵုအခေါင် မပတမ်ပွမစဳဍိတ်====
၃၀၀။ ပ္ဍဲအခိၚ်ဂှ် ဘာဂမၠိုၚ် တိသဝ်တုဲ ဍာ်ဓလီုရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် တၞဟ်နပွမသ္ပ စဵုကဵုတိသၠုၚ်ရ ရဴဝွံ (သ္ဂးရ)။ တိဗဝ် (တိဗွဝ်) ဂှ် လာ်စှေ်ရ ။ ပ ။ ယွံခမဳတအ် ကဵုအခေါၚ် တၞဟ်နပွမတပ်စဳဗွဝ် ပွမတပ်စဳဗွဝ်ဂမၠိုၚ်ပိဂကူမတွံဂး ပွမတပ်စဳဗဝ်ဍိုတ် ပွမတပ်စဳဗဝ်တၟံ ပွမတပ်စဳဗဝ်ဆုရ ရဴဝွံ (သ္ဂးရ)။ ခမဳမတိုန်ဂမၠိုၚ် ဍောၚ်ၜိုတ်အိုတ်ရ ။ ပ ။ ယွံခမဳတအ် ကဵုအခေါၚ် တၞိန်ဂမၠိုၚ်ပိဂကူမတွံဂး တၞိန်ဍိုတ် တၞိန်တၟံ တၞိန်ဆုရ ရဴဝွံ (သ္ဂးရ)။ ခမဳမတိုန်ဂမၠိုၚ် လောစှေ်အိုတ်ရ ။ ပ ။ ယွံခမဳတအ် ကဵုအခေါၚ် ဗလဲသွက်ဂွံဂြဲရပ် (ဗလဲတၞိန်) ရ ရဴဝွံ (သ္ဂးရ)။
ပ္ဍဲအခိၚ်ဂှ် ဘာဂမၠိုၚ် ဒှ်ဒၟံၚ်မွဲဒၠးဓဝ်တုဲ ခမဳဂမၠိုၚ် သွက်ဂွံတိက် ဂွဂၠေံအိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် သၞိက်ရ ရဴဝွံ (သ္ဂးရ)။
ထ္ၜးပတိုန်သၞိက်တုဲ ရံၚ်သ္ၚေဝ်အိုတ်ရ ။ ပ ။ ယွံခမဳတအ် ကဵုအခေါၚ် ဗ္ဒၚ်ကဝက်ရ ရဴဝွံ (သ္ဂးရ)။ ရံၚ်သ္ၚေဝ် နူလတူဗ္ဒၚ်မဒှ်ကဝက်အိုတ်ရ ။ ပ ။ ယွံခမဳတအ် ကဵုအခေါၚ် ဂၠမ်ဂမၠိုၚ်ပိဂကူမတွံဂး ဂၠမ်ပန်ကၠၚ် ဂၠမ်ဇမၠိၚ် ဂၠမ်ခၠုပ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဂမၠိုၚ် ကၠောန်သ္ပလဝ်ဂၠမ် ပ္ဍဲလဒေါဝ်ဘာမဍောတ်အိုတ်ရ၊ ဥပစာဟွံမွဲဒှ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် အပ္ဍဲဘာမဍောတ် သွက်ဂွံကၠောန်သ္ပဂၠမ် ပ္ဍဲမွဲဒၞာဲ အပ္ဍဲဘာမဇၞော် သွက်ဂွံကၠောန်သ္ပဂၠမ် ပ္ဍဲလဒေါဝ်ဂှ် ကဵုအခေါၚ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ဇိုၚ်ဗ္ဒၚ်ဘာ အိုတ်အာရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် ပွမထံက်လှာဲဇိုၚ်ဗ္ဒၚ်ရ ရဴဝွံ (သ္ဂးရ)။
ဗ္ဒၚ်ဘာ ဍေက်ဍာ်ဗြဲရ ။ ပ ။ ယွံခမဳတအ် ကဵုအခေါၚ် ကာဲလာဓရိုဟ်ဒၞါဗြဲကီု တိဖက်ပၠာဲပိဂကူကီုရ ရဴဝွံ (သ္ဂးရ)။
ပ္ဍဲအခိၚ်ဂှ် ဇြုံဒတုံစှေ်နူကၟဳ ပ္ဍဲလတူပၞး ခမဳမွဲဇကုဂှ်ရ ခမဳဂှ် ဖေက်လကိုတ်တုဲ က္ညာၚ်ကရေဲရ။ ခမဳဂမၠိုၚ် ဂြိပ်ကၠုၚ်အိုတ်တုဲ “ယွံကောန်တၠ တၠအဲ မုဟိုတ် က္ညာၚ်ကရေဲရော?” ရဴဝွံ သၟာန်ခမဳဂှ်အိုတ်ရ။ ခမဳဂှ် ဟီုလဴဗ္စ ဟိုတ်ပရူပရာဂှ် ကုခမဳဂမၠိုၚ်ရ။ ခမဳဂမၠိုၚ် ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် သၠဖ္ဍာန်ရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဂမၠိုၚ် ကွက်စွံလဝ် ထိုၚ်ဂမၠိုၚ် ပ္ဍဲဇိုၚ်ဇံၚ်ကီု ပ္ဍဲဇိုၚ်ဂတဵုကီုအိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် ဇၜံက် (ဂမာ်) ကီု တ္ၚံက်ဒြၚ်စိၚ်ကီုရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဂမၠိုၚ် စွံလဝ်သ္ၚာ ပ္ဍဲလတူဇံၚ်ကီု ပ္ဍဲလတူဂတဵုကီုဂှ်ရ သ္ၚာလီုလာ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် ဒုန်တေၚ်သ္ၚာကီု ဇုက်တေၚ်ဗလဲသ္ၚာကီုရ ရဴဝွံ (သ္ဂးရ)။
ပ္ဍဲအခိၚ်ဂှ် ဘာဂမၠိုၚ် ဟွံမွဲကဵုဝိုန်ဂၚ် (တနေဝ် တမေၚ်သ္ၚိကျာ) ဂှ်ရ အရာဂွုံလာဲ က္ဍန်ဂြက်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် ဝိုန်ဂၚ်ကီု ခုၚ်ဇိုတ်ဇိုၚ်ကီု ဂၠမ်ဂေတ်ဂ္ၚေၚ်ပွဳပွူကီု သ္ၚိကျာ ‘စၟဳမဖျေံလဝ်ပ္ဍဲဘာဟွံမွဲ ကဵုဝိုန်ဂၚ်’ ကီုရ ရဴဝွံ (သ္ဂးရ)။ ဝိုန်ဂၚ်ဘာဂမၠိုၚ် ဟွံမွဲကဵုအစဵုဗိုၚ်ဂှ်ရ ခမဳဂမၠိုၚ် သွက်ဂွံတိတ် ဂွဂၠေံအိုတ်ရ ။ ပ ။ ယွံခမဳတအ် ကဵုအခေါၚ် ကာဲလာဓရိုဟ်စုတ်လဝ်သၠာကီု ကာဲလာဲထံက်ကဵုလေံကီုရ ရဴဝွံ (သ္ဂးရ)။
====၆.၁.၆။ ကဵုအခေါၚ်ဇြပ်ကဵုပိုဥ်====
၃၀၁။ ပ္ဍဲအခိၚ်ဂှ် ခမဳဂမၠိုၚ် ကဵုပိုဉ်ပ္ဍဲအမှဲအကးဂှ်ရ ဍောၚ်ၜိုတ်တဴ နကဵုလၟုဟ်ဂံက်ကီု နကဵုလၟုဟ်ဂမ္တဴကီုအိုတ်ရ။ ယွံခမဳတအ် ကဵုအခေါၚ် ဘာဇြပ်ကဵုပိုဉ်ရ ရဴဝွံ (သ္ဂးရ)။ ဘာဇြပ်ကဵုပိုဉ် တိသဝ်တုဲ ဍာ်ဓလီုရ ။ ပ ။ ယွံခမဳတအ် ကဵုအခေါၚ် တၞဟ်နပွမသ္ပ စဵုကဵုတိသၠုၚ်ရ ရဴဝွံ (သ္ဂးရ)။ တိဗဝ် (တိဗွဝ်) လာ်စှေ် ။ ပ ။ ယွံခမဳတအ် ကဵုအခေါၚ် သွက်ဂွံလး ပွမလးဂမၠိုၚ်ပိဂကူမတွံဂးလးဍိုတ် လးတၟံ လးဆုရ ရဴဝွံ (သ္ဂးရ)။ ခမဳမတိုန်ဂမၠိုၚ် ဍောၚ်ၜိုတ်အိုတ်ရ ။ ပ ။ ယွံခမဳတအ် ကဵုအခေါၚ် တၞိန်ဂမၠိုၚ်ပိဂကူမတွံဂး တၞိန်ဍိုတ် တၞိန်တၟံ တၞိန်ဆုရ ရဴဝွံ (သ္ဂးရ)။ ခမဳမတိုန်ဂမၠိုၚ် လောစှေ်အိုတ်ရ ။ ပ ။ ယွံခမဳတအ် ကဵုအခေါၚ် ဗလဲသွက်ဂွံဂြဲရပ် (ဗလဲတၞိန်)ရ ရဴဝွံ (သ္ဂးရ)။
ပ္ဍဲဘာဇြပ်ကဵုပိုဉ် ခၞိက်ချောဲ ဒတုံစှေ်ရ ။ ပ ။ ယွံခမဳတအ်ဂှ် ဂရိုက်တုဲ တၞဟ်နလံက်လေတ်အပ္ဍဲမ္ၚးဂှ် ကဵုအခေါၚ်ရ။ သာ်ဗုကီု သာ်လမ္စံက်ကီု ပွမသ္ပကလိတ်ကလောတ် နကဵုဆီတၟံကီု ပွမသ္ပကသဴပ္ကဴကီု ပွမသ္ပကသဴလွာဇုက်ကီု ပွမထၟံက်လဝ်ၚေက်ကမၚ်ကရ်ကီု ပွမချူရုပ်ဒမၚ်သုၚ်ဍာ်ကီု (သရက်ပၞေတ်တဲမသုန်) ဒုန်တေၚ်သ္ၚာကီု ဇုက်တေၚ်ဗလဲသ္ၚာကီု ကဵုအခေါၚ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဂမၠိုၚ် လးပၠးလဝ်သ္ၚာ ပ္ဍဲတိအမှဲအကးအိုတ်ရ၊ သ္ၚာကၠေဝ်ဗာန်တိ ဒှ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ပ္ဍဲအမှဲအကး ကဵုအခေါၚ် ဒုန်တေၚ်သ္ၚာကီု ဇုက်တေၚ်ဗလဲသ္ၚာကီုရ ရဴဝွံ (သ္ဂးရ)။
ဍာ်သုၚ် ဂမ္တဴတ္ၚဲရ ။ ပ ။ ယွံခမဳတအ် ကဵုအခေါၚ် စၚ်နုၚ်ဍာ်သွုၚ်ကီု ကၞာထးနုၚ်ဍာ်သုၚ်ကီုရ ရဴဝွံ (သ္ဂးရ)။ စၚ်နုၚ်ဍာ်သွုၚ် တိသဝ်တုဲ ဍာ်ဓလီုရ ။ ပ ။ ယွံခမဳတအ် ကဵုအခေါၚ် တၞဟ်နပွမသ္ပ စဵုကဵုတိသၠုၚ်ရ ရဴဝွံ (သ္ဂးရ)။ တိဗဝ် (တိဗွဝ်) လာ်စှေ်ရ ။ ပ ။ ယွံခမဳတအ် ကဵုအခေါၚ် သွက်ဂွံလး ပွမလးဂမၠိုၚ်ပိဂကူ မတွံဂး လးဍိုတ် လးတၟံ လးဆုရ ရဴဝွံ (သ္ဂးရ)။ ခမဳမတိုန်ဂမၠိုၚ် ဍောၚ်ၜိုတ်အိုတ်ရ ။ ပ ။ ယွံခမဳတအ် ကဵုအခေါၚ် တၞိန်ဂမၠိုၚ်ပိဂကူ မတွံဂး တၞိန်ဍိုတ် တၞိန်တၟံ တၞိန်ဆုရ ရဴဝွံ (သ္ဂးရ)။ ခမဳမတိုန်ဂမၠိုၚ် လောစှေ်အိုတ်ရ ။ ပ ။ ယွံခမဳတအ် ကဵုအခေါၚ် ဗလဲသွက်ဂွံဂြဲရပ် (ဗလဲတၞိန်)ရ ရဴဝွံ (သ္ဂးရ)။
ပ္ဍဲစၚ်နုၚ်ဍာ်သွုၚ် ခၞိက်ချောဲ ဒတုံစှေ်ရ ။ ပ ။ ယွံခမဳတအ် ကဵုအခေါၚ် သွက်ဂွံသ္ပဂရိုက်တုဲ တၞဟ်နလံက်လေတ် အပ္ဍဲမ္ၚးကီု သာ်ဗုကီု သာ်လမ္စံက်ကီု ပွမသ္ပကလိတ်ကလောတ် နကဵုဆီတၟံကီု ပွမသ္ပကသဴပ္ကဴကီု ပွမသ္ပကသဴလွာဇုက်ကီု ပွမထၟံက်လဝ်ၚေက်ကမၚ်ကရ်ကီု ပွမချူရုပ်ဒမၚ်သုၚ်ဍာ်ကီု (သရက်ပၞေတ်တဲမသုန်) ဒုန်တေၚ်သ္ၚာကီု ဇုက်တေၚ်ဗလဲသ္ၚာကီုရ ရဴဝွံ (သ္ဂးရ)။
ခရော် (ဗြံက်) သုၚ်ဍာ် ဟွံမွဲရ ။ ပ ။ ယွံခမဳတအ် ကဵုအခေါၚ် ခရော်သုၚ်ဍာ်ကၞုသၚ်ကီု ခရော်သုၚ်ဍာ်မဍောတ်ကီုရ ရဴဝွံ (သ္ဂးရ)။
====၆.၁.၇။ ကဵုအခေါၚ် မပတမ်ကၟာင်====
၃၀၂။ ပ္ဍဲအခိၚ်ဂှ် ဘာဂမၠိုၚ် ဟွံမွဲကဵုအစဵုဗိုၚ်ကၟာၚ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် တၞဟ်နစဵုဗိုၚ် ကၟာၚ်ဂမၠိုၚ်ပိဂကူမတွံဂး ကၟာၚ်ဍိုတ် ကၟာၚ်တၟံ ကၟာၚ်ဆုရ ရဴဝွံ (သ္ဂးရ)။
မုက်ထော်တြၚ် ဟွံမွဲရ ။ ပ ။ ယွံခမဳတအ် ကဵုအခေါၚ် မုက် ထော်တြၚ်ရ ရဴဝွံ (သ္ဂးရ)။ မုက်ထော်တြၚ် တိသဝ်တုဲ ဍာ်ဓလီုရ ။ ပ ။ ယွံခမဳတအ် ကဵုအခေါၚ် တၞဟ်နသ္ပ စဵုကဵုတိမသၠုၚ်ရ ရဴဝွံ (သ္ဂးရ)။ ပ္ဍဲမုက်ထော်တြၚ် သၠတြၚ်ဟွံမွဲရ ။ ပ ။ ယွံခမဳတအ် သၠတြၚ်ကီု ဇဵုတြၚ်ကီု ခအဳသၟတ်ကီု ပးလကံက်လတူကီု ဒယိုၚ်တိုၚ်စုတ်သၞောဝ်တြၚ်ကီု ပးလကံက်ဆုသၟတ်သွက်ဂွံစုတ် သၞောဝ်တြၚ်ကီု (ဂွေန်တဲကၞုဲပသဲ) သၞောဝ်တြၚ်သၟတ်ကီု သၞာဲတြၚ်ကီု ပၞော်ကောန်ပၞံက်ကီု ပၞော်သွက်ဂွံတံၚ်ကီု ဇုက်သွက်ဂွံတံၚ်ကီု ကဵုအခေါၚ်ရ ရဴဝွံ (သ္ဂးရ)။
ပ္ဍဲမုက်ထော်တြၚ် ခၞိက်ချောဲ ဒတုံစှေ်ရ ။ ပ ။ ယွံခမဳတအ် ကဵုအခေါၚ် သွက်ဂွံသ္ပဂရိုက်တုဲ တၞဟ်နလံက်လေတ် အပ္ဍဲမ္ၚးကီု သာ်ဗုကီု သာ်လမ္စံက်ကီု ပွမသ္ပကလိတ်ကလောတ် နကဵုဆီတၟံကီု ပွမသ္ပကသဴပ္ကဴကီု ပွမသ္ပကသဴလွာဇုက်ကီု ပွမထၟံက်လဝ်ၚေက်ကမၚ်ကရ်ကီု ပွမချူရုပ်ဒမၚ်သုၚ်ဍာ်ကီု (သရက်ပၞေတ်တဲမသုန်) ဒုန်တေၚ်သ္ၚာကီု ဇုက်တေၚ်ဗလဲသ္ၚာကီုရ ရဴဝွံ (သ္ဂးရ)။
ပ္ဍဲအခိၚ်ဂှ် ပြဝိုဏ် ‘ဝေၚ်ဘာ’ ဒှ်လၟက်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် တၞဟ်နဂြာတ်စုတ်တၟံ၊ ကြေဟ်ဝါန်ရ ရဴဝွံ (သ္ဂးရ)။ တၟံဝါန်ဂမၠိုၚ် ဟွံရုမ်ဂပ်အိုတ်ရ ။ ပ ။ ယွံခမဳတအ် ကဵုအခေါၚ် တၞဟ်နလးစုတ်တၟံလးရ ရဴဝွံ (သ္ဂးရ)။ ဍာ်ခၠိုၚ် ဍာ်မၚ်ဒၟံၚ်ရ ။ ပ ။ ယွံခမဳတအ် ကဵုအခေါၚ် ပၠံၚ်ပတိတ်ဍာ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဂမၠိုၚ် ကၠောန်သ္ပလဝ်ဖဴ ပ္ဍဲဌာန်ဂှ်ဂှ် အပ္ဍဲပြဝိုဏ်ဂှ်ရ ပြဝိုဏ် သၟိက်ဟန်ဗန်ပြးဇးရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် သွက်ဂွံကၠောန်သ္ၚိဖဴ ပ္ဍဲဒၞာဲမွဲရ ရဴဝွံ (သ္ဂးရ)။ (သ္ၚိဖဴဂှ် သ္ၚိဇရုၚ်ပၟတ်လေဝ် သ္ဂးညိ)
သ္ၚိဖဴ တိသဝ်တုဲ ဍာ်ဓလီုရ ။ ပ ။ ယွံခမဳတအ် ကဵုအခေါၚ် တၞဟ်နပွမသ္ပ စဵုကဵုတိမသၠုၚ်ရ ရဴဝွံ (သ္ဂးရ)။ တိဗဝ် (တိဗွဝ်) လာ်စှေ်ရ ယွံခမဳတအ် သွက်ဂွံလး ပွမလးဂမၠိုၚ်ပိဂကူ မတွံဂး လးဍိုတ် လးတၟံ လးဆုရ ရဴဝွံ (သ္ဂးရ)။ ခမဳမတိုန်ဂမၠိုၚ် ဍောၚ်ၜိုတ်အိုတ်ရ ။ ပ ။ ယွံခမဳတအ် ကဵုအခေါၚ် တၞိန်ဂမၠိုၚ်ပိဂကူ မတွံဂး တၞိန်ဍိုတ် တၞိန်တၟံ တၞိန်ဆုရ ရဴဝွံ (သ္ဂးရ)။ ခမဳမတိုန်ဂမၠိုၚ် လောစှေ်အိုတ်ရ ။ ပ ။ ယွံခမဳတအ် ကဵုအခေါၚ် ဗလဲသွက်ဂွံဂြဲရပ် (ဗလဲတၞိန်)ရ ရဴဝွံ (သ္ဂးရ)။ ပ္ဍဲသ္ၚိဖဴ သၠတြၚ်ဟွံမွဲရ ။ ပ ။ ယွံခမဳတအ် သၠတြၚ်ကီု ဇဵုတြၚ်ကီု ခအဳသၟတ်ကီု ပးလကံက်လတူကီု ဒယိုၚ်တိုၚ်စုတ်သၞောဝ်တြၚ်ကီု ပးလကံက်ဆုသၟတ်သွက်ဂွံစုတ် သၞောဝ်တြၚ်ကီု (ဂွေန်တဲကၞုဲပသဲ) သၞောဝ်တြၚ်သၟတ်ကီု သၞာဲတြၚ်ကီု ပၞော်ကောန်ပၞံက်ကီု ပၞော်သွက်ဂွံတံၚ်ကီု ဇုက်သွက်ဂွံတံၚ်ကီု ကဵုအခေါၚ်ရ ရဴဝွံ (သ္ဂးရ)။
ပ္ဍဲသ္ၚိဖဴ ခၞိက်ချောဲ ဒတုံစှေ်ရ ။ ပ ။ ယွံခမဳတအ် ကဵုအခေါၚ် သွက်ဂွံသ္ပဂရိုက်တုဲ တၞဟ်နလံက်လေတ် အပ္ဍဲမ္ၚးကီု သာ်ဗုကီု သာ်လမ္စံက်ကီု ပွမသ္ပကလိတ်ကလောတ် နကဵုဆီတၟံကီု ပွမသ္ပကသဴပ္ကဴကီု ပွမသ္ပကသဴလွာဇုက်ကီု ပွမထၟံက်လဝ်ၚေက်ကမၚ်ကရ်ကီု ပွမချူရုပ်ဒမၚ်သုၚ်ဍာ်ကီု (သရက်ပၞေတ်တဲမသုန်) ဒုန်တေၚ်သ္ၚာကီု ဇုက်တေၚ်ဗလဲသ္ၚာကီုရ ရဴဝွံ (သ္ဂးရ)။
====၆.၁.၈။ ကဵုအခေါၚ် မပတမ်ပွမစဵုဒပ်====
၃ဝ၃။ အာရှာမ်ဂှ် ဟွံမွဲကဵုအစဵုဗိုၚ်တုဲ ဗ္ၜေအ်ဂမၠိုၚ်ကီု ပြေၚ်ဂၠဴဂမၠိုၚ်ကီု ပလီုပလာ်ထောံတၞံဆုသၟတ်ဂမၠိုၚ် မဂပ်ဝ်တဵုလဝ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် တၞဟ်နစဵုဗိုၚ် ဒပ်ဂမၠိုၚ်ပိဂကူမတွံဂးဒပ်ဒုန် ဒပ်ဇၠထ္ၜိုၚ်ရရဴဝွံ (သ္ဂးရ)။ မုက်ထော်တြၚ် ဟွံမွဲဂှ်ရ တုပ်သၟဟ်ကိုပ်ကၠာဂှ်ဟေၚ် ဗ္ၜေအ်ဂမၠိုၚ်ကီု ပြေၚ်ဂၠဴဂမၠိုၚ်ကီု ပလီုပလာ်ထောံ တၞံဆုသၟတ်ဂမၠိုၚ် မဂပ်ဝ်တဵုလဝ်အိုတ်ရ။ ယွံခမဳတအ် ကဵုအခေါၚ်မုက်ထော်တြၚ်ကီု တြၚ်ဇၠကီု တြၚ်ဗစိပ်ကီု တိုၚ်တုရိုဏ်ကီုရ ရဴဝွံ (သ္ဂးရ)။ ပ္ဍဲမုက်ထော်တြၚ်ခၞိက်ချောဲ ဒတုံစှေ်ရ ။ ပ ။ ယွံခမဳတအ် ကဵုအခေါၚ် သွက်ဂွံသ္ပ ဂရိုက်တုဲ တၞဟ်နလံက်လေတ်အပ္ဍဲမ္ၚးကီု သာ်ဗုကီု သာ်လမ္စံက်ကီု ပွမသ္ပကလိတ်ကလောတ် နကဵုဆီတၟံကီု ပွမသ္ပကသဴပ္ကဴကီု ပွမသ္ပကသဴ လွာဇုက်ကီု ပွမထၟံက်လဝ်ၚေက်ကမၚ်ကရ်ကီု ပွမချူရုပ်ဒမၚ်သုၚ်ဍာ်ကီု (သရက်ပၞေတ်တဲမသုန်) ရဴဝွံ (သ္ဂးရ)။ အာရှာမ်ဂှ် ဒှ်လၟက်ရ ။ ပ ။ ယွံခမဳတအ် ကဵုအခေါၚ်တၞဟ်နဂြာတ်စုတ်တၟံ၊ ကြေဟ်ဝါန်ရ ရဴဝွံ (သ္ဂးရ)။ တၟံဝါန်ဂမၠိုၚ် ဟွံရုမ်ဂပ်အိုတ်ရ ။ ပ ။ ယွံခမဳတအ် ကဵုအခေါၚ် တၞဟ်နလးစုတ်တၟံလးရ ရဴဝွံ (သ္ဂးရ)။ ဍာ်ခၠိုၚ်ဍာ်မၚ်ဒၟံၚ်ရ ။ ပ ။ ယွံခမဳတအ် ကဵုအခေါၚ် ပၠံၚ်ပတိတ်ဍာ်ရ ရဴဝွံ (သ္ဂးရ)။
ပ္ဍဲအခိၚ်ဂှ် သၟိၚ်ဗိမ္ဗိသာရ မၞုံသေနိယ တၠညးမဂဓရး မိက်ကဵုသိုၚ်ခၞံ ပြာသာဒ် မလံက်လေတ်အၚ်္ဂဒဵုတိကမၠေတ် တၞဟ်နဖဵုသၚ်ရ။ ပ္ဍဲအခိၚ်ဂှ် “တဳလမၞုံပိုဉ်ကျာ်တြဲဂှ် မုရဴစၟဳမွဲဂပ်ဝ်ကဵုအခေါၚ်ရော?၊ မုရဴစၟဳမွဲ မဟဂပ်ဝ်ကဵုအခေါၚ်ရော?” ရဴဝွံ ကသပ်ဒှ် ကုခမဳဂမၠိုၚ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် စၟဳဂမၠိုၚ်မသုန်ဂကူမတွံဂး စၟဳဍိုတ်ကြောပ် စၟဳတၟံ စၟဳအၚ်္ဂဒဵု စၟဳချောဲ စၟဳသၠဆုရ ရဴဝွံ (သ္ဂးရ)။
❀❀❀ခဏ်ပဌမတုဲရ။❀❀❀
===၆.၂။ ခဏ်ဒုတိယ===
====၆.၂.၁။ ဝတ္ထု အနာထပိဏ္ဍိကေသဌဳ====
၃၀၄။ အနာထပိဏ္ဍိကသေဌဳ မဒှ်တြုံတၠသ္ၚိ ဒေံဗြဴသေဌဳရာဇဂြိုဟ် ပ္ဍဲအခိၚ်မအာဍုၚ်ရာဇဂြိုဟ် နကဵုကမၠောန်ကေၚ်ကာမွဲဂှ် သေဌဳရာဇဂြိုဟ် သွက်တ္ၚဲယး ဘိက်နိမန်လဝ်သၚ် မၞုံပဓာန်ကျာ်တြဲတုဲ “ယွံမၞးတအ် ဩဝ်ကၠေံစိုတ်လွဳအိုတ်ညိ၊ ကတဵုပြဟ်ပြဟ်တုဲ ဩဝ်ၜိုဟ်ယာဂုအိုတ်ညိ၊ ဩဝ်ဖျိန်ပုၚ်အိုတ်ညိ၊ ဩဝ်ကဵုဍိုက်ပေၚ်တဴ သွဂမၠိုၚ်အိုတ်ညိ၊ ဩဝ်ကဵုဍိုက်ပေၚ်တဴ ပွေက်ဂမၠိုၚ်အိုတ်ညိ” ရဴဝွံ သေဌဳရာဇဂြိုဟ်ဂှ် ဖအောဝ်စကာဍိက်ဂမၠိုၚ်ကီု သၟာကမၠောန်ဂမၠိုၚ်ကီုရ။ ပ္ဍဲအခိၚ်ဂှ်—
“သေဌဳဝွံ ပ္ဍဲကိုပ်ကၠာတေံ အဲကၠုၚ်မ္ဂး ပါဲထောံကၠေံ ကမၠောန်ကေၚ်ကာဂမၠိုၚ်အိုတ်သီုတုဲ ဟီုဂလာန်မိပ်စိုတ်အိုဟ်တၟိုဟ် ကေုာံအဲမွဲစွံဟေၚ်ရ၊ အခိၚ်လၟုဟ် သေဌဳဂှ် သီုမၞုံသဘဴ မကလှ်လဖှ် ‘ယွံမၞးတအ် ဩဝ်ကၠေံစိုတ်လွဳအိုတ်ညိ၊ ကတဵုပြဟ်ပြဟ်တုဲ ဩဝ်ၜိုဟ်ယာဂုအိုတ်ညိ၊ ဩဝ်ဖျိန်ပုၚ်အိုတ်ညိ၊ ဩဝ်ကဵုဍိုက်ပေၚ်တဴ သွဂမၠိုၚ်အိုတ်ညိ၊ ဩဝ်ကဵုဍိုက်ပေၚ်တဴ ပွေက်ဂမၠိုၚ်အိုတ်ညိ” ရဴဝွံ ဖအောဝ်စကာဒၟံၚ်ဍိက်ဂမၠိုၚ်ကီု သၟာကမၠောန်ဂမၠိုၚ်ကီုရသွံ။
ပသာ်ရော? ကုသေဌဳဂှ် ပေဲါမ္ၚိုလ်ပွမဂိုၚ်ကေတ် ကောန်ဝုတ်လေဝ် ဒှ်တဴရဟာ၊ ဟွံသေၚ်မ္ဂး ပေဲါမ္ၚိုလ်ပွမကဵုကောန်ဝုတ်လေဝ် ဒှ်တဴဟာ၊ ဟွံသေၚ်မ္ဂး ပွမပူဇဴယဇ်ဇၞော်လေဝ် သှ်ပတူရဟာ၊ သွက်တ္ၚဲယးတေံ ဘိက်လဝ်သၟိၚ်ဗိမ္ဗိသာရ မၞုံယၟုသေနိယ တၠညးမဂဓရး မွဲဟာန်ကေုာံဗိုလ်လဗးဟာ” ရဴဝွံ ကသပ်ဒှ် ကုအနာထပိဏ္ဍိကသေဌဳရ။
ကြဴနူဂှ် ဖအောဝ်စကာ ဍိက်ဂမၠိုၚ်ကီု သၟာကမၠောန်ကီုတုဲဒှ်မှ ပြာပ်ကၠုၚ်ဇရေၚ်အနာထပိဏ္ဍိကသေဌဳတုဲ သီုမဟီုဂလာန်မိပ်စိုတ်အိုဟ်တၟိုဟ် မွဲဟာန်ကေုာံအနာထပိဏ္ဍိကသေဌဳဂှ်—
“ယွံသေဌဳ တၠအဲ ပ္ဍဲကိုပ်ကၠာတေံ အဲကၠုၚ်မ္ဂး ပါဲထောံကၠေံ ကမၠောန်ကေၚ်ကာဂမၠိုၚ်အိုတ်သီုတုဲ ဟီုဂလာန်မိပ်စိုတ်အိုဟ်တၟိုဟ် ကေုာံအဲမွဲစွံဟေၚ်ရ၊ အခိၚ်လၟုဟ် တၠအဲ သီုမၞုံသဘဴမကလှ်လဖှ် ‘ယွံမၞးတအ် ဩဝ်ကၠေံစိုတ်လွဳအိုတ်ညိ၊ ကတဵုပြဟ်ပြဟ်တုဲ ဩဝ်ၜိုဟ်ယာဂုအိုတ်ညိ၊ ဩဝ်ဖျိန်ပုၚ်အိုတ်ညိ၊ ဩဝ်ကဵုဍိုက်ပေၚ်တဴ သ္ပဂမၠိုၚ်အိုတ်ညိ၊ ဩဝ်ကဵုဍိုက်ပေၚ်တဴ ပွေက်ဂမၠိုၚ်အိုတ်ညိ” ရဴဝွံ ဖအောဝ်စကာဒၟံၚ်ဍိက်ဂမၠိုၚ်ကီု သၟာကမၠောန်ဂမၠိုၚ်ကီုရသွံ။ ကုသေဌဳဂှ် ပေဲါမ္ၚိုလ်ပွမဂိုၚ်ကေတ် ကောန်ဝုတ်လေဝ် ဒှ်တဴရဟာ၊ ဟွံသေၚ်မ္ဂး ပေဲါမ္ၚိုလ်ပွမကဵုကောန်ဝုတ်လေဝ် ဒှ်တဴဟာ၊ ဟွံသေၚ်မ္ဂး ပွမပူဇဴယဇ်ဇၞော်လေဝ် သှ်ပတူရဟာ၊ သွက်တ္ၚဲယးတေံ ဘိက်လဝ်သၟိၚ်ဗိမ္ဗိသာရ မၞုံယၟုသေနိယ တၠညးမဂဓရး မွဲဟာန်ကေုာံဗိုလ်လဗးဟာ” ရဴဝွံ အနာထပိဏ္ဍိကသေဌဳဂှ် ဟီုသ္ဂးကဵု သေဌဳရာဇဂြိုဟ် မဂဇအ်ဒၟံၚ်ပ္ဍဲဒၞာဲမွဲဂှ်ရ။
ယွံသေဌဳ ကုအဲဂှ် ပေဲါမ္ၚိုလ်ပွမဂိုၚ်ကေတ်ကောန်ဝုတ်လေဝ် ကြက်ဒှ်တဴဟွံသေၚ်ရ၊ ပေဲါမ္ၚိုလ်ပွမကဵုကောန်ဝုတ်လေဝ် ကြက်ဒှ်တဴဟွံသေၚ်ရ၊ သၟိၚ်ဗိမ္ဗိသာရ မၞုံယၟုသေနိယ တၠညးမဂဓရး မွဲဟာန်ကေုာံဗိုလ်လဗးလေဝ် သွက်တ္ၚဲယးတေံ ဟွံဘိက်လဝ်ရ၊ ဗွဲစၟတ်တုန် အဲသှ်ပတူဒၟံၚ် ယဇ်ဇၞော်ရ၊ ဘိက်နိမန်လဝ် သၚ်မၞုံပဓာန်ကျာ်တြဲ သွက်တ္ၚဲယးဟေၚ် ရဴဝွံ (သ္ဂးရ)။
ယွံသေဌဳ “ကျာ်” ရဴဝွံ တၠအဲ ဟီုသ္ဂးဟာ။
ယွံသေဌဳ “ကျာ်” ရဴဝွံ အဲဟီုသ္ဂးရ။
ယွံသေဌဳ “ကျာ်” ရဴဝွံ တၠအဲ ဟီုသ္ဂးဟာ။
ယွံသေဌဳ “ကျာ်” ရဴဝွံ အဲဟီုသ္ဂးရ။
ယွံသေဌဳ “ကျာ်” ရဴဝွံ တၠအဲ ဟီုသ္ဂးဟာ။
ယွံသေဌဳ “ကျာ်” ရဴဝွံ အဲဟီုသ္ဂးရ။
ယွံသေဌဳ ပ္ဍဲလောကဝွံ အယာံမာတ် ရမျာၚ်မတွံဂး “ကျာ်ကျာ်”ဂှ် ဇြိုၚ်ကဵုဂွံမိၚ်ကေတ်ရ။ ယွံသေဌဳ ပ္ဍဲအခိၚ်ဝွံ တၞဟ်နပြာပ်အာ သွက်ဂွံဗဵုလ္ၚောဝ် ကျာ်တြဲမတၠပိုဉ်တြဴပြကာ မထေက်ဒုၚ်ပူဇဴတေၟၚ်ဂှ် သၟဟ်ရထဏီဟာ ရဴဝွံ (သၟာန်ရ)။
ယွံသေဌဳ ပ္ဍဲအခိၚ်ဝွံ အခိၚ် တၞဟ်နပြာပ်အာ သွက်ဂွံဗဵုလ္ၚောဝ် ကျာ်တြဲမပတၠပိုဉ်တြဴပြကာ မထေက်ဒုၚ်ပူဇဴတၟေၚ်ဂှ် ဟွံသေၚ်ရ၊ တ္ၚဲယး ပ္ဍဲအခိၚ်မဗဗွဲဂှ် တၠအဲ ကြက်ဂွံပြာပ်အာ သွက်ဂွံဗဵုလ္ၚောဝ် ကျာ်တြဲမပတၠပိုဉ်တြဴပြကာ မထေက်ဒုၚ်ပူဇဴတၟေၚ်ဂှ်ရ ရဴဝွံ (သ္ဂးရ)။ ကြဴနူဂှ် အနာထပိဏ္ဍိကသေဌဳဂှ် အဲ ပ္ဍဲအခိၚ်မဗဗွဲဂှ် ကြက်ဂွံပြာပ်အာ သွက်ဂွံဗဵုလ္ၚောဝ် ကျာ်တြဲမပတၠပိုဉ်တြဴပြကာ မထေက်ဒုၚ်ပူဇဴတၟေၚ်ဂှ်ရ ရဴဝွံ တိက်စှေ်အာ နပွမဗှ်ဗၞုဟ် မအာစိုပ်ကျာ်ဂှ် တ္ၚဲတၟးရ သမ္တီထေၚ်ဂးတုဲ ပ္ဍဲဗတမ် ကတဵုဗၞတ်ပိဝါရ။
၃၀၅။ ပ္ဍဲအခိၚ်ဂှ် အနာထပိဏ္ဍိကသေဌဳ ပြာပ်အာဇရေၚ် တြၚ်သုသာန်မ္ဂး ဒေဝတဴဂမၠိုၚ် ပံက်ကဵုတြၚ်အိုတ်ရ၊ အခိၚ်ဂှ် အနာထပိဏ္ဍိကသေဌဳ အဃောတိတ်ကၠုၚ် နူဍုၚ်ဂှ် လျးတၟးကၠေံဗ္ဒန်အာတုဲ ဒမၠုဂၠုယျေပ် ဒှ်ပြာကဋ်ကၠုၚ်ရ၊ ပွမဖေက်ဂၟံက် ပွမချဳဒတဝ် ပွမသော်ဇကုနရဴ ဒှ်ပြာကဋ်ဂှ်ရ နူဌာန်ဂှ်ဟေၚ် သၟိက်မိက်ဂွံကလေၚ်ဂတစဴမွဲလှေ်ပၠန်ရ၊ ပ္ဍဲအခိင်ဂှ် ဒေဝတဴပၟၚ်သိဝက သီုဗ္ဒန်(ကလေံ)လဝ်ဇကုဂှ် သကဵုမိၚ်တိုန်ရမျာၚ်ရ—
“စိၚ်မွဲကိုဋ်ဂမၠိုၚ်ကီု ချေံမွဲကိုဋ်ဂမၠိုၚ်ကီု ကွဳစောတ်ဂမၠိုၚ်မွဲကိုဋ် မဗ္ဂန်လဝ်ချေံအဿတဵုကီု သၟတ်ဝုတ်ကညာဂမၠိုၚ်မွဲကိုဋ် မဝက်လဝ်သၞေက်မတ်မၞိက်ကီုဂှ် ဖအုံထောံစှ်တြဴဖအုံတုဲ ဗၞတ်မွဲဖအုံလေဝ် ဟွံထေက်ကဵုတန်ကဵု (ဖဵု) ဒက်တဴလဂါမ်ဇိုၚ် (ညးမအာဗဵုလ္ၚောဝ်ကျာ်) အိုတ်ရ။
ယွံသေဌဳ ဩဝ်အာဂတညိ၊ ယွံသေဌဳ ဩဝ်အာဂတညိ၊ ပွမတိုန်အာဂတဂှ် ပြဲကုတၠအဲရ၊ ပွမဆုတ်လက်ကရဴဂှ် ဟွံပြဲရ” ရဴဝွံ (သကဵုမိၚ်ရမျာၚ်ရ)။
ပ္ဍဲအခိၚ်ဂှ် ဒမၠုကၠေံဗ္ဒန်အာ ကုအနာထပိဏ္ဍိကသေဌဳတုဲ လျးတၟးဒှ်ပြာကဋ်ရ၊ ပွမဖေက်ဂၟံက် ပွမချဳဒတဝ် ပွမသော်ဇကုနရဴ မကတဵုဒှ် (ကုညးဂှ်) တုဲလေဝ် လလမ်အာရ။ မရနုက်ကဵုၜါဝါလေဝ် ။ ပ ။ မရနုက်ကဵုပိဝါလေဝ် လျးတၟးကၠေံဗ္ဒန်အာ ကုအနာထပိဏ္ဍိကသေဌဳတုဲ ဒမၠုဂၠုယျေပ် ဒှ်ပြာကဋ်ကၠုၚ်ရ၊ ပွမဖေက်ဂၟံက် ပွမချဳဒတဝ် ပွမသော်ဇကုနရဴ ဒှ်ပြာကဋ်ဂှ်ရ နူဌာန်ဂှ်ဟေၚ် သၟိက်မိက်ဂွံကလေၚ်ဂတးစဴမွဲလှေ်ပၠန်ရ၊ မရနုက်ကဵုပိဝါလေဝ် ဒေဝတဴပၟၚ်သိဝက သီုဗ္ဒန် (ကလေံ) လဝ်ဇကုဂှ် သကဵုမိၚ်တိုန်ရမျာၚ်ရ—
“စိၚ်မွဲကိုဋ်ဂမၠိုၚ်ကီု ချေံမွဲကိုဋ်ဂမၠိုၚ်ကီု ကွဳစောတ်ဂမၠိုၚ်မွဲကိုဋ် မဗ္ဂန်လဝ်ချေံအဿတဵုကီု သၟတ်ဝုတ်ကညာဂမၠိုၚ်မွဲကိုဋ် မဝက်လဝ်သၞေက်မတ်မၞိက်ကီုဂှ် ဖအုံထောံစှ်တြဴဖအုံတုဲ ဗၞတ်မွဲဖအုံလေဝ် ဟွံထေက်ကဵုတန်ကဵု (ဖဵု) ဒက်တဴလဂါမ်ဇိုၚ် (ညးမအာဗဵုလ္ၚောဝ်ကျာ်) အိုတ်ရ။
ယွံသေဌဳ ဩဝ်အာဂတညိ၊ ယွံသေဌဳ ဩဝ်အာဂတညိ၊ ပွမတိုန်အာဂတဂှ် ပြဲကုတၠအဲရ၊ ပွမဆုတ်လက်ကရဴဂှ် ဟွံပြဲရ” ရဴဝွံ (သကဵုမိၚ်ရမျာၚ်ရ)။
မရနုက်ကဵုပိဝါလေဝ် ဒမၠုကၠေံဗ္ဒန်အာ ကုအနာထပိဏ္ဍိကသေဌဳတုဲ လျးတၟးဒှ်ပြာကဋ်ရ၊ ပွမဖေက်ဂၟံက် ပွမချဳဒတဝ်ဇကု ပွမသော်ဇကုနရဴ မကတဵုဒှ် (ကုညးဂှ်) တုဲလေဝ် လလမ်အာရ။
ပ္ဍဲအခိၚ်ဂှ် အနာထပိဏ္ဍိကသေဌဳ ပြာပ်အာ ဂြိုပ်ကြက်ဂြၚ်ရ။ ပ္ဍဲအခိၚ်ဂှ် တဳလမၞုံပိုဉ်ကျာ်တြဲ ပ္ဍဲအခိၚ်ဖလာၚ်ယးဗတမ်ဂှ် ဒၠိုက်ကတဵုပြဟ်ပြဟ်တုဲ ကွာ်ဒၟံၚ်စၚ်္ကြမ် ပ္ဍဲအမှဲအကးရ။ တဳလမၞုံပိုဉ်ကျာ်တြဲ သ္ဂောံညာတ်ကေတ် အနာထပိဏ္ဍိကသေဌဳ မကၠုၚ်ဒၟံၚ် နူဇမ္ၚောဲဟေၚ်မ္ဂး စှေ်နူစၚ်္ကြတုဲ ဂဇအ်ဒၟံၚ်ဒၞာဲမလးပညပ်လဝ်တုဲမ္ဂး “ယွံသုဒတ္တ ဩဝ်ကၠုၚ်ညိ” ရဴဝွံ သ္ဂးကဵုအနာထပိဏ္ဍိကသေဌဳရ။ ပ္ဍဲအခိၚ်ဂှ် အနာထပိဏ္ဍိကသေဌဳဂှ် “တဳလမၞုံပိုဉ်ကျာ်တြဲ ကော်အဲ နကဵုယၟုဍောတ်ဍောတ်မ္ဂး သုဒတ္တရ” ရဴဝွံ မြဟ်မြဴတိုန် မၞုံကဵုစိုတ်တိုန်ဂှ်ဒှ်တုဲ ပြာပ်အာဇရေၚ် တဳလမၞုံပိုဉ်ကျာ်တြဲပ္ဍဲကြဴတုဲ မာဖျေံ ပ္ဍဲဇိုၚ်တဳလမၞုံပိုဉ်ကျာ်တြဴဂမၠိုၚ် နကဵုက္ဍိုပ်တုဲ “ ယွံကျာ်မၞုံပိုဉ် ပသာ်ရော? တဳလမၞုံပိုဉ်ကျာ်တြဲ သ္ဂောံတိက်ဗွဲတသိုခ်ဟာ” ရဴဝွံ ဂရၚ်ပတီ တဳလမၞုံပိုဉ်ကျာ်တြဲရ။
“ဟွံလံက်လေတ် ပ္ဍဲကာမဂုဏ်ဂမၠိုၚ်တုဲ တၠအရှန် အာစိုပ်ပွမၜိုဟ်လလမ် မဟွံမွဲကဵု (ကိလေသ) ဥပဓိဂှ် လလမ်တုဲနူပွဳပွူဒှ်တုဲ အခါကာလအိုတ်သီု သ္ဂောံတိက်ဗွဲတသိုခ်ရ။
သကုတ်ဗပိုတ်ကၠေံ ပွမရာဒနာမိက်ဂမၠိုၚ်အိုတ်သီုတုဲ ပၠေၚ်ကၠေံ ပွမကတဴကတာန် ပ္ဍဲဂၠမ်စိုတ်တုဲ အာစိုပ်ပွမၜိုဟ်သတိုတ် နကဵုစိုတ်တုဲ ပူဂိုလ်တၠအရှန် မၜိုဟ်လလမ်ဂှ် သ္ဂောံတိက် ဗွဲတသိုခ်ရ” ရဴဝွံ (သ္ဂးရ)။
ပ္ဍဲအခိၚ်ဂှ် တဳလမၞုံပိုဉ်ကျာ်တြဲ တွံကဵုဂလာန်ဓရ် မဒှ်အတိုၚ်လၟေၚ် ကုအနာထပိဏ္ဍိကသေဌဳရ၊ ဂလာန်ဓရ်မဒှ်အတိုၚ်လၟေၚ်ဂှ်တုန် ညးဍေံဂှ်ရော? ဂလာန်မစပ်ကဵုဒါနကီု ဂလာန်မစပ်ကဵုသဳလကီု ဂလာန်မစပ်ကဵုဍုၚ်သွဝ်ကီု ဒုဟ်ကီု ပွမယုတ်သဝ်ကီု ပွမကၠိခ္ဍက် ကာမဂုဏ်ဂမၠိုၚ်ကီု ဖဵုပွမတိတ်ဗၠး (နူကာမဂုဏ်ဂမၠိုၚ်) ကီု ထ္ၜးကဵုရ။
တဳလမၞုံပိုဉ်ကျာ်တြဲ ပ္ဍဲအခိၚ်မတီကေတ် မၞုံကဵုစိုတ်မဒုၚ်စရၚ် မၞုံကဵုစိုတ်မဍိုန်ညောန် မၞုံကဵုစိုတ်မစာ်စ္ဍးနူ “နဳဝရဏ” ကၟာတ်လဒဵု မၞုံကဵုစိုတ်မြဟ်တိုန် မၞုံကဵုစိုတ်မလျုၚ်ဇြုၚ်သ္ဍိုက် ပ္ဍဲအနာထပိဏ္ဍိကသေဌဳဂှ် ထ္ၜးကဵု ‘ဒုက္ခသစ္စ’ ဒဒိုခ်ကီု ‘သမုဒယသစ္စ’ ဟိုတ်ဒဒိုခ်ကတဵုဒှ်ကီု ‘နိရောဓသစ္စ’ အရာဒဒိုခ်ပၠိုတ်ကီု ‘မဂ္ဂသစ္စ’ ဂၠံၚ်တရဴဒှ်ဟိုတ်အာစိုပ်အရာဒဒိုခ်ပၠိုတ်ကီု မဒှ်ဓရ်ဒေသနာ ‘သာမုက္ကံသိက’ မတီညာတ်ဓမံက်ပတိတ် အလဵုဇကုကျာ်ဂမၠိုၚ်ရ။ ယာတ်ဗုသအး မစာ်စ္ဍးနူကမၠိကၠိခ္ဍက်ဂှ် သၟဟ်ညံၚ်ရဴဒုၚ်ဂိုၚ်ကေတ်ဍာ်လွံက် ဗွဲမဒးရးကီု တုပ်တဴသာ်ဂှ်ရ ပ္ဍဲဒၞာဲဂှ်ဟေၚ် “ဓရ်အိုတ်သီု မၞုံသဘဴပွမကတဵုဒှ်ဂှ် မၞုံသဘဴပၠိုတ်ရ” ရဴဝွံ ‘သောတာပတ္တိမဂ်ဉာဏ်’ မတ်ဓရ် မဟွံမွဲကဵုမၠိုက် မစာ်စ္ဍးနူကၠိုက်လ္ၚေၚ်ကိလေသဂှ် ကတဵုဒှ် ကုအနာထပိဏ္ဍိကသေဌဳရ။
ပ္ဍဲအခိၚ်ဂှ် အနာထပိဏ္ဍိကသေဌဳ ညာတ်ကေတ်ဓရ်တုဲဂှ်ဒှ်တုဲ အာစိုပ်ဓရ်တုဲဂှ်ဒှ်တုဲ တီကေတ်ဓရ်တုဲဂှ်ဒှ်တုဲ တၞီလုပ်အာဓရ်တုဲဂှ်ဒှ်တုဲ ကလိလောန်အာ သၠေဟ်ပၟာတုဲဂှ်ဒှ်တုဲ စာ်စ္ဍးချပ်သၠေဟ်ပၟာ သာ်တေံဟာ, သာ်ဏအ်ဟာတုဲဂှ်ဒှ်တုဲ အာစိုပ်ဂံၚ်သကာ (သက်လှက်) ပ္ဍဲသာသနာကျာ်တြဲတုဲဂှ်ဒှ်တုဲ ဟွံမွဲကဵုညးလျုၚ်ပတှ်ေ မသအာၚ်နူကျာ်ဂှ်ဒှ်တုဲ—
“ယွံတဳလမၞုံပိုဉ် (ဓရ်ဂှ်) ထေက်ကဵုသ္ဍိုက်မၠိုက်လောန်ရ၊ ယွံတဳလမၞုံပိုဉ် (ဓရ်ဂှ်) ထေက်ကဵုသ္ဍိုက်မၠိုက်လောန်ရ၊ ဗွဲဥပၟာမ္ဂးတုန် ဝတ္ထုဗကပ်စွံလဝ်ဂှ် သၟဟ်ညံၚ်ရဴဂတးလ္ၚာကဵုကီု ဝတ္ထုဂြောပ်ဗ္ဒန်လဝ်ဂှ် သၟဟ်ညံၚ်ရဴပံက်ထ္ၜးကဵုကီု ကုညးမတ်ဂေတ်တၠိၚ်ဂၠံၚ်ဂှ် သၟဟ်ညံၚ်ရဴဟီုလဴကဵုဂၠံၚ်ဍာန်ဍာံစၟတ်ကီု “ညးမၞုံကဵုမတ်မညာတ်ဂမၠိုၚ်ဂှ် ကြက်ဂွံညာတ်ကေတ် ရုပ်သာ်ဂမၠိုၚ်အိုတ်ရ” ရဴဝွံ ပ္ဍဲတိုက်ဒမၠုဂှ် သၟဟ်ညံၚ်ရဴစံၚ်ဗဂဵုကဵု ပၟတ်ကၠေၚ်သ္ဍဴကီု တုပ်သၟဟ်သာ်ဂှ်ဟေၚ်ရ တဳလမၞုံပိုဉ်ဂှ် နကဵုဟိုတ်တၞဟ်တၞဟ် တွံထ္ၜးကဵုဓရ်ရ၊ ယွံတဳလမၞုံပိုဉ် အဲဍိက်ဂှ် ပြာပ်ခသ္ပစ္ၜုဲစ္ၜော် သကအ်ဗ္ဒကဵု တဳလမၞုံပိုဉ်ကျာ်တြဲရ၊ ဓရ်ဂှ်လေဝ် ပြာပ်ခသ္ပစ္ၜုဲစ္ၜော် သကအ်ဗ္ဒရ၊ သၚ်ဂှ်လေဝ် ပြာပ်ခစ္ၜုဲစ္ၜော် သကအ်ဗ္ဒရ၊ ယွံတဳလမၞုံပိုဉ် တဳလမၞုံပိုဉ်ဂှ် သ္ပတမ်နူတ္ၚဲဝွံတုဲ စဵုကဵုလအိတ်လမျီု အဲဍိက်ဂှ် ဥပးပြာပ်ခ သ္ပစ္ၜုဲစ္ၜော်သကအ်ဗ္ဒ ရဴဝွံ ဩဝ်ဂိုၚ်သမ္တီလဝ်ညိ” ရဴဝွံ ဂရၚ်ပတီ တဳလမၞုံပိုဉ်ကျာ်တြဲရ။
ယွံတဳလမၞုံပိုဉ် သွက်တ္ၚဲယး တဳလမၞုံပိုဉ်ကျာ်တြဲ မွဲဟာန်ကေုာံခမဳသၚ် ဩဝ်ဒုၚ်တဲပိဏ္ဍပါတ် အဲဍိက်ညိကျာ် ရဴဝွံ (ဂရၚ်ပတီ)။ တဳလမၞုံပိုဉ်ကျာ်တြဲ နမဒၟံၚ်သ္ၚိတ်သ္ၚိတ်ဂှ် ဒုၚ်ကေတ်ရ။
ပ္ဍဲအခိၚ်ဂှ် အနာထပိဏ္ဍိကသေဌဳ တီကေတ် တဳလမၞုံပိုဉ်ကျာ်တြဲ ဒုၚ်တဲတုဲ ဒၠိုက်ကတဵုနူဒၞာဲ လ္ၚောဝ်သ္ပဝတ် တဳလမၞုံပိုဉ်ကျာ်တြဲတုဲ သ္ပရှေ်သှေ်ရဴဂဴတုဲမ္ဂး ပါဲစ္ဍးအာရ။ သေဌဳရာဇဂြိုဟ်ဂှ် “အနာထပိဏ္ဍိကသေဌဳဂှ် သွက်တ္ၚဲယးတေံ ဘိက်နိမန်လဝ် သၚ်မၞုံပဓါန်ဍေံကျာ်တြဲရဂး” ရဴဝွံ သ္ဂောံမိၚ်ကေတ်ရ။
၃၀၆။ ပ္ဍဲအခိၚ်ဂှ် သေဌဳရာဇဂြိုဟ်ဂှ်—
“ယွံသေဌဳ သွက်တ္ၚဲယးတေံ တၠအဲ ဘိက်နိမန်လဝ် သၚ်မၞုံပဓာန်ဍေံကျာ်တြဲရ၊ (ၜိုန်ဂှ်) တၠအဲတုန် ဒှ်ကၟုဲထဳရ၊ ယွံသေဌဳ ကဵုညးဘိုၚ်ကမၠောန်မွဲစွံ ကုတၠအဲရ၊ နကဵုဘိုၚ်ကမၠောန်မွဲစွံဂှ် တၠအဲ ကၠောန်ၜိုတ်ပိဏ္ဍပါတ် ကုသၚ်မၞုံပဓာန်ဍေံကျာ်တြဲမာန်ရ” ရဴဝွံ သ္ဂးရ။
ယွံသေဌဳ ဟွံမွဲပၟိက်ရ၊ ညးဘိုၚ်ကမၠောန် နွံကုအဲရ။ နကဵုညးဘိုၚ်ကမၠောန်မွဲစွံဂှ် အဲကၠောန်ၜိုတ်ပိဏ္ဍပါတ် ကုသၚ်မၞုံပဓာန်ဍေံကျာ်တြဲရ ရဴဝွံ သ္ဂးကဵုအနာထပိဏ္ဍိကသေဌဳရ။
သေဌဳနိဂီု ပဒတဴဍုၚ်ရာဇဂြိုဟ်ဂှ် “အနာထပိဏ္ဍိကသေဌဳဂှ် သွက်တ္ၚဲယးဂတတေံ ဘိက်နိမန်လဝ် သၚ်မၞုံပဓာန်ဍေံကျာ်တြဲရဂး” ရဴဝွံ သ္ဂောံမိၚ်ကေတ်ရ။ ပ္ဍဲအခိၚ်ဂှ် သေဌဳနိဂီု ပဒတဴ ဍုၚ်ရာဇဂြိုဟ်—
“ယွံသေဌဳ သွက်တ္ၚဲယးတေံ တၠအဲ ဘိက်နိမန်လဝ် သၚ်မၞုံပဓာန်ဍေံကျာ်တြဲရ၊ (ၜိုန်ရ) တၠအဲတုန် ဒှ်ကၟုဲထဳရ၊ ယွံသေဌဳ ကဵုညးဘိုၚ်ကမၠောန်မွဲစွံ ကုတၠအဲရ၊ နကဵုညးဘိုၚ်ကမၠောန်မွဲစွံဂှ် တၠအဲ ကၠောန်ၜိုတ်ပိဏ္ဍပါတ် ကုသၚ်မၞုံပဓာန်ဍေံကျာ်တြဲမာန်ရ” ရဴဝွံ သ္ဂးရ။
ယွံသေဌဳ ဟွံမွဲပၟိက်ရ၊ ညးဘိုၚ်ကၠောန်ကမၠောန် နွံကုအဲရ။ နကဵုညးဘိုၚ်ကၠောန်ကမၠောန်မွဲစွံဂှ် အဲ ကၠောန်ၜိုတ်ပိဏ္ဍပါတ် ကုသၚ်မၞုံပဓာန်ဍေံကျာ်တြဲရ ရဴဝွံ သ္ဂးကဵုအနာထပိဏ္ဍိကသေဌဳရ။
သၟိၚ်ဗိမ္ဗိသာရ မၞုံယၟုသေနိယ တၠညးမဂဓရးဂှ် “အနာထပိဏ္ဍိကသေဌဳဂှ် သွက်တ္ၚဲယးတေံ ဘိက်နိမန်လဝ် သၚ်မၞုံပဓာန်ဍေံကျာ်တြဲရဂး” ရဴဝွံ သ္ဂောံမိၚ်ကေတ်ရ။ ပ္ဍဲအခိၚ်ဂှ် သၟိၚ်ဗိမ္ဗိသာရ မၞုံယၟုသေနိယ တၠညးမဂဓရးဂှ်—
“ယွံသေဌဳ သွက်တ္ၚဲယးတေံ တၠအဲ ဘိက်နိမန်လဝ် သၚ်မၞုံပဓာန်ဍေံကျာ်တြဲရ၊ (ၜိုန်ဂှ်) တၠအဲတုန် ဒှ်ကၟုဲထဳရ၊ ယွံသေဌဳ ကဵုညးဘိုၚ်ကမၠောန်မွဲစွံ ကုတၠအဲရ၊ နကဵုညးဘိုၚ်ကမၠောန်မွဲစွံဂှ် တၠအဲ ကၠောန်ၜိုတ်ပိဏ္ဍပါတ် ကုသၚ်မၞုံပဓာန်ဍေံကျာ်တြဲမာန်ရ” ရဴဝွံ သ္ဂးကဵုအနာထပိဏ္ဍိကသေဌဳရ။
ယွံသၟိၚ်ဇၞော် ဟွံမွဲပၟိက်ရ၊ ညးဘိုၚ်ကၠောန်ကမၠောန် နွံကုအဲရ။ နကဵုညးဘိုၚ်ကၠောန်ကမၠောန်မွဲစွံဂှ် အဲ ကၠောန်ၜိုတ်ပိဏ္ဍပါတ် ကုသၚ်မၞုံပဓာန်ဍေံကျာ်တြဲရ ရဴဝွံ သ္ဂးရ။
ပ္ဍဲအခိၚ်ဂှ် အနာထပိဏ္ဍိကသေဌဳဂှ် ဗတမ်ဂှ်လောန်ၜက်အာတုဲ ကဵုစဳရေၚ်စၞအာဟာရ ဘောဇိုန်မပြဲပြဲ ပ္ဍဲသ္ၚိသေဌဳရာဇဂြိုဟ်တုဲ ‘ယွံတဳလမၞုံပိုဉ် ဒးအခိၚ်ရ၊ ပဠေဝ်ပဠေတ်ပိဏ္ဍပါတ်တုဲရ’ ရဴဝွံ ကဵုဂရၚ်ပတီ ဒးအခိၚ်ကဵုပိုဉ် ကုတဳလမၞုံပိုဉ်ကျာ်တြဲရ။
ပ္ဍဲအခိၚ်ဂှ် တဳလမၞုံပိုဉ်ကျာ်တြဲ ပ္ဍဲအခိၚ်နူဂယး ဗိုက်ပဠေဝ်ပဠေတ်သ္ၚာတုဲ သီုမထ္ၜဂိုၚ်ရပ်ကေတ်ဗဗေၚ်သ္ၚာဂှ် က္ညပြာပ်စဴအာသ္ၚိ သေဌဳရာဇဂြိုဟ်တုဲမ္ဂး ဂဇအ်ဒၟံၚ်ပ္ဍဲသၞာမလးပညပ်လဝ်ဟေၚ် မွဲဟာန်ကေုာံခမဳသၚ်ရ။
ပ္ဍဲအခိၚ်ဂှ် အနာထပိဏ္ဍိကသေဌဳ နကဵုစၞအာဟာရ ဘောဇိုန်မပြဲပြဲ အလဵုဇကုကၠောန်ၜိုတ်ဥပကာ တြာပ်ဖာပ်ဗ္စ ခမဳသၚ်မၞုံပဓာန်ဍေံ တဳလမၞုံပိုဉ်ကျာ်တြဲ စဵုကဵုတရိုပ်ကဵုစိုတ် စဵုကဵုဒးဆေဝ်တာပဒေါအ်ကၠေံတုဲမ္ဂး တဳလမၞုံပိုဉ်ကျာ်တြဲ ကဵုပိုန်တုဲ ပ္ဍဲအခိၚ်ပါဲကၠေံတဲ နူဗဗေၚ်တုဲဂှ် ဂဇအ်ဒၟံၚ်ပ္ဍဲဒၞာဲမွဲတုဲ—
“ယွံတဳလမၞုံပိုဉ် တဳလမၞုံပိုဉ်ကျာ်တြဲ မွဲဟာန်ကေုာံသၚ် ဩဝ်ဒုၚ်တဲ ပွမပြာပ်လုပ်ဒဂိုန် ပ္ဍဲဍုၚ်သာရဝှ် အဲဍိက်ညိ” ရဴဝွံ ဂရၚ်ပတီ တဳလမၞုံပိုဉ်ကျာ်တြဲရ။ ယွံသေဌဳ ကျာ်တြဲဂမၠိုၚ် မိပ်လဟိၚ် ပ္ဍဲဌာန်သ္ၚိတ်ဇြအိုတ်ရ ရဴဝွံ (သ္ဂးရ)။ ယွံကျာ်မပတၠပိုဉ်တြဴပြကာ တီတုဲရ၊ ယွံကျာ်မက္ညကၠုၚ်ခိုဟ်ဆာဲ တီတုဲရ ရဴဝွံ (ဂရၚ်ပတီရ)။
ပ္ဍဲအခိၚ်ဂှ် နကဵုဂလာန်ဓရ် တဳလမၞုံပိုဉ်ကျာ်တြဲ ကဵုအနာထပိဏ္ဍိကသေဌဳ တီညာတ်ကေတ် (ဒတုဲဖဵုမြမောဝ်) ကဵုဒဂိုန်ဂိုၚ်ကေတ် (ဓရ်) (သွက်ဂွံဒ္ဂေတ်ဓရ်) ကဵုသကေက်သကာ ကဵုမြဟ်မြာတုဲဒှ်တုဲမ္ဂး ဒၠိုက်ကတဵုနူဒၞာဲတုဲ ပါဲစ္ဍးအာရ။
၃၀၇။ ပ္ဍဲအခိၚ်ဂှ် အနာထပိဏ္ဍိကသေဌဳ ဒှ်ညးမိတ်ပြဝါဂမၠိုၚ် ဒှ်ညးသကအ်ပွံၚ်ဂၠိုၚ် ဒှ်ညးဩဇအာဏာဇၞော်ရ၊ ဒှ်ညးကလၚ်ကေတ်ဂလာန်ညးဂၠိုၚ်ရ။
ပ္ဍဲအခိၚ်ဂှ် အနာထပိဏ္ဍိကသေဌဳ ကဵုစိုပ်ဒတုဲကၠေံ ကမၠောန်ကေၚ်ကာ ပ္ဍဲဍုၚ်ရာဇဂြိုဟ်တုဲ ပါဲစ္ဍးအာဍုၚ်သာရဝှ်ရ။ ကြဴနုဂှ် အနာထပိဏ္ဍိကသေဌဳဂှ် “ယွံနာဲတအ် မၞးတအ်ညးဂမၠိုၚ် ဩဝ်ကၠောန်ခၞံ အာရှာမ်ဂမၠိုၚ်အိုတ်ညိ၊ ဩဝ်ကဵုပတန် ဘာဂမၠိုၚ်အိုတ်ညိ၊ ဩဝ်ကဵုကတဵုဒှ် ဒါန်ဂမၠိုၚ်အိုတ်ညိ၊ ပ္ဍဲလောကဝွံ ကျာ်တြဲကတဵုဒှ်ရ၊ အဲ ဘိက်နိမန်နၚ် တဳလမၞုံပိုဉ်ကျာ်တြဲဂှ်ရ၊ ကြက်က္ညုၚ် နကဵုဂၠံၚ်တရဴဝွံရ” ရဴဝွံ ဖအောဝ်စကာ မၞိဟ်ဂမၠိုၚ် ပ္ဍဲအကြာဂၠံၚ်တရဴရ။
ပ္ဍဲအခိၚ်ဂှ် မၞိဟ်ဂမၠိုၚ် အနာထပိဏ္ဍိကသေဌဳ မဂပ်ဝ်ဖအောဝ်ဗတိုက်ဂှ်ဒှ်တုဲ ကဵုကၠောန်ခၞံအာရှာမ်ဂမၠိုၚ်အိုတ်ရ၊ ကဵုပတန် ဘာဂမၠိုၚ်အိုတ်ရ၊ ကဵုကတဵုဒှ် ဒါန်ဂမၠိုၚ်အိုတ်ရ။ ပ္ဍဲအခိၚ်ဂှ် အနာထပိဏ္ဍိကသေဌဳ အာစိုပ်ဍုၚ်သာရဝှ်တုဲ ဂေတ်ဗဵုသ္ၚေဝ်ရံၚ် ပ္ဍဲပွဳပွူဍုၚ်သာရဝှ်ရ။
“မုရဴ ပ္ဍဲဌာန်မွဲ ထေက်ကဵုတဳလမၞုံပိုဉ်ကျာ်တြဲ သ္ပဒတဴရော?၊ ဌာန်ဂှ် နူကွာန်လေဝ် ဟွံသ္ၚောဲလောန် ဟွံကြပ်လောန်ရ၊ ဒးဍိုက်ပေၚ်ကဵုဂၠံၚ်အာဂၠံၚ်ကၠုၚ်ရ၊ ကုညးမိက်ဂွံဗဵုလ္ၚောဝ်ကျာ် ညးမိက်ကလၚ်ပၚ်မှိၚ်ဓရ်ဂမၠိုၚ်လေဝ် သွက်ဂွံအာစိုပ်ဒးလောဲသွာရ၊ ပ္ဍဲအခိၚ်တ္ၚဲ ဟွံနှဴရဴတ္ၜန်တ္ၜောဲကေုာံမၞိဟ် ပ္ဍဲအခိၚ်သဝ်တ္ၚဲလေဝ် ဗရုရမျာၚ် ဒးအောန်သာရ၊ ဗရုရမျာၚ် က္ညာၚ်ကရေဲဍုၚ်ကွာန် ‘ဗရုရမျာၚ်ရုသံၚ် ထအဴကၠံၚ်’ လေဝ် ဟွံမွဲရ၊ ဟွံမွဲကဵုသၟူအမြာဲမၞိဟ် ‘စာ်စ္ဍးနူသၟူအမြာဲမၞိဟ်ဂမၠိုၚ်’ရ၊ ဌာန်ထေက်ကဵု သ္ပတဴကမၠောန်ပွပၞုက်ဓလုက်မၞိဟ်ဂမၠိုၚ် ဗဗွဲကဵုတၞဟ်နသတၚ်တန်တဴလေဝ်ဒှ်ရ” ရဴဝွံ ကသပ်ဒှ်ရ။
အနာထပိဏ္ဍိကသေဌဳ ညာတ်ဒး ဥဒျာန်ကောန်သၟိၚ်ဇေတ မဟွံသ္ၚောဲလောန် ဟွံကြပ်လောန်ကဵုကွာန် မဍိုက်ပေၚ်ကဵုဂၠံၚ်အာဂၠံၚ်ကၠုၚ် ကုညးမိက်ဂွံဗဵုလ္ၚောဝ်ကျာ် ညးမိက်ဂွံကလၚ်ပၚ်မှိၚ်ဓရ်ဂမၠိုၚ်လေဝ် မအာစိုပ်လောဲသွာ ပ္ဍဲအခိၚ်တ္ၚဲ ဟွံနှဴရဴတ္ၜန်တ္ၜောဲကေုာံမၞိဟ် ပ္ဍဲအခိၚ်သဝ်တ္ၚဲလေဝ် ဗရုရမျာၚ်မအောန်သာ မဟွံမွဲကဵုဗရုရမျာၚ်က္ညာၚ်ကရေဲဍုၚ်ကွာန် ‘ဗရုရမျာၚ်ရုသံၚ် ထအဴကၠံၚ်’ မဟွံမွဲကဵုသၟူအမြာဲမၞိဟ် ‘မစာ်စ္ဍးနူသၟူအမြာဲမၞိဟ်ဂမၠိုၚ်’ မထေက်ကဵုတၞဟ်နသ္ပတဴကမၠောန် ပွပၞုက်ဓလုက်မၞိဟ်ဂမၠိုၚ် မဗဗွဲကဵုတၞဟ်နသတၚ်တန်တဴတုဲ ပ္ဍဲကြဴပြာပ်အာဇရေၚ် ကောန်သၟိၚ်ဇေတတုဲ “ယွံကောန်နာဲ သွက်ဂွံကၠောန်ခၞံအာရှာမ် ဥဒျာန်တၠအဲဂှ် ဩဝ်ကဵုကုအဲညိ” ရဴဝွံ သ္ဂးကဵုကောန်သၟိၚ်ဇေတရ။ ယွံသေဌဳ နပွမလးတဴ စဵုကဵုဂတှေ်သြန် ရၚ်သကအ်စုက်ဒးဂှ် ထေက်ကဵုကဵုအာရှာမ်ရ ရဴဝွံ (သ္ဂးရ)။ ယွံကောန်နာဲ ဂိုၚ်ကေတ်အာရှာမ်တုဲဒှ်တုဲရ ရဴဝွံ (သ္ဂးရ)။ ယွံသေဌဳ ဟဂွံဂိုၚ်ကေတ်အာရှာမ်ဏီရ ရဴဝွံ (သ္ဂးရ)။ “ဂပ်ဝ်ဂိုၚ်ကေတ်ဟာ ဟဂပ်ဝ်ဂိုၚ်ကေတ်ဟာ” ရဴဝွံ သၟာန်အမာတ်ဇၞော် ညးသ္ဂုတ်သွာတ်ဓရ်ဂမၠိုၚ်အိုတ်ရ။
အမာတ်ဇၞော်ဂမၠိုၚ် “ယွံကောန်နာဲ တၠအဲ ဟိုတ်မသပိုတ်ၚုဟ်တုဲဒှ်ဂှ်ရ ဂပ်ဝ်ဂိုၚ်ကေတ်အာရှာမ်ရ” ရဴဝွံ သ္ဂးအိုတ်ရ။ ပ္ဍဲအခိၚ်ဂှ် အနာထပိဏ္ဍိကသေဌဳ ကဵုဇက်ပတိတ်နၚ်သြန် နကဵုကွဳဂမၠိုၚ်တုဲ သကဵုလးတဴ တိအာရှာမ် ကောန်သၟိၚ်ဇေတ နပွမလးစဵုကဵုစုက်ဒးဂတှ်ေသြန်ရၚ်သကအ်ရ၊ သြန်မဇက်ပတိတ်နၚ်မွဲအလန်ဂှ် ဟွံရုမ်ဂပ် ကုဌာန်ပွဳပွူမုက်ထော်တြၚ်ဗၞတ်ညိနာၚ်ရ။ ပ္ဍဲအခိၚ်ဂှ် အနာထပိဏ္ဍိကသေဌဳ “ယွံသကအ်တအ် ဩဝ်အာအိုတ်ညိ၊ ဩဝ်ရၚ်တၠုၚ်သြန်အိုတ်ညိ၊ ကြက်လးကၠေံ ဌာန်ဝွံရ” ရဴဝွံ သီုမဟီုသ္ဂး ဖအောဝ်ဗလးမၞိဟ်ဂမၠိုၚ်ရ။ ပ္ဍဲအခိၚ်ဂှ် “သေဌဳဝွံ သၠးပွးကၠေံ သြန်မဂၠိုၚ်ဂၠၚ်ဗၞတ်ဂှ်ရ၊ ကမၠောန်ဝွံ ကြက်ယုတ်သဝ်ဟွံသေၚ်ရ” ရဴဝွံ ကသပ်ဒှ်ကၠုၚ် ကုကောန်သၟိၚ်ဇေတရ။ ဟိုတ်ဂှ်ရ “ယွံသေဌဳ ဟွံမွဲပၟိက်ရ၊ လ္ပလးဌာန်ဂှ်ရ၊ ဌာန်ဂှ် ဩဝ်ကဵု ကုအဲညိ၊ ဒါန်ဂှ် ကြက်ဒှ်ဒါန်အဲရ” ရဴဝွံ သ္ဂးကဵုအနာထပိဏ္ဍိကသေဌဳရ။
ပ္ဍဲအခိၚ်ဂှ် အနာထပိဏ္ဍိကသေဌဳဂှ် “ကောန်သၟိၚ်ဇေတဝွံ ပြာကဋ်ရ၊ မၞိဟ်ပြာကဋ်ရ၊ ပ္ဍဲသာသနာဝွံ ပွမလျုၚ်ဇြုၚ်သ္ဍိုက် မၞိဟ်ပြာကဋ်ဂမၠိုၚ် ရဴဝွံ မၞုံကဵုဖဵုဂၠိုၚ်ရ” ရဴဝွံ ပၠုပ်စိုတ်တုဲ ဌာန်ဂှ် ကဵုထောံ ကုကောန်သၟိၚ်ဇေတရ။ ပ္ဍဲအခိၚ်ဂှ် ကောန်သၟိၚ်ဇေတ ဖန်ဗဒှ် မုက်ထော်တြၚ် ပ္ဍဲဌာန်ဂှ်ရ။ ကြဴနူဂှ် အနာထပိဏ္ဍိကသေဌဳ ကဵုသိုၚ်ခၞံ ဘာဂမၠိုၚ် ပ္ဍဲဥဒျာန်ကောန်သၟိၚ်ဇေတရ၊ ကဵုကၠောန်သ္ပ ပြဝိုဏ်ဂမၠိုၚ်ရ၊ ကဵုကၠောန်သ္ပ မုက်ထော်တြၚ်ဂမၠိုၚ်ရ၊ ကဵုကၠောန်သ္ပ ဇြပ်ကောံဓရီုဂမၠိုၚ်ရ၊ ကဵုကၠောန်သ္ပ သ္ၚိဇရုၚ်ပၟတ်ဂမၠိုၚ်ရ၊ ကဵုကၠောန်သ္ပ ကပ္ပိယကုဋဳဂမၠိုၚ်ရ၊ ကဵုကၠောန်သ္ပ သ္ၚိဍာ်ဂမၠိုၚ်ရ၊ ကဵုကၠောန်သ္ပ စၚ်္ကြမ်ဂမၠိုၚ်ရ၊ ကဵုကၠောန်သ္ပ ဇြပ်စၚ်္ကြမ်ဂမၠိုၚ်ရ၊ ကဵုကၠောန်သ္ပ ဍာ်ကမၠိုၚ်ဂမၠိုၚ်ရ၊ ကဵုကၠောန်သ္ပ ဇြပ်ဍာ်ကမၠိုၚ်ဂမၠိုၚ်ရ၊ ကဵုကၠောန်သ္ပ သ္ၚိဇရုၚ်ပလက်ဂမၠိုၚ်ရ၊ ကဵုကၠောန်သ္ပ ဇြပ်သ္ၚိဇရုၚ်ပလက်ဂမၠိုၚ်ရ၊ ကဵုကၠောန်သ္ပ ကၟာဍာ်ဂမၠိုၚ်ရ၊ ကဵုကၠောန်သ္ပကၞာထးဂမၠိုၚ်ရ။
====၆.၂.၂။ ပွမကဵုကမၠောန်ကေၚ်ကာတၟိ====
၃၀၈။ ပ္ဍဲအခိၚ်ဂှ် တဳလပိုဉ်ကျာ်တြဲ သ္ပဒတဴတန်ဒၟံၚ် ပ္ဍဲဍုၚ်ရာဇဂြိုဟ် ဗၞတ်မမိပ်လဟိၚ်တုဲမ္ဂး အတိုၚ်လၟေၚ်လၟေၚ် က္ညဂ္ၚေၚ်အာဒေသစာရိတ် ဍုၚ်ဝေသာလဳမ္ဂး စိုပ်ကၠုၚ်ဍုၚ်ဝေသာလဳတုဲ သ္ပဒတဴတန်ဒၟံၚ် ပ္ဍဲဘာပြာသာဒ်ဇၞော် မၞုံကဵုအထောဋ်သ္ၚိကၠတ် အပ္ဍဲဂြိုဟ်မဟာဝိုန် ဇရေၚ်ဍုၚ်ဝေသာလဳဂှ်ရ။ ပ္ဍဲအခိၚ်ဂှ် မၞိဟ်ဂမၠိုၚ် ကၠောန်သ္ပတဴကေၚ်ကာတၟိ ဗွဲမဒးရးအိုတ်ရ၊ ခမဳမသှ်ပတူ ကေၚ်ကာတၟိဂမၠိုၚ်လေဝ် ကၠောန်ၜိုတ်ဥပကာ နကဵုသ္ၚာ ပိဏ္ဍပါတ် ဘာ ဂဥုဲ မဒှ်ကြိယာဗာပၟၚ်ပၟဲ လမျီုမစှေ်စးကဵုယဲ ဗွဲမဒးရးအိုတ်ရ။
ပ္ဍဲအခိၚ်ဂှ် “မၞိဟ်ဂမၠိုၚ်ဝွံ ကၠောန်သ္ပတဴ ကေၚ်ကာတၟိ ဗွဲမဒးရးအိုတ်ရ၊ ကမၠောန်ပွဝွံ ကြက်ယုတ်သဝ် ဟွံသေၚ်ရ၊ အဲလေဝ် သ္ဂောံကၠောန်သ္ပတဴ ကေၚ်ကာတၟိမ္ဂး ခိုဟ်သန်ရ” ရဴဝွံ ကသပ်ဒှ်ကၠုၚ် ကုသၟာတၞိၚ်ဒိုက်ဂတ်မွဲတၠရ။ ပ္ဍဲအခိၚ်ဂှ် သၟာတၞိၚ်ဒိုက်ဂတ်ဂှ် အလဵုဇကု ချိုန်တိလၟက် စဳဍိုတ်ဂမၠိုၚ်တုဲ ကဵုဗ္ဒၚ်တိုန်ရ၊ ဗ္ဒၚ် သၟာတၞိၚ်ဒိုက်ဂတ် မဟွံဆိုက်ဗ္ဒက်ဒက်စဳလဝ်ဂှ် တ္ၚံက်ၜေဲတုဲ သရိုဟ်စှေ်ရ။ မရနုက်ကဵုၜါဝါလေဝ် ။ ပ ။ မရနုက်ကဵုပိဝါလေဝ် သၟာတၞိၚ်ဒိုက်ဂတ်ဂှ် အလဵုဇကု ချိုန်တိလၟက် စဳဍိုတ်ဂမၠိုၚ်တုဲ ကဵုဗ္ဒၚ်တိုန်ရ၊ ဗ္ဒၚ် သၟာတၞိၚ်ဒိုက်ဂတ် မဟွံဆိုက်ဗ္ဒက် ဒက်စဳလဝ်ဂှ် တ္ၚံက်ၜေဲတုဲ သရိုဟ်စှေ်ရ။ ပ္ဍဲအခိၚ်ဂှ် သၟာတၞိၚ်ဒိုက်ဂတ်ဂှ် “ညးဂမၠိုၚ်မကဵုဒါန် သ္ၚာ ပိဏ္ဍပါတ် ဘာ ဂဥုဲ မဒှ်ကြိယာဗာပၟၚ်ပၟဲ လမျီုမစှေ်စးကဵုယဲ ကုခမဳကောန်သၟိၚ်သကျဝၚ်ဂမၠိုၚ်ဂှ် ခမဳဂမၠိုၚ်ဝွံ ဒၠောံဗတောန်အိုတ်ရ၊ ဝေတ်စၞောန်အိုတ်ရ၊ ကေၚ်ကာတၟိညးဂမၠိုၚ်ဂှ်ဟေၚ် စဳရေၚ်အိုတ်ရ၊ အဲတုန် ဒှ်ညးဒိုက်ဂတ်ရ၊ ညးမမိက်ကဵုမွဲမွဲလေဝ် ဟွံဒၠောံဗတောန် ဟွံဝေတ်စၞောန်အဲရ၊ ကေၚ်ကာတၟိလေဝ် ဟွံစဳရေၚ်ရ” ရဴဝွံ ဟီုဂရိုဟ်ရ၊ ပျုတ်ဗ္ဒေက်ရ၊ ဟီုထ္ၜးဒုဟ်ရ။ ခမဳဂမၠိုၚ် ဂွံမိၚ်ကေတ် ဂလာန်သၟာတၞိၚ်ဒိုက်ဂတ် မဟီုဂရိုဟ်ပျုတ်ဗ္ဒေက် ဟီုထ္ၜးဒုဟ်ဂှ် အိုတ်ဟေၚ်ရ။ ပ္ဍဲအခိၚ်ဂှ် ခမဳဂမၠိုၚ်ဂှ် ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ၊ ပ္ဍဲအခိၚ်ဂှ် ဟိုတ်နူဟိုတ်အရာဝွံ တဳလမၞုံပိုဉ်ကျာ်တြဲ တွံကဵုဂလာန်ဓရ်တုဲမ္ဂး “ယွံခမဳတအ် ကဵုအခေါၚ် သွက်ဂွံကဵုကေၚ်ကာတၟိရ၊ ယွံခမဳတအ် ခမဳမရၚ်တၠုၚ်ကေၚ်ကာတၟိဂှ် မုရဴသာ်လဵု ဘာဂွံအာစိုပ်ဒတုဲ ဗွဲမပြဟ်ရော?” ရဴဝွံ ကြက်အာစိုပ် ပွမသ္ပဂဗုဓ်လွဳပရာရ။ ကြက်ဒးပဠေဝ်ပဠေတ် ဌာန်ကဝ်သကုတ် ဌာန်ထောၚ်ပြိုဟ်ရ။ ယွံခမဳတအ် ရဴဝွံဟေၚ် ဒးကဵုရ၊ ဗွဲကိုပ်ကၠာ သ္ဒးအာတ်ပါန် အခေါၚ်ခမဳရ၊ အာတ်ပါန်အခေါၚ်တုဲပ္ဍဲကြဴ ခမဳစဳကၠးဆိုက်ဗ္ဒက်တုဲ မၞုံကဵုအစောံ သတ္တိဂှ် သ္ဒးကဵုသၚ်တီရ။
၃၀၉။ “ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ ကမ်မၞုံကဵုအခိၚ်မဗဗွဲ ကုသၚ် ယဝ်ဒှ်မ္ဂး၊ သၚ် ကဵုကေၚ်ကာတၟိ ကုခမဳမၞုံယၟုဝွံ ဘာဒကာမၞုံယၟုဝွံရ၊ ဣဝွံတုန် ပွမကဵုတီရောၚ်။
ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ သၚ် ကဵုကေၚ်ကာတၟိ ကုခမဳမၞုံယၟုဝွံ ဘာဒကာမၞုံယၟုဝွံရ၊ ယြဴကုတဳလပိုဉ်မွဲ မၞုံကဵုပွမသ္ဍိုက် ပွမကဵုကေၚ်ကာတၟိ ကုခမဳ မၞုံယၟုဝွံ ဘာဒကာမၞုံယၟုဝွံရ၊ တဳလပိုဉ်ဂှ် သ္ဒးဒၟံၚ်သ္ၚိတ်သ္ၚိတ်ရ၊ ယြဴကုတဳလပိုဉ်မွဲ ဟွံမွဲကဵုပွမသ္ဍိုက်မၠိုက်ရ၊ တဳလပိုဉ်ဂှ် သ္ဒးဟီုတိုန်ရ။
သၚ် ဂပ်ဝ်ကဵုကေၚ်ကာတၟိ ကုခမဳမၞုံယၟုဝွံ ဘာဒကာမၞုံယၟုဝွံတုဲရ၊ ကုသၚ်ဂှ် မၞုံကဵုပွမသ္ဍိုက်မၠိုက်ရ၊ ဟိုတ်ဂှ်ရ ဒၟံၚ်ကၞပ်သ္ၚောံသ္ၚိတ်ဇြရ၊ နမဒၟံၚ်ကၞပ်သ္ၚောံသ္ၚိတ်ဇြရဴဝွံ ဂွံတီကေတ် ဒဒှ်မသ္ဍိုက်မၠိုက်ဂှ်ရ” ရဴဝွံ (သ္ဒးကဵုတီရ ရဴဝွံ သ္ဂးရ)။
====၆.၂.၃။ ကဵုအခေါၚ် မပတမ်ဒၞာဲကၠာတဲ====
၃၁၀။ ပ္ဍဲအခိၚ်ဂှ် တဳလမၞုံပိုဉ်ကျာ်တြဲ သ္ပဒတဴတန်ဒၟံၚ် ပ္ဍဲဍုၚ်ဝေသာလဳ ဗၞတ်မမိပ်လဟိၚ်တုဲမ္ဂး အတိုၚ်လၟေၚ်လၟေၚ် က္ညဂ္ၚေၚ်အာဒေသစာရိတ် ဍုၚ်သာရဝှ်ရ။ ပ္ဍဲအခိၚ်ဂှ် ခမဳကွး ပဒတဴဇရေၚ်ဂမၠိုၚ် ခမဳဆဗ္ဗဂ္ဂဳဂမၠိုၚ်ဂှ် အာနူဂတ နူဂတ သၚ်မၞုံပဓာန်ဍေံကျာ်တြဲတုဲ “ဘာသၞာသတိက်ဝွံ ကြက်ဒှ် သွက်ဥပဇ္ၛာယ်ဂမၠိုၚ် ပိုဲတအ်ရ၊ ဘာသၞာသတိက်ဝွံ ကြက်ဒှ်သွက်အ္စာဂမၠိုၚ် ပိုဲတအ်ရ၊ ဘာသၞာသတိက်ဝွံ ကြက်ဒှ်သွက်ပိုဲတအ်ရ” ရဴဝွံ သီဂိုၚ်ကေတ် ဘာသၞာသတိက် သၞာဒၟံၚ်ဂမၠိုၚ်အိုတ်ရ။
ပ္ဍဲအခိၚ်ဂှ် တဳလပိုဉ်သာရိပိုတ် အာတဴ နူလက်ကရဴ နူလက်ကရဴ သၚ်မၞုံပဓာန်ဍေံကျာ်တြဲတုဲ ဟိုတ်မသီဂိုၚ်ကေတ် ဘာသၞာသတိက် သၞာဒၟံၚ်ဂမၠိုၚ်တုဲဒှ်ဂှ်ရ ဟွံကလိဂွံ ဘာသၞာသတိက် သၞာဒၟံၚ်ဂမၠိုၚ်တုဲ ဂဇအ်ဒၟံၚ်ပ္ဍဲသၟဝ်တမ်ဆုမွဲရ။ ပ္ဍဲအခိၚ်ဂှ် တဳလမၞုံပိုဉ်ကျာ်တြဲ ပ္ဍဲအခိၚ်ဖလာၚ်ဂယးဗတမ်ဂှ် ဒၠိုက်ကတဵုတုဲ ခအေမ်ရ။ တဳလပိုဉ်သာရိပိုတ်လေဝ် ခအေမ်ရ၊ ပ္ဍဲဌာန် ညးလဵုမွဲရော? ရဴဝွံ (သၟာန်ရ)။ ယွံကျာ်မၞုံပိုဉ် အဲဍိက်သာရိပိုတ်ရ ရဴဝွံ (ဂရၚ်ပတီရ)။ ယွံသာရိပိုတ် မုဟိုတ် တၠအဲ ပဒတဴဒၟံၚ် ပ္ဍဲဒၞာဲဝွံရော? ရဴဝွံ (သၟာန်ရ)။ ပ္ဍဲအခိၚ်ဂှ် တဳလပိုဉ်သာရိပိုတ် ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲရ။ ပ္ဍဲအခိၚ်ဂှ် ဟိုတ်နူဟိုတ်အရာဝွံ တဳလမၞုံပိုဉ်ကျာ်တြဲ ကဵုဂကောံခမဳ ကောံဓရီုတုဲ ယွံခမဳတအ် ခမဳကွးပဒတဴ ဇရေၚ်ဂမၠိုၚ် ခမဳဆဗ္ဗဂ္ဂဳဂမၠိုၚ်ဂှ် အာနူဂတ နူဂတ သၚ်မၞုံပဓာန်ဍေံကျာ်တြဲတုဲ “ဘာသၞာသတိက်ဝွံ ကြက်ဒှ် သွက်ဥပဇ္ၛာယ်ဂမၠိုၚ် ပိုဲတအ်ရ၊ ဘာသၞာသတိက်ဝွံ ကြက်ဒှ်သွက်အ္စာဂမၠိုၚ် ပိုဲတအ်ရ၊ ဘာသၞာသတိက်ဝွံ ကြက်ဒှ်သွက်ပိုဲတအ်ရ” ရဴဝွံ သီဂိုၚ်ကေတ် ဘာသၞာသတိက် သၞာဒၟံၚ်ဂမၠိုၚ်အိုတ်ရ ဟီုဂှ် ဍာံပြဟာ” ရဴဝွံ စၟဳစၟတ်သၟာန်သၟုက် ခမဳဂမၠိုၚ်ရ။
ဍာံပြရ ယွံကျာ်မၞုံပိုဉ် ရဴဝွံ (ဂရၚ်ပတီအိုတ်ရ)။
တဳလမၞုံပိုဉ်ကျာ်တြဲ မပတၠပိုဉ်တြဴပြကာ ဟီုဂရိုဟ်ရ၊ ယွံခမဳတအ် တြုံမဒှ်လ္ၚုသၟး (နူမဂ်ဖိုလ်)ဂမၠိုၚ် အာနူဂတ နူဂတ သၚ်မၞုံပဓာန်ဍေံကျာ်တြဲတုဲ “ဘာသၞာသတိက်ဝွံ ကြက်ဒှ် သွက်ဥပဇ္ၛာယ်ဂမၠိုၚ် ပိုဲတအ်ရ၊ ဘာသၞာသတိက်ဝွံ ကြက်ဒှ်သွက်အ္စာဂမၠိုၚ် ပိုဲတအ်ရ၊ ဘာသၞာသတိက်ဝွံ ကြက်ဒှ်သွက်ပိုဲတအ်ရ” ရဴဝွံ မုဟိုတ် သီဂိုၚ်ကေတ် ဘာသၞာသတိက် သၞာဒၟံၚ်ဂမၠိုၚ်အိုတ်ရော?၊ ယွံခမဳတအ် (ပွခမဳဂမၠိုၚ်သ္ပဒးဝွံ) ကုညးဟွံလျုၚ်ဇြုၚ်သ္ဍိုက်ဂမၠိုၚ်ဏီ တၞဟ်နပွမကဵုလျုၚ်ဇြုၚ်သ္ဍိုက်ကီု ။ ပ ။ ဟီုဂရိုဟ်တုဲ ။ ပ ။ တွံကဵုဂလာန်ဓရ်တုဲမ္ဂး—
“ယွံခမဳတအ် မုရဴညးမွဲ ထေက်ကဵု ဒၞာဲကၠာတုဲ (က္ဍိုပ်ကၠာတဲ) ဍာ်ကၠာတဲ ပိဏ္ဍပါတ်ကၠာတဲရော?” ရဴဝွံ သၟာန်ခမဳဂမၠိုၚ်ရ၊ ခမဳလ္ၚဵုဂှ် “ယွံကျာ်မၞုံပိုဉ် ညးမသ္ပခမဳ နူဂကူသၟိၚ်ဂှ် ထေက်ကဵု ဒၞာဲကၠာတုဲ ဍာ်ကၠာတဲ ပိဏ္ဍပါတ်ကၠာတဲဂမၠိုၚ်ရ” ရဴဝွံ ဂရၚ်ပတီအိုတ်ရ။
ခမဳဂမၠိုၚ်လ္ၚဵုဂှ် “ယွံကျာ်မၞုံပိုဉ် ညးမသ္ပခမဳ နူဂကူဗၞးဂှ် ထေက်ကဵု ဒၞာဲကၠာတုဲ ဍာ်ကၠာတဲ ပိဏ္ဍပါတ်ကၠာတဲဂမၠိုၚ်ရ” ရဴဝွံ ဂရၚ်ပတီအိုတ်ရ။
ခမဳဂမၠိုၚ်လ္ၚဵု “ယွံကျာ်မၞုံပိုဉ် ညးမသ္ပခမဳ နူဂကူသမ္ၚေဟ်ဂှ် ထေက်ကဵု ဒၞာဲကၠာတုဲ ဍာ်ကၠာတဲ ပိဏ္ဍပါတ်ကၠာတဲဂမၠိုၚ်ရ” ရဴဝွံ ဂရၚ်ပတီအိုတ်ရ။
ခမဳဂမၠိုၚ်လ္ၚဵုဂှ် “ယွံကျာ်မၞုံပိုဉ် ခမဳ မပကၚ်ရၚ်သုတ်ဂှ် ထေက်ကဵု ဒၞာဲကၠာတုဲ ဍာ်ကၠာတဲ ပိဏ္ဍပါတ်ကၠာတဲဂမၠိုၚ်ရ” ရဴဝွံ ဂရၚ်ပတီအိုတ်ရ။
ခမဳဂမၠိုၚ်လ္ၚဵုဂှ် “ယွံကျာ်မၞုံပိုဉ် ခမဳမပကၚ်ရၚ်ဝိနယ်ဂှ် ထေက်ကဵု ဒၞာဲကၠာတုဲ ဍာ်ကၠာတဲ ပိဏ္ဍပါတ်ကၠာတဲဂမၠိုၚ်ရ” ရဴဝွံ ဂရၚ်ပတီအိုတ်ရ။
ခမဳဂမၠိုၚ်လ္ၚဵုဂှ် “ယွံကျာ်မၞုံပိုဉ် ခမဳဓမ္မကထိုက်ဂှ် ထေက်ကဵု ဒၞာဲကၠာတုဲ ဍာ်ကၠာတဲ ပိဏ္ဍပါတ်ကၠာတဲဂမၠိုၚ်ရ” ရဴဝွံ ဂရၚ်ပတီအိုတ်ရ။
ခမဳဂမၠိုၚ်လ္ၚဵုဂှ် “ယွံကျာ်မၞုံပိုဉ် ခမဳကလိဂွံပဌမၛာန်ဂှ် ထေက်ကဵု ဒၞာဲကၠာတုဲ ဍာ်ကၠာတဲ ပိဏ္ဍပါတ်ကၠာတဲဂမၠိုၚ်ရ” ရဴဝွံ ဂရၚ်ပတီအိုတ်ရ။
ခမဳဂမၠိုၚ်လ္ၚဵုဂှ် “ယွံကျာ်မၞုံပိုဉ် ခမဳကလိဂွံဒုတိယၛာန်ဂှ် ထေက်ကဵု ဒၞာဲကၠာတုဲ ဍာ်ကၠာတဲ ပိဏ္ဍပါတ်ကၠာတဲဂမၠိုၚ်ရ” ရဴဝွံ ဂရၚ်ပတီအိုတ်ရ။
ခမဳဂမၠိုၚ်လ္ၚဵုဂှ် “ယွံကျာ်မၞုံပိုဉ် ခမဳကလိဂွံတတိယၛာန်ဂှ် ထေက်ကဵု ဒၞာဲကၠာတုဲ ဍာ်ကၠာတဲ ပိဏ္ဍပါတ်ကၠာတဲဂမၠိုၚ်ရ” ရဴဝွံ ဂရၚ်ပတီအိုတ်ရ။
ခမဳဂမၠိုၚ်လ္ၚဵုဂှ် “ယွံကျာ်မၞုံပိုဉ် ခမဳကလိဂွံစတုတ္ထၛာန်ဂှ် ထေက်ကဵု ဒၞာဲကၠာတုဲ ဍာ်ကၠာတဲ ပိဏ္ဍပါတ်ကၠာတဲဂမၠိုၚ်ရ” ရဴဝွံ ဂရၚ်ပတီအိုတ်ရ။
ခမဳဂမၠိုၚ်လ္ၚဵုဂှ် “ယွံကျာ်မၞုံပိုဉ် ခမဳသောတာပန်ဂှ် ထေက်ကဵု ဒၞာဲကၠာတုဲ ဍာ်ကၠာတဲ ပိဏ္ဍပါတ်ကၠာတဲဂမၠိုၚ်ရ” ရဴဝွံ ဂရၚ်ပတီအိုတ်ရ။
ခမဳဂမၠိုၚ်လ္ၚဵုဂှ် “ယွံကျာ်မၞုံပိုဉ် ခမဳသကဒါဂါမ်ဂှ် ။ ပ ။
ခမဳအနာဂါမ်ဂှ် ။ ပ ။
ယွံကျာ်မၞုံပိုဉ် ခမဳသောတာပန်ဂှ် ထေက်ကဵု ဒၞာဲကၠာတုဲ ဍာ်ကၠာတဲ ပိဏ္ဍပါတ်ကၠာတဲဂမၠိုၚ်ရ” ရဴဝွံ ဂရၚ်ပတီအိုတ်ရ။
ခမဳဂမၠိုၚ်လ္ၚဵုဂှ် “ယွံကျာ်မၞုံပိုဉ် ခမဳတၠအရှန် မကလိဂွံဝိဇ္ဇာပိပြကာဂှ် ထေက်ကဵု ဒၞာဲကၠာတုဲ ဍာ်ကၠာတဲ ပိဏ္ဍပါတ်ကၠာတဲဂမၠိုၚ်ရ” ရဴဝွံ ဂရၚ်ပတီအိုတ်ရ။
ခမဳဂမၠိုၚ်လ္ၚဵုဂှ် “ယွံကျာ်မၞုံပိုဉ် ခမဳတၠအရှန် မကလိဂွံအဘိဉာဏ်တြဴပြကာဂှ် ထေက်ကဵု ဒၞာဲကၠာတုဲ ဍာ်ကၠာတဲ ပိဏ္ဍပါတ်ကၠာတဲဂမၠိုၚ်ရ” ရဴဝွံ ဂရၚ်ပတီအိုတ်ရ။
၃၁၁။ ပ္ဍဲအခိၚ်ဂှ် တဳလမၞုံပိုဉ်ကျာ်တြဲဂှ် “ယွံခမဳတအ်ဂှ် ကေၚ်ဒှ်ကၠုၚ်ပ္ဍဲကိုပ်ကၠာတေံတုန် ပ္ဍဲဌာန်ဟိမဝန် တၞံဇြဲသုမ်ဇၞော် နွံရ။ နိဿယ်ဗ္ဒာဲကဵု တၞံဇြဲသုမ်ဇၞော်ဂှ်တုဲ မိတ်သဟာဲဂမၠိုၚ်ပိတၠ မတွံဂး သဝ်ရဝကာ်(အကာပ်), ကၞုဲ, စိၚ် ပဒတဴဒၟံၚ်အိုတ်ရ။
မိတ်သဟာဲဂမၠိုၚ်ဂှ် သီုဟွံရှေ်သှေ်ရဴဂဴ သီုဟွံဇအ်သဝ်အောပ်မာ သီုမၞုံကဵုသဘဴ ပွမဂယိုၚ်လမျီု ဟွံတုပ်သၟဟ် ရၚ်သကအ်ဂမၠိုၚ်ဂှ် ပဒတဴဒၟံၚ်အိုတ်ရ။ ယွံခမဳတအ် ကုမိတ်သဟာဲဂမၠိုၚ်—
ပၞောဝ်ကဵုပိုဲညးဂမၠိုၚ် ဂွံတီကေတ် ညးအာယုက်ဇၞော်အိုတ်မ္ဂး ခိုဟ်သန်ရ၊ ညးဂှ် ပိုဲညးဂမၠိုၚ် ရှေ်သှေ်ရဴဂဴအိုတ်ရ၊ သ္ပအဲပရဲအိုတ်ရ၊ သၞေံသၞဴအိုတ်ရ၊ ပ္ဍဲဒၠောံဗတောန် ညးဂှ်လေဝ် တန်တဴအိုတ်ရ” ရဴဝွံ ကသပ်ဒှ်ကၠုၚ်ရ။
ယွံခမဳတအ် ပ္ဍဲအခိၚ်ဂှ် သဝ်ရဝကာ် ကေုာံကၞုဲဂမၠိုၚ်ဂှ် “ယွံမိတ်သဟာဲ မုရဴဟိုတ်ပရူပရာ တြေံကၠာတဲမွဲ တၠအဲ သမ္တီဒးရော?” ရဴဝွံ သၟာန်စိၚ်အိုတ်ရ။
ယွံမိတ်သဟာဲတအ် ပ္ဍဲအခိၚ် ဃောအဲဍောတ်သွတ်တေံ တၞံဇြဲသုမ်ဝွံ စွံပ္ဍဲအကြာဒဳဂမၠိုၚ်တုဲ ဂါမ်လောန်အာရ၊ တၞုၚ်ကၟဝ်ဂှ် လုက်စုက်ဒးဗုၚ်အဲရ၊ ယွံမိတ်သဟာဲတအ် ဟိုတ်ပရူပရာ တြေံကၠာတဲဝွံ အဲသမ္တီဒးရ ရဴဝွံ သ္ဂးရ။
ယွံခမဳတအ် ပ္ဍဲအခိၚ်ဂှ် သဝ်ရဝကာ် ကေုာံစိၚ်ဂမၠိုၚ်ဂှ် “ယွံမိတ်သဟာဲ မုရဴဟိုတ်ဂရူပရာ တြေံကၠာတဲမွဲ တၠအဲ သမ္တီဒးရော?” ရဴဝွံ သၟာန်ကၞုဲအိုတ်ရ။
ယွံမိတ်သဟာဲတအ် ပ္ဍဲအခိၚ် ဃောအဲဍောတ်သွတ်တေံ ဂဇအ်ပ္ဍဲတိတုဲ ကိတ်ဍေက်စတၞုၚ်ကၟဝ်ဇြဲသုမ်ဝွံရ၊ ယွံမိတ်သဟာဲတအ် ဟိုတ်ပရူပရာတြေံကၠာတဲဝွံ အဲသမ္တီဒးရ ရဴဝွံ သ္ဂးရ။
ယွံခမဳတအ် ပ္ဍဲအခိၚ်ဂှ် ကၞုဲကေုာံစိၚ်ဂမၠိုၚ်ဂှ် “ယွံမိတ်သဟာဲ မုရဴဟိုတ်ပရူပရာတြေံကၠာတဲမွဲ တၠအဲ သမ္တီဒးရော?” သၟာန်သဝ်ရဝကာ်အိုတ်ရ။
ယွံမိတ်သဟာဲ ပ္ဍဲဌာန်မၞုံယၟုဝွံ တၞံဇြဲသုမ် ဇၞော် နွံရ၊ အဲ စနၚ်သတ်ဇြဲ နူဌာန်ဂှ်တုဲ ကၞေအ်စုတ် ပ္ဍဲဌာန်ဝွံရ၊ ဟိုတ်နူမဗဳဇသတ်ဂှ် တၞံဇြဲသုမ်ဝွံ ကတဵုဒှ်ကၠုၚ်ရ၊ ယွံမိတ်သဟာဲတအ် ဟိုတ်ဂှ်ရ အဲ အာယုက်ဇၞော်အိုတ်ရ ရဴဝွံ သ္ဂးရ။
ယွံခမဳတအ် ပ္ဍဲအခိၚ်ဂှ် ကၞုဲကေုာံစိၚ်ဂမၠိုၚ်ဂှ် “ယွံမိတ်သဟာဲ တၠအဲ ဒှ်ညးအာယုက်ဇၞော်လတူပိုဲညးဂမၠိုၚ်ရ၊ ပိုဲညးဂမၠိုၚ် ရှေ်သှေ်ရဴဂဴ တၠအဲအိုတ်ရ၊ ပအဲပရဲအိုတ်ရ၊ သၞေံသၞဴအိုတ်ရ၊ ပူဇဴအိုတ်ရ၊ ပိုဲညးဂမၠိုၚ် တန်တဴဒၠောံဗတောန် တၠအဲအိုတ်ရ” ရဴဝွံ သ္ဂးကဵု သဝ်ရဝကာ်အိုတ်ရ။
ယွံခမဳတအ် ပ္ဍဲအခိၚ်ဂှ် သဝ်ရဝကာ်ဂှ် ကဵုကၞုဲကေုာံစိၚ်ဂမၠိုၚ် တန်တဴပ္ဍဲသဳမသုန်ဂမၠိုၚ်ရ၊ အလဵုဇကုလေဝ် တန်တဴပ္ဍဲသဳမသုန်ဂမၠိုၚ်တုဲ ဒ္ဂေတ်ရ၊ ညးဂမၠိုၚ်ဂှ် သီုမၞုံကဵုပွမရှေ်သှေ်ရဴဂဴ ပွမဇအ်သဝ်အောပ်အာ မၞုံကဵုသဘဴပွမဂယိုၚ်လမျီုတုပ်သၟဟ် ရၚ်သကအ်ဂမၠိုၚ်ဂှ် ပဒတဴဒၟံၚ်အိုတ်တုဲ ခန္ဓဇကုလီုလာ်တုဲ ပ္ဍဲကြဴချိုတ်တုဲဂှ် ပြာပ်အာစိုပ်ဍုၚ်သွဝ် မဒှ်ဒၞာဲလအာဂတိခိုဟ်ဆာဲအိုတ်ရ။
ယွံခမဳတအ် ဒ္ဂေတ်မပြဲမၞုံယၟုမ္ဂး ဒ္ဂေတ်သဝ်ရဝကာ်ဂမၠိုၚ်မတွံဂး “ဍိုဟ်ကေက်ဆိုက်ဗ္ဒက်ပ္ဍဲဓရ်တုဲ မၞိဟ်မရှေ်သှေ်ရဴဂဴ ညးဇၞော်ဂမၠိုၚ်ဂှ် ပ္ဍဲဘဝမတ်လေဝ် ဂွံဒုၚ်ထိုၚ်သးအိုတ်ရ၊ ပ္ဍဲဘဝပရလိုက်လေဝ် မၞုံကဵုဂတိခိုဟ်ဆာဲအိုတ်ရ” ဝွံ ဒှ်တဴရ။
ယွံခမဳတအ် သတ်ဂမၠိုၚ်မဒှ်တိရစ္ဆာန်ဂှ်လေဝ် သီုမၞုံကဵုပွမရှေ်သှေ်ရဴဂဴ ပွမဇအ်သဝ်အောပ်မာ မၞုံကဵုသဘဴပွမဂယိုၚ်လမျီုတုပ်သၟဟ် ရၚ်သကအ်ဂှ် ပဒတဴဒၟံၚ်အိုတ်ဏီရ။
ယွံခမဳတအ် မၞးတအ်ညးဂမၠိုၚ် သီုမပခမဳ ပ္ဍဲဓမ္မဝိနယ မဂပ်ဝ်တွံလဝ်ဗွဲမဒးရး ရဴဝွံအိုတ်ဂှ် ပွမပဒတဴ သီုဟွံရှေ်သှေ်ရဴဂဴ သီုဟွံဇအ်သဝ်အောပ်မာ သီုမၞုံကဵုသဘဴပွမဂယိုၚ်လမျီု ဟွံတုပ်သၟဟ်ရၚ်သကအ်ဂှ် ဂေါဝ်ဆာဲညိဟာ။
ယွံခမဳတအ် (ပွခမဳဂမၠိုၚ် သ္ပဒးဝွံ) ကုညးဟွံလျုၚ်ဇြုၚ်သ္ဍိုက်ဂမၠိုၚ်ဏီ တၞဟ်နပွမကဵုလျုၚ်ဇြုၚ်သ္ဍိုက်ကီု ။ ပ ။ ဟီုဂရိုဟ်တုဲ ။ ပ ။ တွံကဵုဂလာန်ဓရ်တုဲမ္ဂး—
“ယွံခမဳတအ် အတိုၚ်လၟေၚ်ညးဇၞော် ကဵုအခေါၚ် ပွမလ္ၚောဝ် ပွမဒစးဒုၚ်တၠုၚ်တရဴ ပွမပၚ်ခၠအ်သၟိက်တဲ ပွမသ္ပရှေ်သှေ်ရဴဂဴ ဒၞာဲကၠာတုဲ ဍာ်ကၠာတဲ ပိဏ္ဍပါတ်ကၠာတဲဂမၠိုၚ်ရ၊ ယွံခမဳတအ် ဒြပ်သၚ်ဂှ် ဟဂပ်ဝ်ဆေဝ်ဒဝ် အတိုၚ်လၟေၚ်ညးဇၞော်ရ၊ ကုခမဳမဆေဝ်ဒဝ်ဂှ် ဒးအာပတ်ဒုက္ကဋ်ရ” ရဴဝွံ သ္ဂးကဵုခမဳဂမၠိုၚ်ရ။
====၆.၂.၄။ မပတမ်ပူဂိုလ်ဟွံထေက်ကဵုလ္ၚောဝ်====
၃၁၂။ ယွံခမဳတအ် ပူဂိုလ်ဟွံထေက်ကဵုလ္ၚောဝ်ဂမၠိုၚ် ဣဝွံစှ်တၠဂမၠိုၚ်ရ။ ညးမဒှ်ပယျၚ်ကိုပ်ကၠာဂှ် ဟဂပ်ဝ်လ္ၚောဝ် ညးဒှ်ပယျၚ်နူလက်ကရဴရ၊ ဟဂပ်ဝ်လ္ၚောဝ် ခရှ် သာမဏဳရ၊ ဟဂပ်ဝ်လ္ၚောဝ် ခမဳဇၞော်နာနာသံဝါသက အဓမ္မဝါဒဳရ၊ ဟဂပ်ဝ်လ္ၚောဝ် မာတုဂါမ်ရ၊ ဟဂပ်ဝ်လ္ၚောဝ် ခမၞုဲရ၊ ဟဂပ်ဝ်လ္ၚောဝ် ခမဳပဒတဴပြဝးရ၊ ဟဂပ်ဝ်လ္ၚောဝ် ခမဳမထေက်ကဵုတံၚ်ဓဇက်တမ်ရ၊ ဟဂပ်ဝ်လ္ၚောဝ် ခမဳမထေက်ကဵုတၞဟ်နကဵုမာနတ်ရ၊ ဟဂပ်ဝ်လ္ၚောဝ် ခမဳဃောဒ္ဂေတ်မာနတ်ရ၊ ဟဂပ်ဝ်လ္ၚောဝ် ခမဳထေက်ကဵုကော်ပၠုပ်အဗ္ဘာန်ရ။ ယွံခမဳတအ် ပူဂိုလ်ဟွံထေက်ကဵုလ္ၚောဝ်ဂမၠိုၚ်တုန် ဣဝွံစှ်တၠဂမၠိုၚ်ရ။
ယွံခမဳတအ် ပူဂိုလ်မထေက်ကဵုလ္ၚောဝ်ဂမၠိုၚ် ဣဝွံပိတၠဂမၠိုၚ်ရ။ ညးမဒှ်ပယျၚ်နူလက်ကရဴဂှ် ထေက်ကဵုလ္ၚောဝ် ညးဒှ်ပယျၚ်ကိုပ်ကၠာရ၊ ထေက်ကဵုလ္ၚောဝ် ခမဳဇၞော်နာနာသံဝါသကဓမ္မဝါဒဳရ၊ ယွံခမဳတအ် ပ္ဍဲလိုက်သွဝ် မဒှ်မွဲဟာန်ကေုာံဒေဝတဴ ဒေဝတဴမာရ် ဗြီုဂမၠိုၚ် ကေုာံလိုက်မၞိဟ် မဒှ်မွဲဟာန်ကေုာံသမဏ ဗြာဟ္မဏသၟိၚ်မဂၠိုၚ်မၞိဟ်မဂၠိုၚ်ဝွံ ထေက်ကဵုလ္ၚောဝ်ကျာ်တြဲမထေက်ဒုၚ်ပူဇဴတၟေၚ် မက္ညကၠုၚ်တုပ်သၟဟ် ကေုာံကျာ်တမၠာဂမၠိုၚ်ရ။ ယွံခမဳတအ် ပူဂိုလ်မထေက်ကဵုလ္ၚောဝ်ဂမၠိုၚ်တုန် ဣဝွံပိတၠဂမၠိုၚ်ရ။
====၆.၂.၅။ ပါဲကၠေံ ပွမဆေဝ်ဒဝ်သၞာ====
၃၁၃။ ပ္ဍဲအခိၚ်ဂှ် မၞိဟ်ဂမၠိုၚ် ရန်တၟအ်ကဵုသၚ်တုဲ စဳရေၚ်တဴ ကၞာထးဂမၠိုၚ်အိုတ်ရ၊ စဳရေၚ်တဴ သၞာလးဂမၠိုၚ်အိုတ်ရ၊ စဳရေၚ်တဴ ဒၞာဲဂမၠိုၚ်အိုတ်ရ၊ ခမဳကွးပဒတဴဇရေၚ်ဂမၠိုၚ် ခမဳဆဗ္ဗဂ္ဂဳဂမၠိုၚ်ဂှ် “တဳလမၞုံပိုဉ်ကျာ်တြဲဂှ် ဒြပ်သၚ်ဟေၚ် ကဵုအခေါၚ် အတိုၚ်လၟေၚ်ညးဇၞော်ရ၊ ရန်တၟအ်တုဲမသ္ပဂှ် ဟွံကဵုအခေါၚ်ရ” ရဴဝွံ အာနူဂတ နူဂတ သၚ်မၞုံပဓာန်ဍေံကျာ်တြဲတုဲ “မပတမ် ကၞာထးဝွံ ကြက်ဒှ် သွက်ဥပဇ္ၛာယ်ဂမၠိုၚ် ပိုဲတအ်ရ၊ မပတမ်ကၞာထးဝွံ ကြက်ဒှ်သွက်အ္စာဂမၠိုၚ် ပိုဲတအ်ရ၊ မပတမ်ကၞာထးဝွံ ကြက်ဒှ်သွက်ပိုဲတအ်ရ” ရဴဝွံ ကၞာထးသၞာလးဒၞာဲဒၟံၚ်ဂမၠိုၚ်လေဝ် သီဂိုၚ်ကေတ်အိုတ်ရ။
ပ္ဍဲအခိၚ်ဂှ် တဳလပိုဉ်သာရိပိုတ် အာနူလက်ကရဴ နူလက်ကရဴ သၚ်မၞုံပဓာန်ဍေံကျာ်တြဲမ္ဂး ဟိုတ်မသီဂိုၚ်ကေတ် ကၞာထးသၞာလးဒၞာဲဒၟံၚ်ဂမၠိုၚ်တုဲဒှ်ဂှ်ရ ဟွံကလိဂွံဒၞာဲဒၟံၚ်တုဲ ဂဇအ်ဒၟံၚ် ပ္ဍဲသၟဝ်တမ်ဆုမွဲရ။ ပ္ဍဲအခိၚ်ဂှ် တဳလမၞုံပိုဉ်ကျာ်တြဲ ပ္ဍဲဖလာၚ်ဂယး ဗတမ်ဂှ် ဒၠိုက်ကတဵုတုဲ ခအေမ်ရ။ တဳလပိုဉ်သာရိပိုတ်လေဝ် ခအေမ်ရ၊ ပ္ဍဲဌာန်ညးလဵုမွဲရော? ရဴဝွံ (သၟာန်ရ)။ ယွံကျာ်မၞုံပိုဉ် အဲဍိက်သာရိပိုတ်ရ ရဴဝွံ (ဂရၚ်ပတီရ)။ ယွံသာရိပိုတ် မုဟိုတ် တၠအဲ ပဒတဴဒၟံၚ် ပ္ဍဲဒၞာဲဝွံရော? ရဴဝွံ (သၟာန်ရ)။ ပ္ဍဲအခိၚ်ဂှ် တဳလပိုဉ်သာရိပိုတ် ဂရၚ်ပတီ ဟိုတ်ပရူပရာဝွံ ကုတဳလပိုဉ်ကျာ်တြဲရ။ ပ္ဍဲအခိၚ်ဂှ် ဟိုတ်နူဟိုတ်အရာဝွံတုဲ တဳလမၞုံပိုဉ်ကျာ်တြဲ ကဵုဂကောံခမဳ ကောံဓရီုတုဲ “ယွံခမဳတအ် ခမဳကွးပဒတဴဇရေၚ်ဂမၠိုၚ် ခမဳဆဗ္ဗဂ္ဂဳဂမၠိုၚ်ဂှ် “တဳလမၞုံပိုဉ်ကျာ်တြဲဂှ် ဒြပ်သၚ်ဟေၚ် ကဵုအခေါၚ် အတိုၚ်လၟေၚ်ညးဇၞော်ရ၊ ရန်တၟအ်တုဲမသ္ပဂှ် ဟွံကဵုအခေါၚ်ရ” ရဴဝွံ အာနူဂတ နူဂတ သၚ်မၞုံပဓာန်ဍေံကျာ်တြဲတုဲ “မပတမ် ကၞာထးဝွံ ကြက်ဒှ် သွက်ဥပဇ္ၛာယ်ဂမၠိုၚ် ပိုဲတအ်ရ၊ မပတမ်ကၞာထးဝွံ ကြက်ဒှ်သွက်အ္စာဂမၠိုၚ် ပိုဲတအ်ရ၊ မပတမ်ကၞာထးဝွံ ကြက်ဒှ်သွက်ပိုဲတအ်ရ” ရဴဝွံ သီဂိုၚ်ကေတ် ကၞာထးသၞာလးဒၞာဲဒၟံၚ်ဂမၠိုၚ်အိုတ်ရ ဟီုဂှ် ဍာံပြဟာ” ရဴဝွံ စၟဳစၟတ်သၟာန်သၟုက် ခမဳဂမၠိုၚ်ရ။ ဍာံပြရ ယွံကျာ်မၞုံပိုဉ် ရဴဝွံ (ဂရၚ်ပတီအိုတ်ရ) ။ ပ ။ ဟီုဂရိုဟ်တုဲ ။ ပ ။ တွံကဵုဂလာန်ဓရ်တုဲမ္ဂး—
ယွံခမဳတအ် ရန်တၟအ်တုဲမသ္ပဂှ်လေဝ် ဟဂပ်ဝ်ဆေဝ်ဒဝ် အတိုၚ်လၟေၚ်ညးဇၞော်ရ၊ ကုခမဳမဆေဝ်ဒဝ်ဂှ် ဒးအာပတ်ဒုက္ကဋ်ရ” ရဴဝွံ သ္ဂးကဵုခမဳဂမၠိုၚ်ရ။
====၆.၂.၆။ ကဵုအခေါၚ်ဒြပ်ခရှ်ဂမၠိုၚ်====
၃၁၄။ ပ္ဍဲအခိၚ်ဂှ် မၞိဟ်ဂမၠိုၚ် ပ္ဍဲဘာရုၚ်ကဵုပိုဉ်အပ္ဍဲကွာန် လးလဝ်သၞာမသၠုၚ် သၞာမပြဲဂမၠိုၚ်အိုတ်ရ။ သၞာဂမၠိုၚ်တုန် ညးဍေံအိုတ်ရော?— ဇံၚ်မၞုံကဵုဇိုၚ်မဂၠိၚ် နူဗၞတ်ဗ္ၜတ်ဒ္စံါလပုဟ်တဲကျာ်၊ ပၞၚ်မၞုံကဵုရုပ်သတ်ဒမြိုဟ်ပ္ဍဲဇိုၚ် ခေါဇဴဇၞော် မၞုံကဵုတသော်မဂၠိၚ် လတူနူပန်လပုဟ်၊ သၞာတသော်သတ် မစိစောန်လဝ် ရုပ်သတ်ဒမြိုဟ်၊ သၞာတသော်သတ်သာ်ဗု၊ သၞာလး မဂပ်ဝ်ခၞံကၠောန်လဝ် နကဵုတသော်သတ် မၞုံကဵုဍောၚ်ပ္ကဴ မစောန်ပြံက်တဴ၊ သၞာလးမပြိုက်လဝ်ချဵု၊ သၞာလးတသော်သတ် မၞုံကဵုရုပ်တၟေၚ်တၟဟ်၊ သၞာလးတသော်သတ် မၞုံကဵုတသာဲၜါလပါ်၊ သၞာလးတသော်သတ် မၞုံကဵုတသာဲမွဲလပါ်၊ သၞာလး မတုတ်လဝ် နကဵုတောဝ်သုတ် မဇိၚ်ကၞတ်လဝ် နတောဝ်ထဝ်၊ သၞာလးပၠုပ်လဝ် တောဝ်သုတ် ပ္ဍဲအကြာတော်ထဝ်တုဲ မဂပ်ဝ်တုတ်လဝ်၊ သၞာလးတသော်သတ်မဇၞော် ဗြဴသၟာလှေ်စှ်တြဴ ဒတူတုဲ လှေ်ရုမ်ဂပ်၊ သၞာလးစးစိၚ်၊ သၞာလးစးချေံ၊ သၞာလးကွဳ၊ သၞာလးမဇိၚ်လဝ် နကဵုစၞာံဗြန် ၜါပိထပ် မသၟဟ်ကေုာံဗၞတ်ဇံၚ်၊ သၞာလးမပြဲ မကၠောန်လဝ် နကဵုစၞာံဒြာဲစၟဝ်၊ သၞာမၞုံကဵုဂၞဳက္ဍိုပ် ဂၞဳဇိုၚ်ၜါလပါ် မဒှ်မွဲဟာန်ကေုာံသၠဖ္ဍာန်ဗကေတ်တအ်ရောၚ်။
ခမဳဂမၠိုၚ် မၞုံကဵု ‘သံသယကုက္ကုစ္စ’ ပွမချပ်သၠေဟ်ပၟာဟွံဂပ်ဝ်ဂမၠိုၚ်ဒှ်တုဲ ဟွံဂဇအ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲရ၊ ယွံခမဳတအ် ဇံၚ်ဂတဵု မၞုံကဵုဇိုၚ်မဂၠိၚ်ကီု ပလ္လၚ်ကီု သၞာပြိုက်ချဵုကီု ပါဲကၠေံပိဂကူဂမၠိုၚ်ဝွံတုဲ ကဵုအခေါၚ် သွက်ဂွံဂဇအ် သၞာလးမဒှ်ဂြပ်ခရှ်ဂမၠိုၚ်ရ၊ သွက်ဂွံတိက်ဂှ်တုန် ဟွံကဵုအခေါၚ်ရ ရဴဝွံ (သ္ဂးရ)။
ပ္ဍဲအခိၚ်ဂှ် မၞိဟ်ဂမၠိုၚ် ပ္ဍဲဘာရုၚ်ကဵုပိုဉ်အပ္ဍဲကွာန် လးလဝ်ဇံၚ်ကီု ဂတဵုကီု မကွိၚ်ဂြောပ်လဝ် ချဵုအိုတ်ရ၊ ခမဳဂမၠိုၚ် မၞုံကဵု ‘သံသယကုက္ကုစ္စ’ ပွမချပ်သၠေပ်ပၟာဟွံဂပ်ဝ်ဂမၠိုၚ်ဒှ်တုဲ ဟွံဂဇအ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲရ။ ယွံခမဳတအ် ကဵုအခေါၚ် သွက်ဂွံဂဇအ် ဇံၚ်ဂတဵု မဒှ်ဒြပ်ခရှ်ဂမၠိုၚ်ရ၊ သွက်ဂွံတိက်ဂှ်တုန် ဟွံကဵုအခေါၚ်ရ ရဴဝွံ (သ္ဂးရ)။
====၆.၂.၇။ အနုမောဒနာ ဗလးဘာဇေတဝန်====
၃၁၅။ ပ္ဍဲအခိၚ်ဂှ် တဳလမၞုံပိုဉ်ကျာ်တြဲ အတိုၚ်လၟေၚ်လၟေၚ် က္ညဂ္ၚေၚ်ဒေသစာရိတ်မ္ဂး စိုပ်ကၠုၚ် ဍုၚ်သာရဝှ်ရ၊ တဳလမၞုံပိုဉ်ကျာ်တြဲ သ္ပဒတဴတန်ဒၟံၚ် ပ္ဍဲဘာဇေတဝန် မဒှ်အာရှာမ် အနာထပိဏ္ဍိကသေဌဳ ဇရေၚ်ဍုၚ်သာရဝှ်ဂှ်ရ။ ပ္ဍဲအခိၚ်ဂှ် အနာထပိဏ္ဍိကသေဌဳ ပြာပ်အာဇရေၚ် တဳလမၞုံပိုဉ်ကျာ်တြဲတုဲ လ္ၚောဝ်သ္ပဝတ်တုဲမ္ဂး သီုမဂဇအ်ဒၟံၚ်ပ္ဍဲဒၞာဲမွဲဂှ် “ယွံတဳလပိုဉ် သွက်တ္ၚဲယးတေံ တဳလမၞုံပိုဉ်ကျာ်တြဲ မွဲဟာန်ကေုာံခမဳသၚ် ဩဝ်ဒုၚ်တဲ ပိဏ္ဍပါတ် အဲဍိက်ညိ” ရဴဝွံ ဂရၚ်ပတီရ၊ တဳလမၞုံပိုဉ်ကျာ်တြဲဂှ် နမမံၚ်ထောံသ္ၚိတ်သ္ၚိတ်ဂှ် ဒုၚ်ကေတ်တဲရ၊ ပ္ဍဲအခိၚ်ဂှ် အနာထပိဏ္ဍိကသေဌဳ တီကေတ် တဳလမၞုံပိုဉ်ကျာ်တြဲ ဒုၚ်တဲတုဲ ဒလိုက်ကတဵုနူဒၞာဲလ္ၚောဝ်သ္ပဝတ် တဳလမၞုံပိုဉ်ကျာ်တြဲ သ္ပရှေ်သှေ်ရဴဂဴတုဲမ္ဂး ပါဲစ္ဍးအာရ။
ကြဴနူဂှ် အနာထပိဏ္ဍိကသေဌဳဂှ် ဗတမ်ဂှ်လောန်ၜက်အာတုဲ ကဵုစဳရေၚ်စၞအာဟာရ ဘောဇိုန်မပြဲပြဲ ပ္ဍဲသ္ၚိဇကုတုဲ ‘တဳလမၞုံပိုဉ် ဒးအခိၚ်ရ၊ ပဠေဝ်ပဠေတ်ပိဏ္ဍပါတ်တုဲရ’ ရဴဝွံ ကဵုဂရၚ်ပတီ ဒးအခိၚ်ကဵုပိုဉ် ကုတဳလမၞုံပိုဉ်ကျာ်တြဲရ။
ပ္ဍဲအခိၚ်ဂှ် တဳလမၞုံပိုဉ်ကျာ်တြဲ ပ္ဍဲအခိၚ်နူဂယး ဗိုက်ပဠေဝ်ပဠေတ်သ္ၚာတုဲ သီုမထ္ၜဂိုၚ်ရပ်ကေတ်ဗဗေၚ်သ္ၚာဂှ် က္ညပြာပ်စဴအာသ္ၚိ အနာထပိဏ္ဍိကသေဌဳတုဲမ္ဂး ဂဇအ်ဒၟံၚ်ပ္ဍဲသၞာမလးပညပ်လဝ် မွဲဟာန်ကေုာံခမဳသၚ်ရ၊ ပ္ဍဲအခိၚ်ဂှ် အနာထပိဏ္ဍိကသေဌဳဂှ် အနာထပိဏ္ဍိကသေဌဳဂှ် နကဵုစၞအာဟာရ ဘောဇိုန်မပြဲပြဲ အလဵုဇကု ကၠောန်ၜိုတ်ဥပကာ တြာပ်ဖာပ်ဗ္စ ခမဳသၚ်မၞုံပဓာန်ဍေံ တဳလမၞုံပိုဉ်ကျာ်တြဲ စဵုကဵုတြိုပ်ကဵုစိုတ် စဵုကဵုဒးဆေဝ်တာပဒေါအ်တုဲမ္ဂး တဳလမၞုံပိုဉ်ကျာ်တြဲ ကဵုပိုန်တုဲ ပ္ဍဲအခိၚ်ပါဲကၠေံတဲ နူဗဗေၚ်တုဲဂှ် အနာထပိဏ္ဍိကသေဌဳဂှ် ဂဇအ်ဒၟံၚ်ပ္ဍဲဒၞာဲမွဲတုဲ “ယွံတဳလမၞုံပိုဉ် ပ္ဍဲဘာဇေတဝန်ဂှ် အဲဍိက် ပသာ်ဂွံဒ္ဂေတ် သ္ပရော?” ရဴဝွံ ဂရၚ်ပတီ ကုတဳလမၞုံပိုဉ်ကျာ်တြဲရ။ ယွံသမ္ၚေဟ် ဒှ်သာ်ဂှ်မ္ဂး ဘာဇေတဝန်ဂှ် တၠအဲ ဩဝ်ကဵုဒါန် ကုသၚ်မၞုံပ္ဍဲဒိုဟ်ပန် မကၠုၚ်စိုပ်တုဲ ကြက်ကၠုၚ်စိုပ်ညိ ရဴဝွံ (သ္ဂးရ)။
“ယွံတဳလမၞုံပိုဉ် ခိုဟ်သန်ရ” ရဴဝွံ အနာထပိဏ္ဍိကသေဌဳ ဒုၚ်ဝန် ကုတဳလမၞုံပိုဉ်ကျာ်တြဲတုဲပ္ဍဲကြဴ ဘာဇေတဝန်ဂှ် ကဵုဒါန် ကုသၚ်မၞုံပ္ဍဲဒိုဟ်ပန် မကၠုၚ်စိုပ်တုဲ ကြက်ကၠုၚ်စိုပ်ရ။ ကြဴနူဂှ် တဳလမၞုံပိုဉ်ကျာ်တြဲ သ္ပအနုမောဒနာကဵု အနာထပိဏ္ဍိကသေဌဳ နကဵုဂါထာဂမၠိုၚ်ဝွံရ—
“(ဘာဂှ်) ပါဲပၠေၚ်ကၠေံ လၟုဟ်ဂံက်ကီု လၟုဟ်ဂမ္တဴကီု သအာၚ်နူဂှ် သတ်ဂမၠိုၚ်ကီု ဇြုံဂဂဳအယဴဂမၠိုၚ်ကီု ဂမိတ်ဂမၠိုၚ်ကီု ကျာဂံက်ဂမၠိုၚ်ကီု ထၞဟ်ဗြဲဂမၠိုၚ်ကီုမာန်ရ။
သအာၚ်နူဂှ် ကျာမသကာတ်မြဟ် ဂမ္တဴတ္ၚဲမသကာတ်မြဟ် မကတဵုဒှ်ကၠုၚ်လေဝ် ပါဲပၠေၚ်ကၠေံမာန်ရ၊ တၞဟ်နပွမသတိက်သတၚ်ကီု တၞဟ်နပွမဒှ်တသိုခ်ကီု တၞဟ်နပွမလုပ်စၛာန်ကီု တၞဟ်နပွမမၠာ်သ္ၚေဝ် ဝိပဿနာကီု ပွမဂွံကဵုဒါန်ဘာဂှ် ပြဲရ ရဴဝွံ ကျာ်တြဲထိုၚ်သးရ။
ဟိုတ်ဂှ်ရ ညးမၞုံကဵုပညာ မညာတ်အာ ဒတုဲဖဵုဇကုဂှ် ကဵုသိုၚ်ခၞံ ဘာဂမၠိုၚ် မထေက်ကဵုမိပ်လဟိၚ်ရ၊ ပ္ဍဲဘာဂမၠိုၚ်ဝွံ ကဵုခမဳသၚ်ဂမၠိုၚ် မၞုံကဵုလမိၚ်လညာတ်မဂၠိုၚ်ပဒတဴရ၊ နကဵုစိုတ်မလျုၚ်ဇြုၚ်သ္ဍိုက် ဒးကဵုဒါန် စၞစကီု စၞသုၚ်ကီု သ္ၚာသၞာသတိက် သၞာဒၟံၚ်ဂမၠိုၚ်ကီု မဗဗွဲကုခမဳမလ္ဂူတပ်ဂမၠိုၚ်ရ။
ခမဳဂမၠိုၚ်ဂှ် တွံကဵုဓရ် မလေပ်ပါဲကၠေံ ဒဒိုခ်အိုတ်သီုမာန် ကုဒကာဘာဂှ်အိုတ်ရ၊ ဒကာဘာဂှ် တီကေတ်ဓရ် ပ္ဍဲသာသနာဝွံတုဲ သီုဟွံမွဲကဵုဓရ်အာသဝဂှ် ဂွံၜိုဟ်သတိုတ်ရ” ရဴဝွံ (အနုမောဒနာရ)။
တဳလမၞုံပိုဉ်ကျာ်တြဲ သ္ပအနုမောဒနာကဵု အနာထပိဏ္ဍိကသေဌဳ နကဵုဂါထာဂမၠိုၚ်ဝွံတုဲ ပ္ဍဲကြဴ ဒၠိုက်ကတဵုနူဒၞာဲ က္ညပါဲစ္ဍးအာရ။
====၆.၂.၈။ မပတမ် ပွမဆေဝ်ဒဝ်သၞာ====
၃၁၆။ ပ္ဍဲအခိၚ်ဂှ် အမာတ်ဇၞော် မဒှ်အာဇဳဝကမွဲတၠ ကဵုဒါန်ပိဏ္ဍပါတ် ကုသၚ်ရ။ တဳလပိုဉ်ဥပနန္ဒ ကောန်သၟိၚ်သကျဝၚ် က္ညကၠုၚ်နူလက်ကရဴတုဲ ကဵုခမဳဂဇအ်ဒၟံၚ် ပ္ဍဲမသက္ကုခြာမကဵုပိုဉ်ဟွံတုဲဏီဂှ် ဒၠိုက်ကတဵုရ၊ ဘာရုၚ်ကဵုပိုဉ် ဒှ်ကၠိုက်ကၟဵုရုသံၚ်ရ။
ပ္ဍဲအခိၚ်ဂှ် အမာတ်ဇၞော်ဂှ် “ခမဳဂမၠိုၚ် မဒှ်တၞောဝ်ကျာ် ကောန်သၟိၚ်သကျဝၚ် က္ညကၠုၚ်နူလက်ကရဴတုဲမ္ဂး မုဟိုတ် ကဵုခမဳမဂဇအ်ဒၟံၚ် ပ္ဍဲမသက္ကုခြာကဵုပိုဉ်ဟွံတုဲဏီဂှ် ဒၠိုက်ကတဵုရော? ဘာရုၚ်ကဵုပိုဉ် ဒှ်အာညာန်ညေဲရ။ နပွမဂဇအ် ပ္ဍဲဒၞာဲမွဲသအာၚ်လေဝ် ဂွံအခေါၚ်စအတိုၚ်ပၟိက်ဟေၚ်ရ ဟွံသေၚ်ဟာ” ရဴဝွံ ဟီုဂရိုဟ်ရ၊ ပျုတ်ဗ္ဒေက်ရ၊ ဟီုထ္ၜးဒုဟ်ရ။ ခမဳဂမၠိုၚ် ဂွံမိၚ်ကေတ် ဂလာန်အမာတ်ဇၞော် မဟီုဂရိုဟ်ပျုတ်ဗ္ဒေက် ဟီထ္ၜးဒုဟ်ဂှ်အိုတ်ဟေၚ်ရ။ ခမဳပၟိက်အောန်ဂမၠိုၚ် “တဳလပိုဉ်ဥပနန္ဒ ကောန်သၟိၚ်သကျဝၚ် က္ညကၠုၚ်နူလက်ကရဴတုဲမ္ဂး မုဟိုတ် ကဵုခမဳမဂဇအ်ဒၟံၚ် ပ္ဍဲမသက္ကုခြာမကဵုပိုဉ်ဟွံတုဲဏီဂှ် ဒၠိုက်ကတဵုရော?၊ ဘာရုၚ်ကဵုပိုဉ် ဒှ်အာညာန်ညေဲရ” ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။ ပ္ဍဲအခိၚ်ဂှ် ခမဳဂမၠိုၚ်ဂှ် ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံဥပနန္ဒ တၠအဲ က္ညကၠုၚ်နူလက်ကရဴတုဲမ္ဂး ကဵုခမဳမဒှ်မသက္ကုခြာမကဵုပိုဉ်ဟွံတုဲဏီဂှ် ဒၠိုက်ကတဵုရ၊ ဘာရုၚ်ကဵုပိုဉ် ဒှ်အာညာန်ညေဲရဟီုဂှ် ဍာံပြဟာ” ရဴဝွံ စၟဳစၟတ်သၟာန်သၟုက်ရ။
ဍာံပြရ ယွံကျာ်မၞုံပိုဉ် ရဴဝွံ (ဂရၚ်ပတီရ)။
တဳလမၞုံပိုဉ်ကျာ်တြဲ မပတၠပိုဉ်တြဴပြကာ ဟီုဂရိုဟ်ရ၊ ယွံတြုံမဒှ်လ္ၚုသၟး (နူမဂ်ဖိုလ်) တၠအဲ က္ညကၠုၚ်နူလက်ကရဴတုဲမ္ဂး မုဟိုတ် ကဵုခမဳဂဇအ်ဒၟံၚ် ပ္ဍဲမသက္ကုခြာမကဵုပိုဉ်ဟွံတုဲဏီဂှ် ဒၠိုက်ကတဵုရော?၊ ဘာရုၚ်ကဵုပိုဉ် ဒှ်အာညာန်ညေဲရသွံ၊ ယွံတြုံမဒှ်လ္ၚုသၟး (နူမဂ်ဖိုလ်) (ပွမတၠအဲသ္ပဒးဝွံ) ကုညးဟွံ လျုၚ်ဇြုၚ်သ္ဍိုက်ဂမၠိုၚ်ဏီ တၞဟ်နပွမကဵုလျုၚ်ဇြုၚ်သ္ဍိုက်ကီု ။ ပ ။ ဟီုဂရိုဟ်တုဲ ။ ပ ။ တွံကဵုဂလာန်ဓရ် တုဲမ္ဂး “ယွံခမဳတအ် ဟဂပ်ဝ်ကဵုခမဳမကဵုပိုဉ်ဟွံတုဲဏီ ဒၠိုက်ကတဵုရ၊ ကုခမဳမကဵုဒၠိုက်ကတဵုဂှ် ဒးအာပတ်ဒုက္ကဋ်ရ။ ယဝ်ကဵုဒၠိုက်ကတဵုမ္ဂး ပဝါရိတ်လေဝ်ဒးရ၊ ‘ဩဝ်အာညိ ဩဝ်ရၚ်တၠုၚ်နၚ်ဍာ်ညိ’ ရဴဝွံ ဒးဟီုရ။ ကလိဂွံပွမရၚ်တၠုၚ်နၚ်ရဴဝွံမ္ဂး ဆာဲသန်ရ၊ ယဝ်ဟွံကလိဂွံမ္ဂး ၚိတ်ကၠေံမပုၚ်ဂမၠိုၚ် ဗွဲမဒးရးတုဲ ဒးကဵုဒၞာဲ ကုခမဳဇၞော်ရ။ ယွံခမဳတအ် အဲဂှ် ‘နဟိုတ်မမိက်ကဵုမွဲမွဲလေဝ် ဂပ်ဝ်ဆေဝ်ဒဝ်ဒၞာဲခမဳဇၞော်ရ’ ရဴဝွံ ဟွံတွံရ၊ ကုခမဳမဆေဝ်ဒဝ်ဂှ် ဒးအာပတ်ဒုက္ကဋ်ရ” ရဴဝွံ သ္ဂးကဵုခမဳဂမၠိုၚ်ရ။
ပ္ဍဲအခိၚ်ဂှ် ခမဳဆဗ္ဗဂ္ဂဳဂမၠိုၚ် ကဵုခမဳဂိယဲဂမၠိုၚ် ဒၠိုက်ကတဵုအိုတ်ရ။ “ယွံကောန်တၠတအ် ပိုဲညးဂမၠိုၚ် ကတဵုဟွံမာန်အိုတ်ရ၊ ဒှ်ခမဳဂိယဲဂမၠိုၚ်အိုတ်ရ” ရဴဝွံ ခမဳဂိယဲဂမၠိုၚ် ဟီုသ္ဂးအိုတ်ရ။ “ပိုဲညးဂမၠိုၚ် ကြက်ကဵုတဳလပိုဉ်ဂမၠိုၚ် ဒၠိုက်ကတဵုအိုတ်ရ” ရဴဝွံ ထ္ၜလဘာ်ကဵုကတဵုတုဲ ဒတူတုဲမ္ဂး ဗလးထောံအိုတ်ရ။ ခမဳဂိယဲဂမၠိုၚ် ဗ္ၜူစိပ်ဂမၠိုၚ်ဒှ်တုဲ လောတ်စှေ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ဟဂပ်ဝ်ကဵုခမဳမဂိယဲ ဒၠိုက်ကတဵုရ၊ ကုခမဳမကဵုဒၠိုက်ကတဵုဂှ် ဒးအာပတ်ဒုက္ကဋ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဆဗ္ဗဂ္ဂဳဂမၠိုၚ် “ပိုဲညးဂမၠိုၚ် ဒှ်ခမဳမဂိယဲ မဟဂပ်ဝ်ကဵုဒၠိုက်ကတဵုအိုတ်ရ” ရဴဝွံ ဆေဝ်ဒဝ်သၞာသတိက်သၞာဒၟံၚ်မပြဲဂမၠိုၚ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် သွက်ဂွံကဵုဒၞာဲမဗဗွဲ ကုခမဳမဂိယဲရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဆဗ္ဗဂ္ဂဳဂမၠိုၚ် နမကေတ်မြော်ဂှ် ဆေဝ်ဒဝ် ဘာသၞာသတိက်သၞာဒၟံၚ်ဂမၠိုၚ်အိုတ်ရ၊ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် နမကေတ်မြော်ဂှ် ဟဂပ်ဝ်ဆေဝ်ဒဝ် ဘာသၞာသတိက်သၞာဒၟံၚ်ရ၊ ကုခမဳမဆေဝ်ဒဝ်ဂှ် ဒးအာပတ်ဒုက္ကဋ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳသတ္တရသဝဂ္ဂဳဂမၠိုၚ် “ပိုဲညးဂမၠိုၚ် ကြက်ပြာပ်လုပ်ဒဂိုန် ပ္ဍဲဌာန်ဝွံအိုတ်ရ” ရဴဝွံ ပဠေဝ်ပဠေတ်တဴ ဘာဇၞော်မွဲဘာ မဒှ်တၞုၚ်တၞးအိုတ်ရ။ ခမဳဆဗ္ဗဂ္ဂဳဂမၠိုၚ် ညာတ်ကေတ် ခမဳသတ္တရသဝဂ္ဂဳဂမၠိုၚ် ပဠေဝ်ပဠေတ်တဴဘာတုဲ “ယွံကောတ်တၠတအ် ခမဳသတ္တရသဝဂ္ဂဳဂမၠိုၚ်ဝွံ ပဠေဝ်ပဠေတ်တဴဘာအိုတ်ရ။ ကြက်ကဵုခမဳဂမၠိုၚ်ဂှ် တိတ်အာလၟုဟ်အိုတ်ရ” ရဴဝွံ ဟီုသ္ဂးအိုတ်ရ။ ခမဳဆဗ္ဗဂ္ဂဳဂမၠိုၚ်လ္ၚဵုဂှ် “ယွံကောန်တၠတအ် စဵုကဵုပဠေဝ်ပဠေတ်တုဲဒှ် ဩဝ်လၟတ်မံၚ်ဒၟံၚ်အိုတ်ညိကၠာ၊ ပဠေဝ်ပဠေတ်တုဲမှ ကြက်ကဵုတိတ်အာအိုတ်ရ” ရဴဝွံ ဟီုသ္ဂးအိုတ်ရ။
ပ္ဍဲအခိၚ်ဂှ် ခမဳဆဗ္ဗဂ္ဂဳဂမၠိုၚ် “ယွံကောန်တၠတအ် ဩဝ်ဒၠိုက်ကတဵုအိုတ်ညိ၊ ဘာဂှ် စိုပ်ကုပိုဲညးဂမၠိုၚ်ရ” ရဴဝွံ ဟီုသ္ဂးကဵု ခမဳသတ္တရသဝဂ္ဂဳဂမၠိုၚ်အိုတ်ရ။
ယွံကောန်တၠတအ် ပြဟ်ပြဟ်ဟေၚ် ထေက်ကဵုဒးဟီုလဴဗ္စရ ဟွံသေၚ်ဟာ၊ ပိုဲညးဂမၠိုၚ်လေဝ် ပဠေဝ်ပဠေတ် ဘာမွဲသအာၚ်မာန်အိုတ်ရ ရဴဝွံ (ဟီုသ္ဂးအိုတ်ရ)။
ယွံကောန်တၠတအ် ဘာဂှ် ဒြပ်သၚ် ဟွံသေၚ်ဟာ ရဴဝွံ (သၟာန်အိုတ်ရ)။
ယွံကောန်တၠတအ် ဍာံပြရ၊ ဘာဂှ် ဒြပ်သၚ်ရ ရဴဝွံ (ဟီုသ္ဂးအိုတ်ရ)။
“ယွံကောန်တၠတအ် ဩဝ်ဒၠိုက်ကတဵုအိုတ်ညိ၊ ဘာဂှ် စိုပ်ကုပိုဲညးဂမၠိုၚ်ရ” ရဴဝွံ (ဟီုသ္ဂးအိုတ်ရ)။
ယွံကောန်တၠတအ် ဘာဂှ် ဇၞော်လှဲရ၊ မၞးတအ်ညးဂမၠိုၚ်လေဝ် ဩဝ်ပဒတဴအိုတ်ညိ၊ ပိုဲညးဂမၠိုၚ်လေဝ် ပဒတဴအိုတ်ရ ရဴဝွံ (ဟီုသ္ဂးတိုန်အိုတ်ပၠန်ရ)။
“ယွံကောန်တၠတအ် ဩဝ်ဒၠိုက်ကတဵုအိုတ်ညိ၊ ဘာဂှ် စိုပ်ကုပိုဲညးဂမၠိုၚ်ရ” ရဴဝွံ ဟီုသ္ဂးတုဲ ထေဲပၞတ်သတိုတ် ဟွံမိပ်စိုတ်ဂမၠိုၚ်ဒှ်တုဲ ဂန်ရပ်ကေတ် ပ္ဍဲတမ်ကအ်တုဲမ္ဂး ဗက်ဗ္ဒဴထောံအိုတ်ရ။ ခမဳသတ္တရသဂမၠိုၚ်ဂှ် ဟိုတ်မဒးဒုၚ်ဗက်ဗ္ဒဴထောံဂှ်ရ လရိုအ်ယာံဒၟံၚ်အိုတ်ရ။ ခမဳဂမၠိုၚ် “ယွံကောန်တၠတအ် မၞးတအ်ညးဂမၠိုၚ် မုဟိုတ် လရိုအ်ယာံဒၟံၚ်အိုတ်ရော?” ရဴဝွံ သၟာန်အိုတ်ရ။ ယွံကောန်တၠတအ် ခမဳဆဗ္ဗဂ္ဂဳဂမၠိုၚ်ဝွံ ထေဲပၞတ်သတိုတ် ဟွံမိပ်စိုတ်ဂမၠိုၚ်ဒှ်တုဲ ဗက်ဗ္ဒဴထောံ ပိုဲညးဂမၠိုၚ် နူဘာသၚ်အိုတ်ရ ရဴဝွံ (ကလေၚ်ဟီုလဴထ္ၜးအိုတ်ရ)။
ခမဳပၟိက်အောန်ဂမၠိုၚ်ဂှ် “မုဟိုတ် ခမဳဆဗ္ဗဂ္ဂဳဂမၠိုၚ် ထေဲပၞတ်သတိုတ် ဟွံမိပ်စိုတ်ဂမၠိုၚ်ဒှ်တုဲ ဗက်ဗ္ဒဴထောံခမဳဂမၠိုၚ် နူဘာသၚ်အိုတ်ရော?” ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။ ပ္ဍဲအခိၚ်ဂှ် ခမဳဂမၠိုၚ်ဂှ် ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
“ယွံခမဳတအ် ခမဳဆဗ္ဗဂ္ဂဳဂမၠိုၚ် ထေဲပၞတ်သတိုတ် ဟွံမိပ်စိုတ်ဂမၠိုၚ်ဒှ်တုဲ ဗက်ဗ္ဒဴထောံ ခမဳဂမၠိုၚ် နူဘာသၚ်အိုတ်ရဟီုဂှ် ဍာံပြဟာ” ရဴဝွံ စၟဳစၟတ်သၟာန်သၟုက်ရ။ ဍာံပြရ ယွံကျာ်မၞုံပိုဉ် ရဴဝွံ (ဂရၚ်ပတီအိုတ်ရ) ။ ပ ။ ဟီုဂရိုဟ်တုဲ ။ ပ ။ တွံကဵုဂလာန်ဓရ်တုဲမ္ဂး “ယွံခမဳတအ် နပွမထေဲပၞတ်ကီု နပွမဟွံမိပ်စိုတ်ကီု ဟဂပ်ဝ်ဗက်ဗ္ဒဴထောံ ခမဳဂမၠိုၚ် နူဘာသၚ်ရ၊ ကုခမဳမဗက်ဗ္ဒဴထောံဂှ် ဒးကဵုသ္ပ ဗွဲမဗဗွဲကဵုအာပတ်ရ။
“ယွံခမဳတအ် ကဵုအခေါၚ် သွက်ဂွံကဵုသိုၚ်ကေတ် ဘာသၞာသတိက်သၞာဒၟံၚ်ရ” ရဴဝွံ (သ္ဂးရ)။
====၆.၂.၉။ ပွမကဵုသၟိတ်ရဴဝွံမ္ဂး ညးကဵုဂိုင်ကေတ်ဘာ====
၃၁၇။ ပ္ဍဲအခိၚ်ဂှ် “မုရဴညးမွဲ ထေက်ကဵုဒုၚ်ဂိုၚ်ကေတ် ဘာသၞာသတိက် သၞာဒၟံၚ်ဂမၠိုၚ်ရော?” ရဴဝွံ ကသပ်ဒှ် ကုခမဳဂမၠိုၚ်ရ။
ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ခမဳမဍိုက်ပေၚ်တဴ ကေုာံအၚ်္ဂဂမၠိုၚ်မသုန်သာ်ဂှ် ဒးသၟိတ်ပတိုန်ရဴဝွံမ္ဂး ခမဳမကဵုဒုၚ်ဂိုၚ်ကေတ်ဘာရ။ ခမဳဂှ် ဟွံဗက် ဆန္ဒာဂတိရ။ ဟွံဗက် ဒေါသာဂတိရ။ ဟွံဗက်မောဟာဂတိရ။ ဟွံဗက်ဘယာဂတိရ။ ဂိုၚ်ကေတ်တုဲ ဟွံဂွံဂိုၚ်ကေတ်ဏီလေဝ် လေပ်တီရ၊ ယွံခမဳတအ် ရဴဝွံ ဒးသၟိတ်ရ၊ ဗွဲကိုပ်ကၠာ သ္ဒးအာတ်ပါန်အခေါၚ် ခမဳရ၊ အာတ်ပါန်အခေါၚ်တုဲ ပ္ဍဲကြဴခမဳစဳကၠးဆိုက်ဗ္ဒက်တုဲ မၞုံကဵုအစောံသတ္တိဂှ် သ္ဒးကဵုသၚ်တီရ—
“ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ ကမ်မၞုံကဵုအခိၚ်မဗဗွဲ ကုသၚ် ယဝ်ဒှ်မ္ဂး၊ သၚ် သၟိတ်ပတိုန် ခမဳမၞုံယၟုဝွံ ရဴဝွံမ္ဂး ခမဳမကဵုဒုၚ်ဂိုၚ်ကေတ်ဘာရ၊ ဣဝွံတုန် ပွမကဵုတီရောၚ်။
ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ သၚ် သၟိတ်ပတိုန် ခမဳမၞုံယၟုဝွံ ရဴဝွံမ္ဂး ခမဳမကဵုဒုၚ်ဂိုၚ်ကေတ်ဘာရ၊ ယြဴကုတဳလပိုဉ်မွဲ မၞုံကဵုပွမသ္ဍိုက် ပွမသၟိတ်ပတိုန် ခမဳမၞုံယၟုဝွံ ရဴဝွံမ္ဂး ခမဳမကဵုဒုၚ်ဂိုၚ်ကေတ်ဘာရ၊ တဳလပိုဉ်ဂှ် သ္ဒးဒၟံၚ်သ္ၚိတ်သ္ၚိတ်ရ၊ ယြဴကုတဳလပိုဉ်မွဲ ဟွံမွဲကဵုပွမသ္ဍိုက်မၠိုက်ရ၊ တဳလပိုဉ်ဂှ် သ္ဒးဟီုတိုန်ရ။
သၚ် ဂပ်ဝ်သၟိတ်ပတိုန် ခမဳမၞုံယၟုဝွံ ရဴဝွံမ္ဂး ခမဳမကဵုဒုၚ်ဂိုၚ်ကေတ်ဘာတုဲရ၊ ကုသၚ်ဂှ် မၞုံကဵုပွမသ္ဍိုက်မၠိုက်ရ၊ ဟိုတ်ဂှ်ရ ဒၟံၚ်ကၞပ်သ္ၚောံသ္ၚိတ်ဇြရ၊ နမဒၟံၚ်ကၞပ်သ္ၚောံသ္ၚိတ်ဇြရဴဝွံ ဂွံတီကေတ် ဒဒှ်မသ္ဍိုက်မၠိုက်ဂှ်ရ” ရဴဝွံ (သ္ဒးကဵုတီရ ရဴဝွံ သ္ဂးရ)။
၃၁၈။ ပ္ဍဲအခိၚ်ဂှ် “မုရဴသာ်လဵု ထေက်ကဵုကဵုဒုၚ်ဂိုၚ်ကေတ်ဘာရော?” ရဴဝွံ ကသပ်ဒှ်ကုခမဳ မကဵုဒုၚ်ဂိုၚ်ကေတ်ဘာဂမၠိုၚ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ဗွဲကိုပ်ကၠာ တၞဟ်နရိုဟ်လၟိဟ် ခမဳဂမၠိုၚ် ရိုဟ်လၟိဟ်ခမဳဂမၠိုၚ်တုဲပ္ဍဲကြဴ တၞဟ်နရိုဟ်လၟိဟ် သၞာသတိက်ဂမၠိုၚ် ရိုဟ်လၟိဟ်သၞာသတိက်ဂမၠိုၚ်တုဲပ္ဍဲကြဴ တၞဟ်နပွမဒုၚ်ဂိုၚ်ကေတ် ဗွဲအပိုၚ်အခြာသၞာသတိက်ဂှ် ကဵုအခေါၚ်ရ ရဴဝွံ (သ္ဂးရ)။ ဂပ်ဝ်ကဵုဒုၚ်ဂိုၚ်ကေတ် ဗွဲအပိုၚ်အခြာ သၞာသတိက်အိုတ်မ္ဂး သၞာသတိက်ဂမၠိုၚ် ပဵုသာန်ဒၟံၚ်အိုတ်ရ ။ ပ ။ ယွံခမဳတအ် ကဵုအခေါၚ် တၞဟ်နကဵုဒုၚ်ဂိုၚ်ကေတ် ဗွဲအပိုၚ်အခြာဘာရ ရဴဝွံ (သ္ဂးရ)။
ကဵုဒုၚ်ဂိုၚ်ကေတ် ဗွဲအပိုၚ်အခြာဘာအိုတ်မ္ဂး ဘာဂမၠိုၚ် ပဵုသာန်ဒၟံၚ်အိုတ်ရ ။ ပ ။ ယွံခမဳတအ် ကဵုအခေါၚ် တၞဟ်နကဵုဒုၚ်ဂိုၚ်ကေတ် ဗွဲအပိုၚ်အခြာပြဝိုဏ်ရ ရဴဝွံ (သ္ဂးရ)။
ကဵုဒုၚ်ဂိုၚ်ကေတ် ဗွဲအပိုၚ်အခြာပြဝိုဏ်အိုတ်မ္ဂး ပြဝိုဏ်ဂမၠိုၚ် ပဵုသာန်ဒၟံၚ်အိုတ်ရ ။ ပ ။ ယွံခမဳတအ် သွက်ဘိုအ်လက်ကရဴလေဝ် ကဵုအခေါၚ် တၞဟ်နကဵုရ ရဴဝွံ (သ္ဂးရ)။
ဂိုၚ်ကေတ် သွက်ဘိုအ်လက်ကရဴတုဲမ္ဂး ခမဳသအာၚ်ကၠုၚ်စိုပ်မ္ဂး၊ ဟွံမိက်ကဵုမ္ဂး ဟွံဒးကဵုရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဂမၠိုၚ် ကဵုခမဳတန်တဴ ပ္ဍဲမ္ၚးဥပစာသိမ် ဂိုၚ်ကေတ် ဘာသၞာသတိက် သၞာဒၟံၚ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ဟဂပ်ဝ် ကဵုခမဳတန်တဴ ပ္ဍဲမ္ၚးဥပစာသိမ် ဂိုၚ်ကေတ် ဘာသၞာသတိက်သၞာဒၟံၚ်ရ၊ ကုခမဳမကဵုဂိုၚ်ကေတ်ဂှ် ဒးအာပတ်ဒုက္ကဋ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဂမၠိုၚ် ဂိုၚ်ကေတ် ဘာသၞာသတိက်သၞာဒၟံၚ်တုဲမ္ဂး အခါကာလအိုတ်သီု ဆေဝ်ဒဝ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ဂိုၚ်ကေတ် ဘာသၞာသတိက်သၞာဒၟံၚ်တုဲမ္ဂး အခါကာလအိုတ်သီု ဟဂပ်ဝ်ဆေဝ်ဒဝ်ရ၊ ကုခမဳမဆေဝ်ဒဝ်ဂှ် ဒးအာပတ်ဒုက္ကဋ်ရ။
ယွံခမဳတအ် လုကဴဂိတုဗြဲပိဂိတုဂမၠိုၚ် ကဵုအခေါၚ် တၞဟ်နဆေဝ်ဒဝ်ရ၊ ပ္ဍဲဥတုမုဟ်ကျာ ဥတုက္ညၚ်ဂမၠိုၚ်တုန် ကဵုအခေါၚ် သွက်ဟဂွံဆေဝ်ဒဝ်ရ ရဴဝွံ (သ္ဂးရ)။
ပ္ဍဲအခိၚ်ဂှ် “ပွမဒုၚ်ဂိုၚ်ကေတ်ဘာဂမၠိုၚ် မၞုံဗၞတ်မုစိအိုတ်ရော?” ရဴဝွံ ကသပ်ဒှ် ကုခမဳဂမၠိုၚ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ပွမဒုၚ်ဂိုၚ်ကေတ်ဘာဂမၠိုၚ် ပွမဒုၚ်ဂိုၚ်ကေတ်ဘာ ပ္ဍဲပုရိမဝှ်ကီု ပွမဒုၚ်ဂိုၚ်ကေတ်ဘာ ပ္ဍဲပစ္ဆိမဝှ်ကီု ပွမဒုၚ်ဂိုၚ်ကေတ်ဘာ ပ္ဍဲမ္ၚးဝှ်ကီု ဣဝွံမၞုံပိဂကူဂမၠိုၚ်ရ။ ပ္ဍဲဂိတုဒဂိုန်မွဲစွေက် ဂပ်ဝ်ဒုၚ်ဂိုၚ်ကေတ် ပွမဒုၚ်ဂိုၚ်ကေတ်ဘာ ပုရိမဝှ်ရ၊ ပ္ဍဲဂိတုခ္ဍဲသဳမွဲစွေက် ဂပ်ဝ်ကဵုဒုၚ်ကေတ် ပစ္ဆိမဝှ်ရ၊ ပ္ဍဲဂိတုဝှ်မွဲစွေက် ဂပ်ဝ်ကဵုဒုၚ်ဂိုၚ်ကေတ် ပွမဒုၚ်ဂိုၚ်ကေတ်ဘာ မ္ၚးဝှ်ရ။ ယွံခမဳတအ် ပွမဒုၚ်ဂိုၚ်ကေတ်ဘာဂမၠိုၚ် ဣဝွံမၞုံပိဂကူဂမၠိုၚ်ရ ရဴဝွံ (သ္ဂးရ)။
❀❀❀ခဏ်ဒုတိယတုဲရ။❀❀❀
===၆.၃။ ခဏ်တတိယ===
၃၁၉။ ပ္ဍဲအခိၚ်ဂှ် တဳလပိုဉ်ဥပနန္ဒ ကောန်သၟိၚ်သကျဝၚ် ဒုၚ်ဂိုၚ်ကေတ် ဘာသၞာသတိက်သၞာဒၟံၚ် ပ္ဍဲဍုၚ်သာရဝှ်တုဲမ္ဂး အာဘာကွာန်သၟတ်မွဲရ၊ ပ္ဍဲဘာကွာန်သၟတ်ဂှ်လေဝ် ဒုၚ်ဂိုၚ်ကေတ် ဘာသၞာသတိက်သၞာဒၟံၚ်ပၠန်ရ။ ပ္ဍဲအခိၚ်ဂှ် “ယွံကောန်တၠတအ် တဳလပိုဉ်ဥပနန္ဒ ကောန်သၟိၚ်သာကျဝၚ်ဂှ် လေပ်ကယျာန်ဝေါတ်သေက်ဇဵုဂတမတ် ကြဴမတ် ဟီုသ္ဂးစှေ်စးအရေဝ်ဂၠိုၚ်တုဲ ပ္ဍဲသၚ်လေဝ် လေပ်သ္ပအဓိကိုရ်ရ။ ဥပနန္ဒဝွံ လုပ်ဒဂိုန်ပ္ဍဲဘာဝွံမ္ဂး ပိုဲညးဂမၠိုၚ်အိုတ်သီု ကြက်ဟွံဒှ်တသိုခ်အိုတ်ရ၊ လၟုဟ် သၟာန်ဥပနန္ဒဂှ်အိုတ်စိုအ်” ရဴဝွံ ကသပ်ဒှ် ကုခမဳဂမၠိုၚ်ရ။ ပ္ဍဲအခိၚ်ဂှ် ခမဳဂမၠိုၚ်ဂှ်—
“ယွံကောန်တၠဥပနန္ဒ တၠအဲ ဒုၚ်ဂိုၚ်ကေတ် ဘာသၞာသတိက် သၞာဒၟံၚ် ပ္ဍဲဍုၚ်သာရဝှ်တုဲရ ဟွံသေၚ်ဟာ” ရဴဝွံ သၟာန်တဳလပိုဉ်ဥပနန္ဒ ကောန်သၟိၚ်သကျဝၚ်အိုတ်ရ။
ဍာံပြရ ယွံကောန်တၠတအ် ရဴဝွံ (သ္ဂးရ)။
ယွံကောန်တၠဥပနန္ဒ တၠအဲ သီုကဵုဒှ်ညးမွဲဓဝ် ဆေဝ်ဒဝ်ကၠေံ ၜါဘာဂမၠိုၚ်ဟာ ရဴဝွံ (သၟာန်အိုတ်ရ)။
ယွံကောန်တၠတအ် လၟုဟ် အဲဍိက် ဗလးကၠေံ ဘာကွာန်ဝွံတုဲ ဒုၚ်ဂိုၚ်ကေတ် ဘာပ္ဍဲဍုၚ် သာရဝှ်ရ ရဴဝွံ (သ္ဂးရ)။
ခမဳပၟိက်အောန်ဂမၠိုၚ်ဂှ် “တဳလပိုဉ်ဥပနန္ဒ ကောန်သၟိၚ်သကျဝၚ် သီုကဵုဒှ်ညးမွဲဓဝ် ဆေဝ်ဒဝ်ကၠေံ ၜါဘာဂမၠိုၚ်အိုတ်ရော?” ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံဥပနန္ဒ တၠအဲ သီုကဵုဒှ်ညးမွဲဓဝ် ဆေဝ်ဒဝ်ကၠေံ ၜါဘာဂမၠိုၚ်ရဟီုဂှ် ဍာံပြဟာ” ရဴဝွံ စၟဳစၟတ်သၟာန်သၟုက်ရ။
ဍာံပြရ ယွံကျာ်မၞုံပိုဉ် ရဴဝွံ (ဂရၚ်ပတီရ)။
တဳလမၞုံပိုဉ်ကျာ်တြဲ မပတၠပိုဉ်တြဴပြကာ ဟီုဂရိုဟ်ရ၊ ယွံတြုံမဒှ်လ္ၚုသၟး (နူမဂ်ဖိုလ်) တၠအဲ သီုကဵုဒှ်ညးမွဲဓဝ် မုဟိုတ် ဆေဝ်ဒဝ်ကၠေံ ၜါဘာဂမၠိုၚ်ရော?၊ ယွံတြုံမဒှ်လ္ၚုသၟး (နူမဂ်ဖိုလ်) တၠအဲ ဒုၚ်ဂိုၚ်ကေတ် ဘာကွာန်ဂှ်တုဲ ဘာပ္ဍဲကွာန်ဝွံ ဗၠးအာရ၊ တၠအဲ ဒုၚ်ဂိုၚ်ကေတ် ဘာကွာန်ဝွံတုဲ ဘာပ္ဍဲကွာန်ဂှ် ဗလးအာရ၊ ယွံတြုံမဒှ်လ္ၚုသၟး (နူမဂ်ဖိုလ်) နနယ်ဝွံ တၠအဲ ဒှ်အာမ္ၚး နူသီုၜါဒၞာဲရ၊ ယွံတြုံမဒှ်လ္ၚုသၟး (နူမဂ်ဖိုလ်) (ပွတၠအဲ သ္ပဒးဝွံ) ကုညးဟွံလျုၚ်ဇြုၚ်သ္ဍိုက်ဂမၠိုၚ်ဏီ တၞဟ်နပွမကဵု လျုၚ်ဇြုၚ်သ္ဍိုက်ကီု ။ ပ ။ ဟီုဂရိုဟ်တုဲ ။ ပ ။ တွံကဵုဂလာန်ဓရ်တုဲမ္ဂး—
“ယွံခမဳတအ် ခမဳမဒှ်မွဲဇကုဓဝ် ဟဂပ်ဝ်ဆေဝ်ဒဝ် ၜါဘာဂမၠိုၚ်အိုတ်ရ၊ ကုခမဳမဆေဝ်ဒဝ်ဂှ် ဒးအာပတ်ဒုက္ကဋ်ရ” ရဴဝွံ (သ္ဂးရ)။
၃၂၀။ ပ္ဍဲအခိၚ်ဂှ် တဳလမၞုံပိုဉ်ကျာ်တြဲဂှ် နဟိုတ်မဂၠိုၚ်ဂၠၚ် တွံကဵု ဂလာန်မစပ်ကေုာံဝိနယ် ကုခမဳဂမၠိုၚ်ရ၊ တွံကဵုဂုဏ်ဝိနယ်ရ၊ တွံကဵုဂုဏ်ပွမကတ်ဗတောန် ဝိနယ်ရ၊ ရန်တၟအ်တုဲ ရန်တၟအ်တုဲ (စၞောန်တုဲ) ဟီုသ္ဂးတဴ ဂုဏ်တဳလပိုဉ်ဥပါလိရ။
ခမဳဂမၠိုၚ် “တဳလမၞုံပိုဉ်ကျာ်တြဲတုန် နဟိုတ်မဂၠိုၚ်ဂၠၚ် တွံကဵုဂလာန်မစပ်ကေုာံဝိနယ်ရ၊ တွံကဵုဂုဏ်ဝိနယ်ရ၊ တွံကဵုဂုဏ်ပွမကတ်ဗတောန်ဝိနယ်ရ၊ ရန်တၟအ်တုဲ ရန်တၟအ်တုဲ (စၞောန်တုဲ) ဟီုသ္ဂးတဴ ဂုဏ်တဳလပိုဉ်ဥပါလိရ။ ယွံကောန်တၠတအ် ပ္ဍဲအခိၚ်လၟုဟ် ပိုဲညးဂမၠိုၚ် ကတ်ဗတောန်ဓရ်ဝိနယ် ပ္ဍဲဇရေၚ်တဳလပိုဉ်ဥပါလိအိုတ်စိုအ်” ရဴဝွံ ဟီုသ္ဂးအိုတ်ရ။ ခမဳဂမၠိုၚ်ဗွဲမဂၠိုၚ် မဒှ်မှာထေရ်ဇၞော် မှာထေရ်ဍောတ် မှာထေရ်လဒေါဝ်ဂှ် ကတ်ဗတောန် ဓရ်ဝိနယ် ပ္ဍဲဇရေၚ်တဳလပိုဉ်ဥပါလိအိုတ်ရ။ တဳလပိုဉ်ဥပါလိ ဗွဲအစောမ်ပွမသ္ပရှေ်သှေ်ရဴဂဴ ကုခမဳထေရ်ဇၞော်ဂမၠိုၚ် သီုမဒတူဒၟံၚ်ဂှ် ဗတောန်ကဵုရ။
ခမဳထေရ်ဇၞော်ဂမၠိုၚ်လေဝ် ဗွဲအစောမ်ပွမရှေ်သှေ်ရဴဂဴဓရ် သီုမဒတူဒၟံၚ်ဂှ် ဂိုၚ်ကတ်ကေတ်အိုတ်ရ။ ပ္ဍဲအရာမကတ်ဗတောန်ဂှ် ခမဳထေရ်ဇၞော်ဂမၠိုၚ်လေဝ် ဍောၚ်ၜိုတ်အိုတ်ရ၊ တဳလပိုဉ်ဥပါလိလေဝ် ဍောၚ်ၜိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။
ယွံခမဳတအ် ခမဳသၟတ်ဗေတာန်ထ္ၜးကဵုဂှ် ဗွဲအစောမ်မရှေ်သှေ်ရဴဂဴဓရ် ဂဇအ်ပ္ဍဲသၞာမတုပ်သၟဟ်ကီု ပ္ဍဲသၞာမသၠုၚ်ကီုမာန်ရ၊ ကဵုအခေါၚ် တၞဟ်နဂဇအ်ရ၊ ခမဳဇၞော်မဂိုၚ်ကတ်ကေတ်ဂှ် ဗွဲအစောမ်မရှေ်သှေ်ရဴဂဴဓရ် ဂဇအ်ပ္ဍဲသၞာမတုပ်ကီု ပ္ဍဲသၞာမသဝ်ကီုမာန်ရ၊ ကဵုအခေါၚ်တၞဟ်နဂဇအ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဗွဲမဂၠိုၚ် ဟိုတ်မစၟဳမၚ်ဒၟံၚ် ပွမဗတောန်ထ္ၜးကဵု ပ္ဍဲဇရေၚ်တဳလပိုဉ်ဥပါလိ သီုမဒတူဒၟံၚ်အိုတ်ဂှ်ရ ဍောၚ်ၜိုတ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် တၞဟ်နပွမဂဇအ်မွဲစွံ သွက်ခမဳမၞုံကဵုသၞာတုပ်သၟဟ်ဂမၠိုၚ်ရ ရဴဝွံ (သ္ဂးရ)။ “မုရဴနဗၞတ်မွဲ ဒှ်ခမဳမၞုံကဵုသၞာတုပ်သၟဟ်ရော?” ရဴဝွံ ကသပ်ဒှ် ကုခမဳဂမၠိုၚ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် တၞဟ်နပွမဂဇအ်မွဲစွံ ကေုာံခမဳမၞုံအပ္ဍဲပိဝှ် (သၟဝ်လတူနူဇကု၊ ဇၞော်ၜါဝှ် ဍောတ်ၜါဝှ်) ရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳမၞုံကဵုသၞာမတုပ်သၟဟ်ဂမၠိုၚ်ဗွဲမဂၠိုၚ် ဂဇအ်ပ္ဍဲဇံၚ်တုဲ ပလီုပလာ်ဇံၚ်အိုတ်ရ။ ဂဇအ်ပ္ဍဲဂတဵုတုဲ ပလီုပလာ်ဂတဵုအိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် ဇံၚ်ကီု ဂတဵုကီု ကုခမဳဂကောံပိဇကုရ ရဴဝွံ (သ္ဂးရ)။
ခမဳဂကောံပိဇကုလေဝ် ဂဇအ်ပ္ဍဲဇံၚ်တုဲ ပလီုပလာ်ဇံၚ်အိုတ်ရ။ ဂဇအ်ပ္ဍဲဂတဵုတုဲ ပလီုပလာ် ဂတဵုအိုတ်ရ ။ ပ ။ ယွံခမဳတအ် ကဵုအခေါၚ် ဇံၚ်ကီု ဂတဵုကီု ကုခမဳဂကောံၜါဇကုရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဂမၠိုၚ် တၞဟ်နပွမဂဇအ်မွဲစွံ ပ္ဍဲသၞာဇမၠိၚ် ကေုာံခမဳဂမၠိုၚ် မၞုံကဵုသၞာဟွံတုပ်သၟဟ် (မဟွံမွဲကဵုအခေါၚ်ဂဇအ်မွဲစွံ)ဂှ် မၞုံကဵု’သံသယကုက္ကုစ္စ’ ပွမချပ်သၠေဟ်ပၟာဟွံဂပ်ဝ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲရ။ ယွံခမဳတအ် ပါဲကၠေံ ခမၞုဲကီု မၞိဟ်ဗြဴကီု ဥဘတောဗျဉ်ကီုတုဲ ကဵုအခေါၚ် တၞဟ်နပွမဂဇအ်မွဲစွံ ပ္ဍဲသၞာဇမၠိၚ် ကေုာံခမဳဂမၠိုၚ် မဟွံမွဲကဵုအခေါၚ်ဂဇအ်မွဲစွံ သၞာတုပ်သၟဟ်ရ ရဴဝွံ (သ္ဂးရ)။ ပ္ဍဲအခိၚ်ဂှ် “မုရဴနဗၞတ်မွဲ ဒှ်သၞာဇမၠိၚ် ယုတ်အိုတ်ရော?” ရဴဝွံ ကသပ်ဒှ် ကုခမဳဂမၠိုၚ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် သၞာဂဇအ်ညးပိရုမ်ဂပ်ဂှ် ဒှ်သၞာဇမၠိၚ်ယုတ်အိုတ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ဝိသာခါ မစိုန်ဒှ်ညံၚ်မိ မိဂါရသေဌဳ မိက်ကဵုသိုၚ်ခၞံ ပြာသာဒ်မၞုံကဵုခုၚ်ဒုၚ်သၟဝ် မွဲဟာန်ကေုာံဝိုန်ဂၚ် (တနေဝ်တမေၚ်ကျာ) တၞဟ်နဖဵုသၚ်ရ၊ ပ္ဍဲအခိၚ်ဂှ် “တဳလမၞုံပိုဉ်ကျာ်တြဲ ဂပ်ဝ်ကဵုအခေါၚ် အရပ်စပ်သုၚ်စောဲပြာသာဒ်ဟာ မဟဂပ်ဝ်ကဵုအခေါၚ်ဟာ” ရဴဝွံ ကသပ်ဒှ် ကုခမဳဂမၠိုၚ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် အရပ်စပ်သုၚ်စောဲပြသာဒ်အိုတ်သီုရ ရဴဝွံ (သ္ဂးရ)။
ပ္ဍဲအခိၚ်ဂှ် ဟိုတ်နူမိနော် သၟိၚ်ပသေနဒဳကောသလ စုတိချိုတ်အာဂှ် အကပ္ပိယဘဏ်ဗွဲမဂၠိုၚ် ကတဵုဒှ်ကၠုၚ် ကုသၚ်ရ။ အကပ္ပိယဘဏ်ဂမၠိုၚ်တုန် ညးဍေံရော?၊ ဇံၚ်မၞုံကဵုဇိုၚ်မဂၠိၚ်နူဗၞတ်ဗ္ၜတ်ဒ္စံါလပုဟ်တဲကျာ်၊ ပၞၚ်မၞုံကဵုရုပ်သတ်ဒမြိုဟ်ပ္ဍဲဇိုၚ် ခေါဇဴဇၞော် မၞုံကဵုတသော်မဂၠိၚ် လတူနူပန်လပုဟ်၊ သၞာတသော်သတ် မစိစောန်လဝ် ရုပ်သတ်ဒမြိုဟ်၊ သၞာတသော်သတ်သာ်ဗု၊ သၞာလး မဂပ်ဝ်ခၞံကၠောန်လဝ် နကဵုတသော်သတ် မၞုံကဵုဍောၚ်ပ္ကဴ မစောန်ပြံက်တဴ၊ သၞာလး မပြိုက်လဝ်ချဵု၊ သၞာလးတသော်သတ် မၞုံကဵုရုပ်တၟေၚ်တၟဟ်၊ သၞာလးတသော်သတ် မၞုံကဵုတသာဲၜါလပါ်၊ သၞာလးတသော်သတ် မၞုံကဵုတသာဲမွဲလပါ်၊ သၞာလးမတုတ်သတ် နကဵုတောဝ်သုတ် မဇိၚ်ကၞတ်လဝ် နတောဝ်ထဝ်၊ သၞာလးပၠုပ်လဝ် တောဝ်သုတ် ပ္ဍဲအကြာတောဝ်ထဝ်တုဲ မဂပ်ဝ်တုတ်လဝ်၊ သၞာလးတသော်သတ်မဇၞော် ဗြဴသၟာလှ်စှေ်တြဴ ဒတူတုဲ လှေ်ရုမ်ဂပ်၊ သၞာလးစးစိၚ်၊ သၞာလးစးချေံ၊ သၞာလးကွဳ၊ သၞာလးမဇိၚ်လဝ် နကဵုစၞာံဗြန်ၜါပိထပ် မသၟဟ်ကေုာံဗၞတ်ဇံၚ်၊ သၞာလးမပြဲ မကၠောန်လဝ်နကဵုစၞာံဒြာဲစၟဝ်၊ သၞာမၞုံကဵုဂၞဳက္ဍိုပ် ဂၞဳဇိုၚ်ၜါလပါ် မဒှ်မွဲဟာန်ကေုာံသၠဖ္ဍာန်ဗကေတ်တအ်ရောၚ်။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲရ။
ယွံခမဳတအ် ကုတ်ကၠေံ ဇိုၚ်ဇံၚ်တုဲ တၞဟ်နပြဘိုဂ်သုၚ်စောဲကီု ပလီုကၠေံရုပ်သတ် ဒမြိုဟ်ပလ္လၚ်တုဲ တၞဟ်နပြဘိုဂ်သုၚ်စောဲကီု သှ်ပၠိုဟ်ကၠေံသၞာပြိုက်ချဵုတုဲ တၞဟ်နပွမသ္ပဂၞဳကီု သၞာသှေ်သၟေဟ်ဂှ် တၞဟ်နသ္ပသၞာလးတိကီု ကဵုအခေါၚ်ရ ရဴဝွံ (သ္ဂးရ)။
====၆.၃.၁။ ကပေါတ်ဟွံထေက်ကဵုသၠးဂမၠိုၚ်====
၃၂၁။ ပ္ဍဲအခိၚ်ဂှ် ခမဳပဒတဴဘာဂမၠိုၚ် ပ္ဍဲဘာသၟတ်မွဲ ဇရေၚ်ဍုၚ်သာရဝှ်ဂှ် ဒးလးကဵု ဘာသၞာသတိက်သၞာဒၟံၚ် သွက်ခမဳအာဂန္တုက ခမဳကွာ်တရဴဂမၠိုၚ်တုဲ ဒှ်ဂဗုတ်ပလာဲထုဲအိုတ်ရ။ ပ္ဍဲအခိၚ်ဂှ်—
“ယွံကောန်တၠတအ် ပ္ဍဲအခိၚ်လၟုဟ် ပိုဲညးဂမၠိုၚ် ဒးလးကဵု ဘာသၞာသတိက်သၞာဒၟံၚ် သွက်ခမဳအာဂန္တုက ခမဳကွာ်တရဴဂမၠိုၚ်ဂှ်ရ ဒှ်ဒၟံၚ်ဂဗုတ်ပလာဲထုဲအိုတ်ရ၊ ယွံကောန်တၠတအ် ပ္ဍဲအခိၚ်လၟုဟ် ပိုဲညးဂမၠိုၚ် ကဵုထောံ ဘာသၞာသတိက် သၞာဒၟံၚ် သၚ်အိုတ်သီု ကုခမဳမွဲဇကုအိုတ်စိုအ်၊ ကြက်ပြဘိုဂ်သုၚ် ကပေါတ်ဒြပ်ခမဳဂှ်အိုတ်ရ” ရဴဝွံ ကသပ်ဒှ် ကုခမဳဂမၠိုၚ်ဂှ်ရ။
ခမဳဂမၠိုၚ်ဂှ် ကဵုထောံ ဘာသၞာသတိက်သၞာဒၟံၚ်သၚ်အိုတ်သီု ကုခမဳမွဲဇကုအိုတ်ရ၊ ခမဳအာဂန္တုကဂမၠိုၚ် “ယွံကောန်တၠတအ် ဩဝ်လးကဵု ဘာသၞာသတိက်သၞာဒၟံၚ် သွက်ပိုဲညးဂမၠိုၚ်အိုတ်ညိ” ရဴဝွံ ဟီုသ္ဂးကဵု ခမဳဂမၠိုၚ်ဂှ်အိုတ်ရ။ ယွံကောန်တၠတအ် ဘာသၞာသတိက်သၞာဒၟံၚ်သၚ်ဟွံမွဲရ၊ ပိုဲညးဂမၠိုၚ် ကဵုထောံ ဘာသၞာသတိက်သၞာဒၟံၚ်သၚ်အိုတ်သီု ကုခမဳမွဲဇကုတုဲရ ရဴဝွံဟီုသ္ဂးအိုတ်ရ။ ယွံကောန်တၠတအ် မၞးတအ်ညးဂမၠိုၚ် သၠးထောံ ဘာသၞာသတိက်သၞာဒၟံၚ်သၚ်အိုတ်သီုအိုတ်ဟာ ရဴဝွံ (သၟာန်အိုတ်ရ)။ ဍာံပြရ ယွံကောန်တၠတအ် ရဴဝွံ (ဟီုသ္ဂးအိုတ်ရ)။
ခမဳပၟိက်အောန်ဂမၠိုၚ်ဂှ် “မုဟိုတ် ခမဳဂမၠိုၚ် သၠးထောံ ဘာသၞာသတိက်သၞာဒၟံၚ် သၚ်အိုတ်သီုအိုတ်ရော?။ ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။ ပ္ဍဲအခိၚ်ဂှ် ခမဳဂမၠိုၚ်ဂှ် ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ ။ ပ ။ “ယွံခမဳတအ် ခမဳဂမၠိုၚ် သၠးထောံ ဘာသၞာသတိက်သၞာဒၟံၚ် သၚ်အိုတ်သီုအိုတ်ရ ဟီုဂှ် ဍာံပြဟာ” ရဴဝွံ စၟဳစၟတ်သၟာန်သၟုက်ရ။ ဍာံပြရ ယွံကျာ်မၞုံပိုဉ် ရဴဝွံ (ဂရၚ်ပတီအိုတ်ရ)။ တဳလမၞုံပိုဉ်ကျာ်တြဲ မပတၠပိုဉ်တြဴပြကာ ဟီုဂရိုဟ်ရ၊ ယွံခမဳတအ် တြုံမဒှ်လ္ၚုသၟး (နူမဂ်ဖိုလ်) ဂမၠိုၚ်ဂှ် မုဟိုတ် သၠးထောံ ဘာသၞာသတိက်သၞာဒၟံၚ် သၚ်အိုတ်သီုအိုတ်ရော?၊ ယွံခမဳတအ် (ပွခမဳဂမၠိုၚ် သ္ပဒးဝွံ) ကုးညးဟွံလျုၚ် ဇြုၚ်သ္ဍိုက်ဂမၠိုၚ်ဏီ တၞဟ်နပွမကဵုလျုၚ်ဇြုၚ်သ္ဍိုက်ကီု ။ ပ ။ ဟီုဂရိုဟ်တုဲ ။ ပ ။ တွံကဵုဂလာန်ဓရ်တုဲမ္ဂး သ္ဂးကဵုခမဳဂမၠိုၚ်ရ။
ယွံခမဳတအ် ကပေါတ်ဒြပ် ဟွံထေက်ကဵုသၠးပွးဂမၠိုၚ်မသုန်သာ်ဝွံ သၚ်ကီု ဂိုဏ်ကီု ပူဂိုလ်ကီု ဟွံထေက်ကဵုသၠးပွးအိုတ်ရ ၜိုန်ရသၠးပွးလေဝ် ဟွံအာစိုပ်သၠးပွးအိုတ်ရ၊ ကုခမဳမသၠးပွးဂှ် ဒးအာပတ်ထုလ္လစ္စယ်ရ။
ကပေါတ်ဒြပ်ဂမၠိုၚ်တုန် ညးဍေံအိုတ်ရော?။
အာရှာမ် ဂအာၚ်အာရှာမ်၊ ဣဝွံတုန် ဂကောံကပေါတ်ဒြပ် ဟွံထေက်ကဵုသၠးပွးပဌမရ၊ သၚ်ကီု ဂိုဏ်ကီု ပူဂိုလ်ကီု ဟွံထေက်ကဵုသၠးပွးရ၊ ၜိုန်သၠးပွးလေဝ် ဟွံအာစိုပ်သၠးပွးရ၊ ကုခမဳ မသၠးပွးဂှ် ဒးအာပတ်ထုလ္လစ္စယ်ရ။
ဘာ ဂအာၚ်ဘာ၊ ဣဝွံတုန် ဂကောံကပေါတ်ဒြပ် ဟွံထေက်ကဵုသၠးပွးဒုတိယရ၊ သၚ်ကီု ဂိုဏ်ကီု ပူဂိုလ်ကီု ဟွံထေက်ကဵုသၠးပွးရ၊ ၜိုန်သၠးပွးလေဝ် ဟွံအာစိုပ်သၠးပွးရ၊ ကုခမဳမသၠးပွးဂှ် ဒးအာပတ်ထုလ္လစ္စယ်ရ။
ဇံၚ်ဂတဵု ဖုန် ဂၞဳ၊ ဣဝွံတုန် ဂကောံကပေါတ်ဒြပ် ဟွံထေက်ကဵုသၠးပွးတတိယရ၊ သၚ်ကီု ဂိုဏ်ကီု ပူဂိုလ်ကီု ဟွံထေက်ကဵုသၠးပွးရ၊ ၜိုန်သၠးပွးလေဝ် ဟွံအာစိုပ်သၠးပွးရ၊ ကုခမဳမသၠးပွးဂှ် ဒးအာပတ်ထုလ္လစ္စယ်ရ။
နုၚ်ဗရိုတ် ဇရဳဗရိုတ်ဇၞော် ဇရဗရိုတ် ကၠာၚ်ဗရိုတ် ဝါစဳ (ဗဗဴ) မုဲ မြပံၚ် ကွဵုဇၜံက်ပၞုတ်၊ ဣဝွံတုန် ဂကောံကပေါတ်ဒြပ် ဟွံထေက်ကဵုသၠးပွးစတုတ္ထရ၊ သၚ်ကီု ဂိုဏ်ကီု ပူဂိုလ်ကီု ဟွံထေက်ကဵုသၠးပွးရ၊ ၜိုန်သၠးပွးလေဝ် ဟွံအာစိုပ်သၠးပွးရ၊ ကုခမဳမသၠးပွးဂှ် ဒးအာပတ်ထုလ္လစ္စယ်ရ။
လွာဇုက် ဒုန် ကၟတ်ဇပူ ကၟာစာဗဲ ချောဲ တိကမၠေတ် ကယျာဆု ကယျာတိ ဣဝွံတုန် ဂကောံကပေါတ်ဒြပ် ဟွံထေက်ကဵုသၠးပွးပဉ္စမရ၊ သၚ်ကီု ဂိုဏ်ကီု ပူဂိုလ်ကီု ဟွံထေက်ကဵုသၠးပွးရ၊ ၜိုန်သၠးပွးလေဝ် ဟွံအာစိုပ်သၠးပွးရ၊ ကုခမဳမသၠးပွးဂှ် ဒးအာပတ်ထုလ္လစ္စယ်ရ။
ယွံခမဳတအ် ကပေါတ်ဒြပ် ဟွံထေက်ကဵုသၠးပွးဂမၠိုၚ် မသုန်သာ်ဝွံ သၚ်ကီု ဂိုဏ်ကီု ပူဂိုလ်ကီု ဟွံထေက်ကဵုသၠးပွးရ၊ ၜိုန်သၠးပွးလေဝ် ဟွံအာစိုပ်သၠးပွးရ၊ ကုခမဳမသၠးပွးဂှ် ဒးအာပတ်ထုလ္လစ္စယ်ရ ရဴဝွံ (သ္ဂးရ)။
====၆.၃.၂။ ကပေါတ် ဟွံထေက်ကဵုပါ်ပရအ်ဂမၠိုၚ်====
၃၂၂။ ပ္ဍဲအခိၚ်ဂှ် တဳလမၞုံပိုဉ်ကျာ်တြဲ သ္ပဒတဴတန်ဒၟံၚ် ပ္ဍဲဍုၚ်သာရဝှ် ဗၞတ်မိပ်လဟိၚ်တုဲမ္ဂး က္ညဂ္ၚေၚ်အာဒေသစာရိတ် ဇနပိုဒ်ကဳဋာဂိရိ မွဲဟာန်ကေုာံခမဳသၚ်ဂမၠိုၚ်မဂၠိုၚ် မၞုံဗၞတ်မသန်ကၠံကီု မွဲဟာန်ကေုာံသာရိပိုတ် မောဂ္ဂလာန်ဂမၠိုၚ်ကီုရ။ ခမဳအဿဇိပုနဗ္ဗသုကဂမၠိုၚ် “တဳလမၞုံပိုဉ်ကျာ်တြဲ မွဲဟာန်ကေုာံခမဳသၚ်ဂမၠိုၚ်မဂၠိုၚ် မၞုံဗၞတ်မသုန်ကၠံကီု မွဲဟာန်ကေုာံသာရိပိုတ်မောဂ္ဂလာန်ဂမၠိုၚ်ကီု က္ညကၠုၚ်ကဳဋာဂိရိရ ရဴဝွံ ဂွံမိၚ်ကေတ်အိုတ်ရ။ ယွံကောန်တၠတအ် ပ္ဍဲအခိၚ်လၟုဟ် ပိုဲညးဂမၠိုၚ် ပါ်ပရအ်ထောံ ဘာသၞာသတိက်သၞာဒၟံၚ် သၚ်အိုတ်သီုအိုတ်စိုအ်၊ သာရိပိုတ်မောဂ္ဂလာန်ဂမၠိုၚ် မၞုံပၟိက်ဆန္ဒယုတ်မာအိုတ်ရ၊ ဗက်အလိုက်ဓရ်မယုတ်သဝ်ဂမၠိုၚ်အိုတ်ရ၊ ပိုဲညးဂမၠိုၚ် ကြက်ဟွံလးကဵု ဘာသၞာသတိက်သၞာဒၟံၚ် သွက်သာရိပိုတ်မောဂ္ဂလာန်ဂမၠိုၚ်ဂှ်အိုတ်ရ” ရဴဝွံ ဟီုသ္ဂးအိုတ်တုဲ ခမဳအဿဇိပုနဗ္ဗသုကဂမၠိုၚ်ဂှ် ပါ်ပရအ်ထောံ ဘာသၞာသတိက်သၞာဒၟံၚ် သၚ်အိုတ်သီုအိုတ်ရ။
ပ္ဍဲအခိၚ်ဂှ် တဳလမၞုံပိုဉ်ကျာ်တြဲ အတိုၚ်လၟေၚ်လၟေၚ် က္ညဂေတ်ဂ္ၚေၚ်အာဒေသစာရိတ်မ္ဂး စိုပ်ကၠုၚ် ဇနပိုဒ်ကဳဋာဂိရိရ။ ပ္ဍဲအခိၚ်ဂှ် တဳလမၞုံပိုဉ်ကျာ်တြဲဂှ် ယွံခမဳတအ် မၞးတအ်ညးဂမၠိုၚ် ဩဝ်အာအိုတ်ညိ၊ ပြာပ်အာဇရေၚ် ခမဳအဿဇိပုနဗ္ဗသုကဂမၠိုၚ်တုဲ “ယွံကောန်တၠတအ် တဳလမၞုံပိုဉ်ကျာ်တြဲ မွဲဟာန်ကေုာံခမဳသၚ်ဂမၠိုၚ်မဂၠိုၚ် မၞုံဗၞတ်မသုန်ကၠံကီု မွဲဟာန်ကေုာံသာရိပိုတ်မောဂ္ဂလာန်ဂမၠိုၚ်ကီု က္ညကၠုၚ်ကဳဋာဂိရိရ။ ယွံကောန်တၠတအ် သွက်တဳလမၞုံပိုဉ်ကျာ်တြဲကီု သွက်ခမဳသၚ်ကီု သွက်တဳလပိုဉ်သာရိပိုတ် မောဂ္ဂလာန်ဂမၠိုၚ်ကီု ဒးလးကဵုဘာသၞာသတိက်သၞာဒၟံၚ်ရ ရဴဝွံ ဩဝ်ဟီုအိုတ်ညိ” ရဴဝွံ သ္ဂးကဵုခမဳဂမၠိုၚ်ရ။
“ခိုဟ်သန်ရ ယွံတဳလပိုဉ်” ရဴဝွံ ခမဳဂမၠိုၚ် ဒုၚ်ဝန် ကုတဳလမၞုံပိုဉ်ကျာ်တြဲတုဲ ပြာပ်အာဇရေၚ် ခမဳအဿဇိပုနဗ္ဗသုကဂမၠိုၚ်တုဲ “ယွံကောန်တၠတအ် တဳလမၞုံပိုဉ်ကျာ်တြဲ မွဲဟာန်ကေုာံခမဳသၚ်ဂမၠိုၚ်မဂၠိုၚ် မၞုံဗၞတ်မသုန်ကၠံကီု မွဲဟာန်ကေုာံသာရိပိုတ် မောဂ္ဂလာန်ဂမၠိုၚ်ကီု က္ညကၠုၚ်ကဳဋာဂိရိရ။ သွက်တဳလမၞုံပိုဉ်ကျာ်တြဲကီု သွက်ခမဳသၚ်ကီု သွက်တဳလပိုဉ်သာရိပိုတ် မောဂ္ဂလာန်ဂမၠိုၚ်ကီု ဩဝ်လးကဵုဘာသၞာသတိက်သၞာဒၟံၚ်အိုတ်ညိ” ရဴဝွံ သ္ဂးကဵုခမဳအဿဇိပုနဗ္ဗသုကဂမၠိုၚ်ရ။
ယွံကောန်တၠတအ် ဘာသၞာသတိက်သၞာဒၟံၚ်သၚ် ဟွံမွဲရ၊ အလုံအိုတ်သီုဂှ် ပိုဲညးဂမၠိုၚ် ပါ်ပရအ်ထောံတုဲရ၊ ယွံကောန်တၠတအ် ပွမက္ညကၠုၚ် တဳလမၞုံပိုဉ်ကျာ်တြဲဂှ် ဒှ်ပွမက္ညကၠုၚ်ခိုဟ်ဆာဲရ၊ တဳလမၞုံပိုဉ်ကျာ်တြဲ ကြက်ပဒတဴ ဘာမၞုံပၟိက်ဂှ်ရ၊ သာရိပိုတ်မောဂ္ဂလာန်ဂမၠိုၚ် မၞုံပၟိက်ဆန္ဒယုတ်မာအိုတ်ရ၊ ဗက်လိုက်ပၟိက်ဓရ်မယုတ်သဝ်ဂမၠိုၚ်အိုတ်ရ၊ ပိုဲညးဂမၠိုၚ် လးကဵုဘာသၞာသတိက်သၞာဒၟံၚ် သွက်သာရိပိုတ်မောဂ္ဂလာန်ဂမၠိုၚ်ဂှ် ဟွံမာန်အိုတ်ရ” ရဴဝွံ ဟီုသ္ဂးအိုတ်ရ။
ယွံကောန်တၠတအ် မၞးတအ်ညးဂမၠိုၚ် ပါ်ပရအ်ထောံ ဘာသၞာသတိက်သၞာဒၟံၚ်သၚ်အိုတ်ဟာ ရဴဝွံ (သၟာန်အိုတ်ရ)။ ဍာံပြရ ယွံကောန်တၠတအ် ရဴဝွံ (ဟီုသ္ဂးအိုတ်ရ)။ ခမဳပၟိက်အောန်ဂမၠိုၚ်ဂှ် “မုဟိုတ် ခမဳအဿဇိပုနဗ္ဗသုကဂမၠိုၚ် ပါ်ပရအ်ထောံ ဘာသၞာသတိက်သၞာဒၟံၚ်သၚ်အိုတ်ရော?” ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။ ပ္ဍဲအခိၚ်ဂှ် ခမဳဂမၠိုၚ်ဂှ် ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ ။ပ ။
ယွံခမဳတအ် ဍာံပြဟာ ။ ပ ။ ဍာံပြရ ယွံကျာ်မၞုံပိုဉ် ရဴဝွံ (ဂရၚ်ပတီအိုတ်ရ)။ တဳလမၞုံပိုဉ်ကျာ်တြဲ မပတၠပိုဉ်တြဴပြကာ ဟီုဂရိုဟ်အိုတ်ရ၊ ယွံခမဳတအ် တြုံမဒှ်လ္ၚုသၟး (နူမဂ်ဖိုလ်) ဂမၠိုၚ်ဂှ် မုဟိုတ် ပါ်ပရအ်ထောံ ဘာသၞာသတိက်သၞာဒၟံၚ် သၚ်အိုတ်ရော?၊ ယွံခမဳတအ် (ပွခမဳဂမၠိုၚ် သ္ပဒးဝွံ) ကုညးဟွံလျုၚ်ဇြုၚ်သ္ဍိုက်ဂမၠိုၚ်ဏီ တၞဟ်နပွမကဵုလျုၚ်ဇြုၚ်သ္ဍိုက်ကီု ။ ပ ။ ဟီုဂရိုဟ်တုဲ ။ ပ ။ တွံကဵုဂလာန်ဓရ်တုဲမ္ဂး သ္ဂးကဵုခမဳဂမၠိုၚ်ရ။ ယွံခမဳတအ် ကပေါတ်ဒြပ် ဟွံထေက်ကဵုပါ်ပရအ်ဂမၠိုၚ် မသုန်သာ်ဝွံ သၚ်ကီု ဂိုဏ်ကီု ပူဂိုလ်ကီု ဟွံထေက်ကဵုပါ်ပရအ်အိုတ်ရ၊ ၜိုန်ပါ်ပရအ်လေဝ် ဟွံဒှ်ပါ်ပရအ်အိုတ်ရ၊ ကုခမဳမပါ်ပရအ်ဂှ် ဒးအာပတ်ထုလ္လစ္စယ်ရ။
ကပေါတ်ဒြပ်ဂမၠိုၚ်ဂှ်တုန် ညးဍေံအိုတ်ဂှ်ရော?။
အာရှာမ် ဂအာၚ်အာရှာမ်၊ ဣဝွံတုန် ဂကောံကပေါတ်ဒြပ် ဟွံထေက်ကဵုပါ်ပရအ်ပဌမရ၊ သၚ်ကီု ဂိုဏ်ကီု ပူဂိုလ်ကီု ဟွံထေက်ကဵုပါ်ပရအ်ရ၊ ၜိုန်ပါ်ပရအ်လေဝ် ဟွံဒှ်ပါ်ပရအ်ရ၊ ကုခမဳ မပါ်ပရအ်ဂှ် ဒးအာပတ်ထုလ္လစ္စယ်ရ။
ဘာ ဂအာၚ်ဘာ၊ ဣဝွံတုန် ဂကောံကပေါတ်ဒြပ် ဟွံထေက်ကဵုပါ်ပရအ်ဒုတိယရ၊ သၚ်ကီု ဂိုဏ်ကီု ပူဂိုလ်ကီု ဟွံထေက်ကဵုပါ်ပရအ်ရ၊ ၜိုန်ပါ်ပရအ်လေဝ် ဟွံဒှ်ပါ်ပရအ်ရ၊ ကုခမဳ မပါ်ပရအ်ဂှ် ဒးအာပတ်ထုလ္လစ္စယ်ရ။
ဇံၚ် ဂတဵု ဖုန် ဂၞဳ၊ ဣဝွံတုန် ဂကောံကပေါတ်ဒြပ် ဟွံထေက်ကဵုပါ်ပရအ်တတိယရ၊ သၚ်ကီု ဂိုဏ်ကီု ပူဂိုလ်ကီု ဟွံထေက်ကဵုပါ်ပရအ်ရ၊ ၜိုန်ပါ်ပရအ်လေဝ် ဟွံဒှ်ပါ်ပရအ်ရ၊ ကုခမဳ မပါ်ပရအ်ဂှ် ဒးအာပတ်ထုလ္လစ္စယ်ရ။
နုၚ်ဗရိုတ် ဇရဳဗရိုတ်ဇၞော် ဇရဗရိုတ် ကၠာၚ်ဗရိုတ် ဝါစဳ(ဗဗဴ) မုဲ မြပံၚ် ကွဵုဇၜံက်ပၞုတ်၊ ဣဝွံတုန် ဂကောံကပေါတ်ဒြပ် ဟွံထေက်ကဵုပါ်ပရအ်စတုတ္ထရ၊ သၚ်ကီု ဂိုဏ်ကီု ပူဂိုလ်ကီု ဟွံထေက်ကဵုပါ်ပရအ်ရ၊ ၜိုန်ပါ်ပရအ်လေဝ် ဟွံဒှ်ပါ်ပရအ်ရ၊ ကုခမဳ မပါ်ပရအ်ဂှ် ဒးအာပတ်ထုလ္လစ္စယ်ရ။
ဇုက်လွာ ဒုန် ကၟတ်ဇပူ ကၟာစာဗဲ ချောဲ တိကမၠေတ် ကယျာဆု ကယျာတိ ဣဝွံတုန် ဂကောံကပေါတ်ဒြပ် ဟွံထေက်ကဵုပါ်ပရအ်ပဉ္စမရ၊ သၚ်ကီု ဂိုဏ်ကီု ပူဂိုလ်ကီု ဟွံထေက်ကဵုပါ်ပရအ်ရ၊ ၜိုန်ပါ်ပရအ်လေဝ် ဟွံဒှ်ပါ်ပရအ်ရ၊ ကုခမဳ မပါ်ပရအ်ဂှ် ဒးအာပတ်ထုလ္လစ္စယ်ရ။ ယွံခမဳတအ် ကပေါတ်ဒြပ် ဟွံထေက်ကဵုပါ်ပရအ်ဂမၠိုၚ် မသုန်သာ်ဝွံ သၚ်ကီု ဂိုဏ်ကီု ပူဂိုလ်ကီု ဟွံထေက်ကဵုပါ်ပရအ်အိုတ်ရ၊ ၜိုန်ပါ်ပရအ်လေဝ် ဟွံဒှ်ပါ်ပရအ်အိုတ်ရ၊ ကုခမဳ မပါ်ပရအ်ဂှ် ဒးအာပတ်ထုလ္လစ္စယ်ရ ရဴဝွံ (သ္ဂးရ)။
====၆.၃.၃။ စၞောန်ထ္ၜးကဵု ဒးကဵုကေင်ကာတၟိ====
၃၂၃။ ပ္ဍဲအခိၚ်ဂှ် တဳလမၞုံပိုဉ်ကျာ်တြဲ သ္ပဒတဴတန်ဒၟံၚ် ပ္ဍဲဇနပိုဒ်ကဳဋာဂိရိ ဗၞတ်မမိပ်လဟိၚ်တုဲမ္ဂး အတိုၚ်လၟေၚ်လၟေၚ် က္ညဂ္ၚေၚ်အာဒေသစာရိတ်မ္ဂး စိုပ်ကၠုၚ်ဍုၚ်အာဠဝဳတုဲ သ္ပဒတဴတန်ဒၟံၚ် ပ္ဍဲသ္ၚိဗယိအဂ္ဂါဠဝ ဇရေၚ်ဍုၚ်အာဠဝဳဂှ်ရ။ ပ္ဍဲအခိၚ်ဂှ် ခမဳကောန်ဍုၚ်အာဠဝဳဂမၠိုၚ် ကဵုတဴကေၚ်ကာတၟိဂမၠိုၚ် မၞုံသဘဴရဴသာ်ဝွံအိုတ်ရ။ နအယာံမာတ်ထၟံက်ခန်အၚ်္ဂဒဵုလေဝ် ကဵုတဴကေၚ်ကာတၟိအိုတ်ရ၊ နအယာံမာတ်လံက်လေတ်ဗ္ဒၚ်လေဝ် ကဵုတဴကေၚ်ကာတၟိအိုတ်ရ၊ နအယာံမာတ်ဗ္ဂပ်တြၚ်လေဝ် ကဵုတဴကေၚ်ကာတၟိအိုတ်ရ၊ နအယာံမာတ်မသ္ပဇဵု တိုၚ်တြၚ်လေဝ် ကဵုတဴကေၚ်ကာတၟိအိုတ်ရ၊ နအယာံမာတ်မသ္ပဗတၚ်ကျာလေဝ် ကဵုတဴကေၚ်ကာတၟိအိုတ်ရ၊ နအယာံမာတ်မလံက်သာ်ဗုလေဝ် ကဵုတဴကေၚ်ကာတၟိအိုတ်ရ၊ နအယာံမာတ်မလံက်သာ်လမ္စံက်လေဝ် ကဵုတဴကေၚ်ကာတၟိအိုတ်ရ၊ နအယာံမာတ်မဖ္ဍုက်ဖ္ဍေက်ဆီတၟံလေဝ် ကဵုတဴကေၚ်ကာတၟိအိုတ်ရ၊ နအယာံမာတ်မစၟဳလေဝ် ကဵုတဴကေၚ်ကာတၟိအိုတ်ရ၊ နအယာံမာတ်မဒက်စၟဳလေဝ် ကဵုတဴကေၚ်ကာတၟိအိုတ်ရ၊ နအယာံမာတ်မစွံသ္ၚိဖရာပ်လေဝ် ကဵုတဴကေၚ်ကာတၟိအိုတ်ရ၊ နအယာံမာတ်ပဠေဝ်ပဠေတ် ကဝ်သကုတ်လေဝ် ကဵုတဴကေၚ်ကာတၟိအိုတ်ရ၊ နအယာံမာတ်မလံက်လေတ်အိက်ဂၠဴ ဍာ်ဗစိုတ်လေဝ် ကဵုတဴကေၚ်ကာတၟိအိုတ်ရ၊ စဵုကဵုသၞာံၜါစှော်သၞာံလေဝ် ကဵုတဴကေၚ်ကာတၟိအိုတ်ရ၊ စဵုကဵုသၞာံပိစှော်သၞာံလေဝ် ကဵုတဴကေၚ်ကာတၟိအိုတ်ရ၊ စဵုကဵုလအိတ်လမျီုလေဝ် ကဵုတဴကေၚ်ကာတၟိအိုတ်ရ၊ စဵုကဵုယေက်ပၟတ်အိုတ်လေဝ် သွက်ဘာမစိုပ်ဒတုဲတုဲဂှ် ကဵုတဴကေၚ်ကာတၟိအိုတ်ရ။
ခမဳပၟိက်အောန်ဂမၠိုၚ်ဂှ် “ခမဳကောန်ဍုၚ်အာဠဝဳဂမၠိုၚ် မုဟိုတ် ကဵုတဴကေၚ်ကာတၟိဂမၠိုၚ် မၞုံသဘဴရဴဝွံအိုတ်ရော?။ နအယာံမာတ်ထၟံက်ခန်အၚ်္ဂဒဵုလေဝ် မုဟိုတ် ကဵုတဴကေၚ်ကာတၟိအိုတ်ရော၊ နအယာံမာတ်လံက်လေတ်ဗ္ဒၚ်လေဝ်။ နအယာံမာတ်ဗ္ဂပ်တြၚ်လေဝ်။ နအယာံမာတ်မသ္ပဇဵု၊ တိုၚ်တြၚ်လေဝ်။ နအယာံမာတ်မသ္ပဗတၚ်ကျာလေဝ်။ နအယာံမာတ်မလံက်သာ်ဗုလေဝ်။ နအယာံမာတ် မလံက်သာ်လမ္စံက်လေဝ်။ နအယာံမာတ် မဖ္ဍုက်ဖ္ဍေက်ဆီတၟံလေဝ်။ နအယာံမာတ်မစၟဳလေဝ်။ နအယာံမာတ်မဒက်စၟဳလေဝ်။ နအယာံမာတ်မစွံသ္ၚိဖရာပ်လေဝ်။ နအယာံမာတ်ပဠေဝ်ပဠေတ် ကဝ်သကုတ်လေဝ်။ နအယာံမာတ်မလံက်လေတ်အိက်ဂၠဴ ဍာ်ဗစိုတ်လေဝ်။ စဵုကဵုသၞာံၜါစှော်သၞာံလေဝ်။ စဵုကဵုသၞာံပိစှော်သၞာံလေဝ်။ စဵုကဵုလအိတ်လမျီုလေဝ်။ စဵုကဵုယေက်ပၟတ်အိုတ်လေဝ် သွက်ဘာမစိုပ်ဒတုဲတုဲဂှ် မုဟိုတ် ကဵုတဴကေၚ်ကာတၟိအိုတ်ရော?။ ရဴဝွံ ဟီုဂရိုဟ်အိုတ်ရ၊ ပျုတ်ဗ္ဒေက်အိုတ်ရ၊ ဟီုထ္ၜးဒုဟ်အိုတ်ရ။
ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ ။ ပ ။ ယွံခမဳတအ် ဍာံပြဟာ ။ ပ ။ ဍာံပြရ ယွံကျာ်မၞုံပိုဉ် ရဴဝွံ (ဂရၚ်ပတီအိုတ်ရ) ။ ပ ။ ဟီုဂရိုဟ်တုဲ ။ ပ ။ တွံကဵုဂလာန်ဓရ်တုဲမ္ဂး—
“ယွံခမဳတအ် နအယာံမာတ်ထၟံက်ခန်အၚ်္ဂဒဵုလေဝ် ဟဂပ်ဝ်ကဵုကေၚ်ကာတၟိရ ။ ပ ။ နအယာံမာတ်လံက်လေတ်ဗ္ဒၚ် ဟဂပ်ဝ်ကဵုကေၚ်ကာတၟိရ။ နအယာံမာတ်ဗ္ဂပ်တြၚ် ဟဂပ်ဝ်ကဵုကေၚ်ကာတၟိရ။ နအယာံမာတ်မသ္ပဇဵုတြၚ်၊ တိုၚ်တြၚ် ဟဂပ်ဝ်ကဵုကေၚ်ကာတၟိရ။ နအယာံမာတ် မသ္ပဗတၚ်ကျာ ဟဂပ်ဝ်ကဵုကေၚ်ကာတၟိရ။ နအယာံမာတ်မလံက်သာ်ဗု ဟဂပ်ဝ်ကဵုကေၚ်ကာတၟိရ။ နအယာံမာတ်မလံက်သာ်လမ္စံက် ဟဂပ်ဝ်ကဵုကေၚ်ကာတၟိရ။ နအယာံမာတ်မဖ္ဍုက်ဖ္ဍေက်ဆီတၟံ ဟဂပ်ဝ်ကဵုကေၚ်ကာတၟိရ။ နအယာံမာတ်မစၟဳ ဟဂပ်ဝ်ကဵုကေၚ်ကာတၟိရ။ နအယာံမာတ်မဒက်စၟဳ ဟဂပ်ဝ်ကဵုကေၚ်ကာတၟိရ။ နအယာံမာတ်မစွံသ္ၚိဖရာပ် ဟဂပ်ဝ်ကဵုကေၚ်ကာတၟိရ။ နအယာံမာတ်ပဠေဝ်ပဠေတ်ကဝ်သကုတ် ဟဂပ်ဝ်ကဵုကေၚ်ကာတၟိရ၊ နအယာံမာတ်မလံက်လေတ်အိက်ဂၠဴ ဍာ်ဗစိုတ် ဟဂပ်ဝ်ကဵုကေၚ်ကာတၟိရ။ စဵုကဵုသၞာံၜါစှော်သၞာံလေဝ် ဟဂပ်ဝ်ကဵုကေၚ်ကာတၟိရ။ စဵုကဵုသၞာံပိစှော်သၞာံလေဝ် ဟဂပ်ဝ်ကဵုကေၚ်ကာတၟိရ၊ စဵုကဵုလအိတ်လမျီုလေဝ် ဟဂပ်ဝ်ကဵုကေၚ်ကာတၟိရ။ စဵုကဵုယေက်ပၟတ်အိုတ်လေဝ် သွက်ဘာမစိုပ်ဒတုဲတုဲဂှ် ဟဂပ်ဝ်ကဵုကေၚ်ကာတၟိရ၊ ကုခမဳမကဵုဂှ် ဒးအာပတ်ဒုက္ကဋ်ရ။
ယွံခမဳတအ် ကဵုအခေါၚ် ကေၚ်ကာတၟိ မဟဂပ်ဝ်သ္ပဏီကီု ကေၚ်ကာတၟိ မသ္ပဟွံစိုပ်ဒတုဲဏီကီုရ ရဴဝွံ (သ္ဂးရ)။
ပ္ဍဲဘာမဍောတ်ဂှ် သ္ၚေဝ်ရံၚ်ကမၠောန်တုဲ တၞဟ်နကဵုကေၚ်ကာတၟိ စဵုကဵုမသုန်သၞာံ တြဴသၞာံကီု ပ္ဍဲဘာဖျေံစၟဳမွဲလပါ်ဂှ် သ္ၚေဝ်ရံၚ်ကမၠောန်တုဲ တၞဟ်နကဵုကေၚ်ကာတၟိ စဵုကဵုထပှ်သၞာံ ဒ္စံါသၞာံကီု ပ္ဍဲဘာမဇၞော်ဂှ် သ္ၚေဝ်ရံၚ်ကမၠောန်တုဲ တၞဟ်နကဵုကေၚ်ကာတၟိ စဵုကဵုစှ်သၞာံ စှ်ၜါသၞာံကီုဂှ် ကဵုအခေါၚ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဂမၠိုၚ် သွက်ဘာဂမၠိုၚ်အိုတ်သီု ကဵုတဴကေၚ်ကာတၟိအိုတ်ရ။ ဂရၚ်ပတီဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ်သွက်ဘာဂမၠိုၚ်အိုတ်သီု ဟဂပ်ဝ် ကဵုကေၚ်ကာတၟိရ၊ကုခမဳမကဵုဂှ်ဒးအာပတ်ဒုက္ကဋ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဂမၠိုၚ်ကဵုတဴဘာဂမၠိုၚ်ၜါမ ကုခမဳမွဲဇကုဓဝ်အိုတ်ရ။ ဂရၚ်ပတီဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ်သွက်ဘာဂမၠိုၚ်အိုတ်သီု ဟဂပ်ဝ်ကဵုကေၚ်ကာတၟိရ၊ ကုခမဳမကဵုဂှ်ဒးအာပတ်ဒုက္ကဋ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဂမၠိုၚ်ကဵုတဴဘာဂမၠိုၚ်ၜါမ ကုခမဳမွဲဇကုအိုတ်ရ။ ဂရၚ်ပတီဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ်ဟဂပ်ဝ်ကဵုဘာဂမၠိုၚ်ၜါကုခမဳဇကုဓဝ်ရ၊ ကုခမဳမကဵုဂှ် ဒးအာပတ်ဒုက္ကဋ်ရရဴဝွံ (သ္ဂးရ)။
ပ္ဍဲအခိၚ်ဂှ် ခမဳဂမၠိုၚ်ဂိုၚ်ကေတ်ကေၚ်ကာတၟိတုဲမ္ဂး ကဵုခမဳမွဲဇကု ပဒတဴအိုတ်ရ။ဂရၚ်ပတီဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ်ဂိုၚ်ကေတ်ကေၚ်ကာတၟိတုဲမ္ဂး ဟဂပ်ဝ်ကဵုခမဳမွဲသအာၚ် ပဒတဴရ၊ကဵုခမဳမကဵုပဒတဴဂှ် ဒးအာပတ်ဒုက္ကဋ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဂမၠိုၚ်ဂိုၚ်ကေတ်ကေၚ်တာတၟိတုဲမ္ဂး ဆေဝ်ဒဝ်ကၠေံ ဘာသၚ်အိုတ်ရ။ဂရၚ်ပတီဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ်ဂိုၚ်ကေတ်တၟိကေၚ်ကာတုဲမ္ဂး ဟဂပ်ဝ်ဆေဝ်ဒဝ်ကၠေံ ဘာသၚ်ရ၊ကုခမဳမဆေဝ်ဒဝ်ဂှ် ဒးအာပတ်ဒုက္ကဋ်ရ။ ယွံခမဳတအ်ကဵုအခေါၚ်သွက်ဂွံဂိုၚ်ကေတ် သၞာသတိက်သၞာဒၟံၚ်မပြဲမွဲရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဂမၠိုၚ်ကဵုတဴကေၚ်ကာတၟိ ကုခမဳမတန်တဴ ပ္ဍဲမ္ၚးသိမ်အိုတ်ရ။ဂရၚ်ပတီဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ်ဟဂပ်ဝ်ကဵုကေၚ်ကာတၟိ ကုခမဳမတန်တဴ ပ္ဍဲမ္ၚးသိမ်ရ၊ကုခမဳမကဵုဂှ်ဒးအာပတ်ဒုက္ကဋ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဂမၠိုၚ်ဂိုၚ်ကေတ်ကေၚ်ကာတၟိတုဲမ္ဂး အခါကာလအိုတ်သီု ဆေဝ်ဒဝ်အိုတ်ရ။ဂရၚ်ပတီဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ်ဂိုၚ်ကေတ်ကေၚ်ကာတၟိတုဲမ္ဂး အခါကာလအိုတ်သီု ဟဂပ်ဝ်ဆေဝ်ဒဝ်ရ၊ကုခမဳမဆေဝ်ဒဝ်ဂှ် ဒးအာပတ်ဒုက္ကဋ်ရ။
ယွံခမဳတအ် လုကဴဂိတုဗြဲပိဂိတုဂမၠိုၚ်ကဵုအခေါၚ်တၞဟ်နဆေဝ်ဒဝ်ရ၊ ပ္ဍဲဥတုမုဟ်ကျာ ဥတုက္ညၚ်ဂမၠိုၚ်တုန်ဟွံကဵုအခေါၚ်တၞဟ်နဆေဝ်ဒဝ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဂမၠိုၚ်ဂိုၚ်ကေတ်ကေၚ်ကာတၟိတုဲမ္ဂး စ္ဍးလေဝ် စ္ဍးအာဌာန်သအာၚ်အိုတ်ရ။ခရှ်လေဝ်ရာမ်တိတ်အိုတ်ရ။ ချိုတ်လေဝ်ချိုတ်အိုတ်ရ။ ရဴဝွံမ္ဂးသာမဏဳဂမၠိုၚ်လေဝ်ဒုၚ်ဝန်အိုတ်ရ။ ရဴဝွံမ္ဂးညးသၠးကၠေံသိက္ခာဂမၠိုၚ်လေဝ် ဒုၚ်ဝန်အိုတ်ရ။ရဴဝွံမ္ဂးညးအာစိုပ်ပါရာဇ်ဂမၠိုၚ်လေဝ် ဒုၚ်ဝန်အိုတ်ရ။ ရဴဝွံမ္ဂးညးကြအ်ဥမ္မတ်လေဝ်ဂမၠိုၚ်လေဝ် ဒုၚ်ဝန်အိုတ်ရ။ ရဴဝွံမ္ဂးညးစိုတ်ကလှ်လဖှ်ဂမၠိုၚ်လေဝ် ဒုၚ်ဝန်အိုတ်ရ။ ရဴဝွံမ္ဂးညးဝေဒနာပ္ဍဵုပ္ဍိုက်ဂမၠိုၚ်လေဝ် ဒုၚ်ဝန်အိုတ်ရ။ ရဴဝွံမ္ဂးညးဒးဒုၚ်ဗက်ပတိတ်ထောံဟိုတ်မဟွံမၠာ်သ္ၚေဝ်အာပတ်ဂမၠိုၚ်လေဝ် ဒုၚ်ဝန်အိုတ်ရ။ ရဴဝွံမ္ဂးညးဒးဒုၚ်ဗက်ပတိတ်ထောံဟိုတ်မဟွံဇအုဲဇဗဝဳဗလးအာပတ်ဂမၠိုၚ်လေဝ် ဒုၚ်ဝန်အိုတ်ရ။ ရဴဝွံမ္ဂးညးဒးဒုၚ်ဗက်ပတိတ်ထောံ ဟိုတ်မဟွံသၠးကၠေံ ကွေတ်မယုတ်မာဂမၠိုၚ်လေဝ် ဒုၚ်ဝန်အိုတ်ရ။ ရဴဝွံမ္ဂး ခမၞုဲဂမၠိုၚ်လေဝ် ဒုၚ်ဝန်အိုတ်ရ။ ရဴဝွံမ္ဂးညးကၠတ်ပံၚ်ဖက်ဂမၠိုၚ်လေဝ် ဒုၚ်ဝန်အိုတ်ရ။ ရဴဝွံမ္ဂးညးပြံၚ်အာဗော်တဳဂမၠိုၚ်လေဝ် ဒုၚ်ဝန်အိုတ်ရ။ ရဴဝွံမ္ဂးတိရစ္ဆာန်ဂမၠိုၚ်လေဝ် ဒုၚ်ဝန်အိုတ်ရ။ ရဴဝွံမ္ဂးညးဂစိုတ်မိဂမၠိုၚ်လေဝ် ဒုၚ်ဝန်အိုတ်ရ။ ရဴဝွံမ္ဂးညးဂစိုတ်မဂမၠိုၚ်လေဝ် ဒုၚ်ဝန်အိုတ်ရ။ ရဴဝွံမ္ဂးညးဂစိုတ်တၠအရှန်ဂမၠိုၚ်လေဝ် ဒုၚ်ဝန်အိုတ်ရ။ ရဴဝွံမ္ဂးညးပလီုပလာ်ခမဳဗြဴဂမၠိုၚ်လေဝ် ဒုၚ်ဝန်အိုတ်ရ။ ရဴဝွံမ္ဂးညးပါ်ဒကးသၚ်ဂမၠိုၚ်လေဝ် ဒုၚ်ဝန်အိုတ်ရ။ ရဴဝွံမ္ဂးညးသ္ပဇကုကျာ် ညံၚ်ဆီဂွံပ္ဍူအာဂမၠိုၚ်လေဝ် ဒုၚ်ဝန်အိုတ်ရ။ ရဴဝွံမ္ဂးဥဘတောဗျဉ်ဂမၠိုၚ်လေဝ် ဒုၚ်ဝန်အိုတ်ရ။
ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ပ္ဍဲသာသနာဝွံ ခမဳဂှ် ဂိုၚ်ကေတ်ကေၚ်ကာတၟိတုဲ မိက်စ္ဍးအာမ္ဂး “လ္ပကဵုဟုတ်ယုတ် ကုသၚ်ညိ” ရဴဝွံ (ပၠုပ်စိုတ်တုဲ) ဒးကဵုထောံ ကုခမဳသအာၚ်ရ။
ယွံခမဳတအ် ပ္ဍဲသာသနာဝွံ ခမဳဂှ် ဂိုၚ်ကေတ်ကေၚ်ကာတၟိတုဲ ရာမ်တိတ်ခရှ်မ္ဂး ။ ပ ။ ချိုတ်အာမ္ဂး။ ဒုၚ်ဝန် ရဴဝွံမ္ဂးသာမဏဳမ္ဂး။ ဒုၚ်ဝန် ရဴဝွံမ္ဂးညးသၠးကၠေံသိက္ခာမ္ဂး။ ဒုၚ်ဝန် ရဴဝွံမ္ဂး ညးအာစိုပ်ပါရာဇ်မ္ဂး။ ဒုၚ်ဝန် ရဴဝွံမ္ဂးညးကြအ်ဥမ္မတ်မ္ဂး။ ဒုၚ်ဝန် ရဴဝွံမ္ဂးညးစိုတ်ကလှ်လဖှ်မ္ဂး။ ဒုၚ်ဝန် ရဴဝွံမ္ဂးညးဝေဒနာပ္ဍဵုပ္ဍိုက်မ္ဂး။ ဒုၚ်ဝန် ရဴဝွံမ္ဂးညးဒးဒုၚ်ဗက်ပတိတ်ထောံ ဟိုတ်မဟွံမၠာ်သ္ၚေဝ်အာပတ်မ္ဂး။ ဒုၚ်ဝန် ရဴဝွံမ္ဂးညးဒးဒုၚ်ဗက်ပတိတ်ထောံ ဟိုတ်မဟွံသၠးကၠေံ ကွေတ်မယုတ်မာမ္ဂး။ ဒုၚ်ဝန် ရဴဝွံမ္ဂးခမၞုဲမ္ဂး။ ဒုၚ်ဝန် ရဴဝွံမ္ဂးညးကၠတ်ပံၚ်ဖက်မ္ဂး။ ဒုၚ်ဝန် ရဴဝွံမ္ဂးညးပြံၚ်အာဗော်တဳမ္ဂး။ ဒုၚ်ဝန် ရဴဝွံမ္ဂးတိရစ္ဆာန်မ္ဂး။ ဒုၚ်ဝန် ရဴဝွံမ္ဂးညးဂစိုတ်မိမ္ဂး။ ဒုၚ်ဝန် ရဴဝွံမ္ဂးညးဂစိုတ်မမ္ဂး။ ဒုၚ်ဝန် ရဴဝွံမ္ဂးညးဂစိုတ်တၠအရှန်မ္ဂး။ ဒုၚ်ဝန် ရဴဝွံမ္ဂးညးပလီုပလာ်ခမဳဗြဴမ္ဂး။ ဒုၚ်ဝန် ရဴဝွံမ္ဂးညးပါ်ဒကးသၚ်မ္ဂး။ ဒုၚ်ဝန် ရဴဝွံမ္ဂးညးသ္ပဇကုကျာ် ညံၚ်ဆီဂွံပ္ဍူအာမ္ဂး။ ဒုၚ်ဝန် ရဴဝွံမ္ဂးဥဘတောဗျဉ်မ္ဂး၊ “လ္ပကဵုဟုတ်ယုတ် ကုသၚ်ညိ” ရဴဝွံ (ပၠုပ်စိုတ်တုဲ) ဒးကဵုထောံ ကုခမဳသအာၚ်ရ။
ယွံခမဳတအ် ပ္ဍဲသာသနာဝွံ ခမဳဂှ် ဂိုၚ်ကေတ်ကေၚ်ကာတၟိတုဲ ကိုပ်ကၠာဟွံစိုပ်ဒတုဲဏီ စ္ဍးအာမ္ဂး “လ္ပကဵုဟုတ်ယုတ် ကုသၚ်ညိ” ရဴဝွံ (ပၠုပ်စိုတ်တုဲ) ဒးကဵုထောံ ကုခမဳသအာၚ်ရ။
ယွံခမဳတအ် ပ္ဍဲသာသနာဝွံ ခမဳဂှ် ဂိုၚ်ကေတ်ကေၚ်ကာတၟိတုဲ ကိုပ်ကၠာဟွံစိုပ်ဒတုဲဏီ ရာံတိတ်ခရှ်မ္ဂး ။ ပ ။ ဒုၚ်ဝန် ရဴဝွံမ္ဂးဥဘတောဗျဉ်မ္ဂး၊ “လ္ပကဵုဟုတ်ယုတ် ကုသၚ်ညိ” ရဴဝွံ (ပၠုပ်စိုတ်တုဲ) ဒးကဵုထောံ ကုခမဳသအာၚ်ရ။
ယွံခမဳတအ် ပ္ဍဲသာသနာဝွံ ခမဳဂှ် ဂိုၚ်ကေတ်ကေၚ်ကာတၟိတုဲ စိုပ်ဒတုဲတုဲမှ စ္ဍးအာမ္ဂး ဘာဂှ် ဒှ်ဘာခမဳဂှ်ဟေၚ်ရ။
ယွံခမဳတအ် ပ္ဍဲသာသနာဝွံ ခမဳဂှ် ဂိုၚ်ကေတ်ကေၚ်ကာတၟိတုဲ စိုပ်ဒတုဲတုဲမှ ရာမ်တိတ်ခရှ်မ္ဂး ။ ပ ။ ချိုတ်အာမ္ဂး။ ဒုၚ်ဝန် ရဴဝွံမ္ဂးသာမဏဳမ္ဂး။ ဒုၚ်ဝန် ရဴဝွံမ္ဂးညးသၠးကၠေံသိက္ခာမ္ဂး။ ဒုၚ်ဝန် ရဴဝွံမ္ဂး ညးအာစိုပ်ပါရာဇ်မ္ဂး၊ သၚ် ဒှ်တၠရ။
ယွံခမဳတအ် ပ္ဍဲသာသနာဝွံ ခမဳဂှ် ဂိုၚ်ကေတ်ကေၚ်ကာတၟိတုဲ စိုပ်ဒတုဲတုဲမှ ဒုၚ်ဝန် ရဴဝွံမ္ဂးညးကြအ်ဥမ္မတ်မ္ဂး။ ဒုၚ်ဝန် ရဴဝွံမ္ဂးညးစိုတ်ကလှ်လဖှ်မ္ဂး။ ဒုၚ်ဝန် ရဴဝွံမ္ဂးညးဝေဒနာပ္ဍဵုပ္ဍိုက်မ္ဂး။ ဒုၚ်ဝန် ရဴဝွံမ္ဂးညးဒးဒုၚ်ဗက်ပတိတ်ထောံ ဟိုတ်မဟွံမၠာ်သ္ၚေဝ်အာပတ်မ္ဂး။ ဒုၚ်ဝန် ရဴဝွံမ္ဂးညးဒးဒုၚ်ဗက်ပတိတ်ထောံ ဟိုတ်မဟွံသၠးကၠေံ ကွေတ်မယုတ်အာမ္ဂး၊ ဘာဂှ် ဒှ်ဘာခမဳဂှ်ဟေၚ်ရ။
ယွံခမဳတအ် ပ္ဍဲသာသနာဝွံ ခမဳဂှ် ဂိုၚ်ကေတ်ကေၚ်ကာတၟိတုဲ စိုပ်ဒတုဲတုဲမှ ဒုၚ်ဝန် ရဴဝွံမ္ဂးခမၞုဲမ္ဂး။ ဒုၚ်ဝန် ရဴဝွံမ္ဂးညးကၠတ်ပံၚ်ဖက်မ္ဂး။ ဒုၚ်ဝန် ရဴဝွံမ္ဂးညးပြံၚ်အာဗော်တဳမ္ဂး။ ဒုၚ်ဝန် ရဴဝွံမ္ဂးတိရစ္ဆာန်မ္ဂး။ ဒုၚ်ဝန် ရဴဝွံမ္ဂးညးဂစိုတ်မိမ္ဂး။ ဒုၚ်ဝန် ရဴဝွံမ္ဂးညးဂစိုတ်မမ္ဂး။ ဒုၚ်ဝန် ရဴဝွံမ္ဂးညးဂစိုတ်တၠအရှန်မ္ဂး။ ဒုၚ်ဝန် ရဴဝွံမ္ဂးညးပလီုပလာ်ခမဳဗြဴမ္ဂး။ ဒုၚ်ဝန် ရဴဝွံမ္ဂးညးပါ်ဒကးသၚ်မ္ဂး။ ဒုၚ်ဝန် ရဴဝွံမ္ဂးညးသ္ပဇကုကျာ် ညံၚ်ဆီဂွံပ္ဍူအာမ္ဂး။ ဒုၚ်ဝန် ရဴဝွံမ္ဂးဥဘတောဗျဉ်မ္ဂး၊ သၚ်ဒှ်တၠရ။
====၆.၃.၄။ မပတမ်ပွမပါဲကၠေံ ပွမရပ်စမ်သုၚ်စောဲ ပ္ဍဲဌာန်သအာၚ်====
၃၂၄။ ပ္ဍဲအခိၚ်ဂှ် ခမဳဂမၠိုၚ် သၞာသတိက်သၞာဒၟံၚ် မဒှ်ပြဘိုဂ်အသုၚ်အစောဲဘာ ဥပးမွဲတၠဂှ် သ္ပသုၚ်စောဲ ပ္ဍဲဘာမွဲသအာၚ်အိုတ်ရ၊ ပ္ဍဲအခိၚ်ဂှ် ဥပးဂှ် “မုဟိုတ် တဳလပိုဉ်မပြဲဂမၠိုၚ် ပြဘိုဂ်အသုၚ်အစောဲဘာမွဲသအာၚ်ဂှ် သ္ဂောံသ္ပအသုၚ်အစောဲ ပ္ဍဲဘာမွဲသအာၚ်အိုတ်ရော?” ရဴဝွံ ဟီုဂရိုဟ်ရ၊ ပျုတ်ဗ္ဒေက်ရ၊ ဟီုထ္ၜးဒုဟ်ရ၊ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ်ပြဘိုဂ်အသုၚ်အစောဲဘာမွဲသအာၚ်ဂှ် ဟဂပ်ဝ်အသုၚ်အစောဲ ပ္ဍဲဘာမွဲသအာၚ်ရ၊ကုခမဳမသုၚ်စောဲဂှ်ဒးအာပတ်ဒုက္ကဋ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဂမၠိုၚ်သွက်သ္ဂောံရၚ်တၠုၚ်နၚ် သ္ၚိရုၚ်ဥပေါသ် (သီ) ကီု ဌာန်သၚ်ကောံဓရီုကီုဂှ်မၞုံကဵု ‘သံသယကုက္ကုစ္စ’ ပွမချပ်သၠေဟ်ပၟာဂမၠိုၚ်ဒှ်တုဲ ဂဇအ်ဒၟံၚ်ပ္ဍဲလတူတိအိုတ်ရ၊ ဇကုကေုာံသ္ၚာဂမၠိုၚ်ကၠေဝ်ဗာန်ခၞိက်တိဂမၠိုၚ်ဒှ်အိုတ်ရ၊ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် တၞဟ်နရၚ်တၠုၚ်နၚ်ဗွဲဒြပ်ဂလေံလဝ်ဂှ် ကဵုအခေါၚ်ရရဴဝွံ (သ္ဂးရ)။
ပ္ဍဲအခိၚ်ဂှ် ဘာဇၞော်သၚ်သရိုဟ်စှေ်ရ၊ခမဳဂမၠိုၚ်မၞုံကဵု ‘သံသယကုက္ကုစ္စ’ ပွမချပ်သၠေဟ်ပၟာဂမၠိုၚ်ဒှ်တုဲ ဟွံရၚ်တၠုၚ် သၞာသတိက်သၞာဒၟံၚ်ဂမၠိုၚ်အိုတ်ရ။ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် တၞဟ်နရၚ်တၠုၚ်ဏာ သွက်ဂွံဂြောပ်ဗ္ဒန်ခိုၚ်ကၠိုက်ဂှ် ကဵုအခေါၚ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ယာတ်ကၟဝ်မထေက်တန်ၚုဟ်မး မဒှ်ပရိက္ခရာသုၚ်စောဲဘာ ကတဵုဒှ်ကၠုၚ်ကုသၚ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ်တၞဟ်နပွမလှာဲဂတး သွက်ဂွံဇၞော်မောဝ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ယာတ်မထေက်တန်ၚုဟ်မး မဒှ်ပရိက္ခရာသုၚ်စောဲဘာ ကတဵုဒှ်ကၠုၚ် ကုသၚ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် တၞဟ်နပွမလှာဲဂတး သွက်ဂွံဇၞော်မောဝ်ရ ရဴဝွံ (သ္ဂး)။
ပ္ဍဲအခိၚ်ဂှ် စၞာံကၟီ ကတဵုဒှ်ကၠုၚ် ကုသၚ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် တၞဟ်နသ္ပယာတ်ဇိုတ်ဇိုၚ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ကဝးဇုက်ဇိုတ်ဇိုၚ် (ကွိၚ်ဂြောပ်လဝ်ယာတ်ကၟဝ်) ကတဵုဒှ်ကၠုၚ် ကုသၚ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် တၞဟ်နသ္ပယာတ်ဇိုတ်ဇိုၚ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ယာတ်တမြံၚ် ကတဵုဒှ်ကၠုၚ် ကုသၚ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် တၞဟ်နသ္ပယာတ်ဇိုတ်ဇိုၚ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဂမၠိုၚ် လိုန်ဘာသၞာသတိက်သၞာဒၟံၚ် နဇိုၚ်ဂမၠိုၚ် မဟဂွံကြာတ်လဝ်ဂှ်ရ ဘာသၞာသတိက်သၞာဒၟံၚ် လီုလာ်အာရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ဟဂပ်ဝ်လိုန် ဘာသၞာသတိက်သၞာဒၟံၚ် နဇိုၚ်ဂမၠိုၚ် မဟဂွံကြာတ်လဝ်ရ။ ကုခမဳမလိုန်ဂှ် ဒးအာပတ်ဒုက္ကဋ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဂမၠိုၚ် လိုန်ဘာသၞာသတိက်သၞာဒၟံၚ် နဇိုၚ်ဂမၠိုၚ်မဍေက်ဂှ်ရ ဘာသၞာသတိက်သၞာဒၟံၚ် လီုလာ်အာရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ဟဂပ်ဝ်လိုန် ဘာသၞာသတိက်သၞာဒၟံၚ် နဇိုၚ်ဂမၠိုၚ်မဍေက်ရ၊ ကုခမဳမလိုန်ဂှ် ဒးအာပတ်ဒုက္ကဋ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဂမၠိုၚ် လိုန်ဘာသၞာသတိက်သၞာဒၟံၚ် မွဲဟာန်ကေုာံဒၞပ်ဂှ်ရ ဘာသၞာသတိက်သၞာဒၟံၚ် လီုလာ်အာရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ဟဂပ်ဝ်လိုန် ဘာသၞာသတိက်သၞာဒၟံၚ် မွဲဟာန်ကေုာံဒၞပ်ရ၊ ကုခမဳမလိုန်ဂှ် ဒးအာပတ်ဒုက္ကဋ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဂမၠိုၚ် ချဟ်စုတ်ဍာ်ပါၚ် ပ္ဍဲတိမသ္ပလဝ်ကလိတ်ကလောတ်ဂှ်ရ သာ်လီုလာ်အာရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ဟဂပ်ဝ်ချဟ်စုတ်ဍာ်ပါၚ် ပ္ဍဲတိမသ္ပလဝ်ကလိတ်ကလောတ်ရ၊ ကုခမဳမချဟ်စုတ်ဂှ် ဒးအာပတ်ဒုက္ကဋ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ဇိုၚ်ဇံၚ်ဂမၠိုၚ်ကီု ဇိုၚ်ဂတဵုဂမၠိုၚ်ကီု ခရက်ခရောဝ်ဒး ပ္ဍဲတိမသ္ပလဝ် ကလိတ်ကလ ောတ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် တၞဟ်နပူပါတ်နယာတ်တမြံၚ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဂမၠိုၚ် ဒလာဲဗ္ဒၚ် မသ္ပလဝ်ကလိတ်ကလောတ်ဂှ်ရ သာ်လီုလာ်အာရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ဟဂပ်ဝ်ဒလာဲဗ္ဒၚ်မသ္ပလဝ် ကလိတ်ကလောတ်ရ၊ ကုခမဳမဒလာဲဂှ် ဒးအာပတ်ဒုက္ကဋ်ရ။ ယွံခမဳတအ် ကဵုအခေါၚ် ဂတဵုဒလာဲရ ရဴဝွံ (သ္ဂးရ)။
ဂတဵုဒလာဲဂှ် နူလပါ်သၟဝ် ခရက်ခရောဝ်ဒး တိကီု နူလပါ်လတူ ခရက်ခရောဝ်ဒးဗ္ဒၚ်ကီုရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် နူသၟဝ်ကီု နူလတူကီု ကဵုအခေါၚ် တၞဟ်နပူပါတ်နယာတ်တမြံၚ်ရ ရဴဝွံ (သ္ဂးရ)။
ပ္ဍဲအခိၚ်ဂှ် ခမဳဂမၠိုၚ် ကြာတ်ဇိုၚ်တုဲဒှ်တုဲ တၞဟ်နတိက်ဂှ် မၞုံကဵု’သံသယကုက္ကုစ္စ’ ပွမချပ်သၠေဟ်ပၟာအိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ်လးတုဲ တၞဟ်နတိက်ရ ရဴဝွံ (သ္ဂးရ)။
====၆.၃.၅။ ကဵုအခေါၚ် မပတမ်သံဃဘတ်====
၃၂၅။ ပ္ဍဲအခိၚ်ဂှ် တဳလမၞုံပိုဉ်ကျာ်တြဲ သ္ပဒတန်ဒၟံၚ် ပ္ဍဲဍုၚ်အာဠဝဳ ဗၞတ်မမိပ်လဟိၚ်တုဲမ္ဂး အတိုၚ်လၟေၚ်လၟေၚ် က္ညဂ္ၚေၚ်အာဒေသစာရိတ်မ္ဂး စိုပ်ကၠုၚ်ဍုၚ်ရာဇဂြိုဟ်တုဲ သ္ပဒတဴတန်ဒၟံၚ် ပ္ဍဲဘာဝေဠုဝန် မဒှ်ဒၞာဲကဵုစၞ ကုယန်လမ္စံက်ဂမၠိုၚ် ဇရေၚ်ဍုၚ်ရာဇဂြိုဟ်ဂှ်ရ။ ပ္ဍဲအခိၚ်ဂှ် ဍုၚ်ရာဇဂြိုဟ် စၞစသုၚ်ဝါတ်ခါဲရ၊ မၞိဟ်ဂမၠိုၚ် ကၠောန်သ္ပသံဃဘတ် ဟွံမာန်ရ၊ နွံပၟိက်ကၠောန်သ္ပ ဥဒ္ဒေသဘတ်ကီု နိမန္တနဘတ်ကီု သလာကဘတ်ကီု ပက္ခိကဘတ်ကီု ဥပေါသထိကဘတ်ကီု ပါဋိပဒိကဘတ်ကီုအိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ကဵုအခေါၚ် သံဃဘတ်ကီု ဥဒ္ဒေသဘတ်ကီု နိမန္တနဘတ်ကီု သလာကဘတ်ကီု ပက္ခိကဘတ်ကီု ဥပေါသထိကဘတ်ကီု ပါဋိပဒိကဘတ်ကီုရ ရဴဝွံ (သ္ဂးရ)။
====၆.၃.၆။ ပွမကဵုသၟိတ် ဒဒှ်ခမဳ စၞောန်ထ္ၜးပိဏ္ဍပါတ်====
၃၂၆။ ပ္ဍဲအခိၚ်ဂှ် ခမဳဆဗ္ဗဂ္ဂဳဂမၠိုၚ် သွက်ဇကုတအ် ဂိုၚ်ကေတ် ဘတ်မပြဲဂမၠိုၚ်တုဲမ္ဂး ဘတ်မယုတ်ပရေအ်ဂမၠိုၚ်ဂှ် ကဵုကုခမဳဂမၠိုၚ်အိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ခမဳမဍိုက်ပေၚ်တဴ ကေုာံအၚ်္ဂဂမၠိုၚ် မသုန်သာ်ဂှ် ဒးသၟိၚ်ပတိုန် ရဴဝွံမ္ဂး ခမဳစၞောန်ထ္ၜး ပိဏ္ဍပါတ်ရ။
ခမဳဂှ် ဟွံဗက် ဆန္ဒာဂတိရ။
ဟွံဗက် ဒေါသာဂတိရ။
ဟွံဗက် မောဟာဂတိရ။
ဟွံဗက် ဘယာဂတိရ။
စၞောန်ထ္ၜးတုဲ ဟွံဂွံစၞောန်ထ္ၜးဏီလေဝ် လေပ်တီရ။
ယွံခမဳတအ် ရဴဝွံ ဒးသၟိတ်ရ၊ ဗွဲကိုပ်ကၠာ သ္ဒးအာတ်ပါန်အခေါၚ် ခမဳရ၊ အာတ်ပါန်အခေါၚ်တုဲပ္ဍဲကြဴ ခမဳစဳကၠးဆိုက်ဗ္ဒက်တုဲ မၞုံကဵုအစောံသတ္တိဂှ် သ္ဒးကဵုသၚ်တီရ—
“ယွဴတဳလပိုဉ်တအ် သၚ် ဩဝ်ကလၚ်မှိၚ် (ဂလာန်) အဲဍိက်ညိ၊ ကမ်မၞုံကဵုအခိၚ်မဗဗွဲ ကုသၚ် ယဝ်ဒှ်မ္ဂး၊ သၚ် သၟိတ်ပတိုန် ခမဳမၞုံယၟုဝွံ ရဴဝွံမ္ဂး ခမဳစၞောန်ထ္ၜးပိဏ္ဍပါတ်ရ၊ ဣဝွံတုန် ပွမကဵုတီရောၚ်။
ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ သၚ် သၟိတ်ပတိုန် ခမဳမၞုံယၟုဝွံ ရဴဝွံမ္ဂး ခမဳစၞောန်ထ္ၜးပိဏ္ဍပါတ်ရ၊ ယြဴကုတဳလပိုဉ်မွဲ မၞုံကဵုပွမသ္ဍိုက် ပွမသၟိတ်ပတိုန် ခမဳမၞုံယၟုဝွံ ရဴဝွံမ္ဂး ခမဳစၞောန်ထ္ၜးပိဏ္ဍပါတ်ရ၊ တဳလပိုဉ်ဂှ် သ္ဒးဒၟံၚ်သ္ၚိတ်သ္ၚိတ်ရ၊ ယြဴကုတဳလပိုဉ်မွဲ ဟွံမွဲကဵုပွမသ္ဍိုက်မၠိုက်ရ၊ တဳလပိုဉ်ဂှ် သ္ဒးဟီုတိုန်ရ။
သၚ် ဟဂပ်ဝ်သၟိတ်ပတိုန် ခမဳမၞုံယၟုဝွံ ရဴဝွံမ္ဂး ခမဳစၞောန်ထ္ၜးပိဏ္ဍပါတ်တုဲရ၊ ကုသၚ်ဂှ် မၞုံကဵုပွမသ္ဍိုက်မၠိုက်ရ၊ ဟိုတ်ဂှ်ရ ဒၟံၚ်ကၞပ်သ္ၚောံသ္ၚိတ်ဇြရ၊ နမဒၟံၚ်ကၞပ်သ္ၚောံသ္ၚိတ်ဇြရဴဝွံ ဂွံတီကေတ် ဒဒှ်မသ္ဍိုက်မၠိုက်ဂှ်ရ” ရဴဝွံ (သ္ဒးကဵုတီရ ရဴဝွံ သ္ဂးရ)။
ပ္ဍဲအခိၚ်ဂှ် “မုရဴသာ်လဵု ဂပ်ဝ်စၞောန်ထ္ၜးပိဏ္ဍပါတ်ရော?” ရဴဝွံ ကသပ်ဒှ် ကုခမဳစၞောန်ထ္ၜးပိဏ္ဍပါတ်ဂမၠိုၚ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ချူဂၞတ်စုတ် ပ္ဍဲဒုန်ကရေက်ကီု ပ္ဍဲဂၠး (မပတမ်သၠတာ) ကီုတုဲ ဂၟာဲထကဵုတုဲမ္ဂး တၞဟ်နစၞောန်ထ္ၜးပိဏ္ဍပါတ် ကဵုအခေါၚ်ရ ရဴဝွံ (သ္ဂးရ)။
====၆.၃.၇။ ပွမကဵုသၟိတ် ဒဒှ်မပတမ်ညးလးသၞာ====
၃၂၇။ ပ္ဍဲအခိၚ်ဂှ် ခမဳ မလးဘာသၞာသတိက်သၞာဒၟံၚ် ကုသၚ် ဟွံမွဲရ ။ ပ ။ ခမဳပၟၚ်ဒြပ်ဟွံမွဲရ ။ ပ ။ ခမဳမဒုၚ်ဂိုၚ်ကေတ်သ္ၚာ ဟွံမွဲရ ။ ပ ။ ခမဳပါ်ပရအ်သ္ၚာ ဟွံမွဲရ ။ ပ ။ ခမဳမပါ်ပရအ်ယာဂု ဟွံမွဲရ ။ ပ ။ ခမဳမပါ်ပရအ်သတ်ဆု ဟွံမွဲရ ။ ပ ။ ခမဳမပါ်ပရအ် စၞစကွာၚ်ၜဲဟွံမွဲရ ။ ပ ။ စၞစကွာၚ်ၜဲ စွံပတန်လဝ် သီုဟွံပါ်ပရအ်ဂှ် လီုလာ်အာရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ခမဳမဍိုက်ပေၚ်တဴ ကေုာံအၚ်္ဂဂမၠိုၚ်မသုန်သာ်ဂှ် ဒးသၟိတ်ပတိုန်ရဴဝွံမ္ဂး ခမဳမပါ်ပရအ် စၞစကွာၚ်ၜဲရ။
ခမဳဂှ် ဟွံဗက် ဆန္ဒာဂတိရ။
ဟွံဗက် ဒေါသာဂတိရ။
ဟွံဗက် မောဟာဂတိရ။
ဟွံဗက် ဘယာဂတိရ။
ပါ်ပရအ်တုဲ ဟွံဂွံပါ်ပရအ်ဏီလေဝ် လေပ်တီရ။
ယွံခမဳတအ် ရဴဝွံ ဒးသၟိတ်ရ။ ဗွဲကိုပ်ကၠာ သ္ဒးအာတ်ပါန်အခေါၚ် ခမဳရ၊ အာတ်ပါန်အခေါၚ်တုဲပ္ဍဲကြဴ ခမဳစဳကၠးဆိုက်ဗ္ဒက်တုဲ မၞုံကဵုအစောံသတ္တိဂှ် သ္ဒးကဵုသၚ်တီရ—
“ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ ကမ်မၞုံကဵုအခိၚ်မဗဗွဲ ကုသၚ် ယဝ်ဒှ်မ္ဂး၊ သၚ် သၟိတ်ပတိုန် ခမဳမၞုံယၟုဝွံ ရဴဝွံမ္ဂး ခမဳမပါ်ပရအ် စၞစကွာၚ်ၜဲရ၊ ဣဝွံတုန် ပွမကဵုတီရောၚ်။
ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ သၚ် သၟိတ်ပတိုန် ခမဳမၞုံယၟုဝွံ ရဴဝွံမ္ဂး ခမဳမပါ်ပရအ် စၞစကွာၚ်ၜဲရ၊ ယြဴကုတဳလပိုဉ်မွဲ မၞုံကဵုပွမသ္ဍိုက် ပွမသၟိတ်ပတိုန် ခမဳမၞုံယၟုဝွံ ရဴဝွံမ္ဂး ခမဳမပါ်ပရအ် စၞစကွာၚ်ၜဲရ၊ တဳလပိုဉ်ဂှ် သ္ဒးဒၟံၚ်သ္ၚိတ်သ္ၚိတ်ရ၊ ယြဴကုတဳလပိုဉ်မွဲ ဟွံမွဲကဵုပွမသ္ဍိုက်မၠိုက်ရ၊ တဳလပိုဉ်ဂှ် သ္ဒးဟီုတိုန်ရ။
သၚ် ဂပ်ဝ်သၟိတ်ပတိုန် ခမဳမၞုံယၟုဝွံ ရဴဝွံမ္ဂး ခမဳမပါ်ပရအ် စၞစကွာၚ်ၜဲတုဲရ၊ ကုသၚ်ဂှ် မၞုံကဵုပွမသ္ဍိုက်မၠိုက်ရ၊ ဟိုတ်ဂှ်ရ ဒၟံၚ်ကၞပ်သ္ၚောံသ္ၚိတ်ဇြရ၊ နမဒၟံၚ်ကၞပ်သ္ၚောံဇြရဴဝွံ ဂွံတီကေတ် ဒဒှ်မသ္ဍိုက်မၠိုက်ဂှ်ရ” ရဴဝွံ (သ္ဒးကဵုတီရ ရဴဝွံ သ္ဂးရ)။
====၆.၃.၈။ ပွမကဵုသၟိတ် ဒဒှ်ညးသၠးပရိက္ခာရာဗၞတ်ညိနာင်====
၃၂၈။ ပ္ဍဲအခိၚ်ဂှ် ပ္ဍဲတိုပ်ဒြပ်သၚ် ပရိက္ခာရာဗၞတ်ညိနာၚ် ကတဵုဒှ်ကၠုၚ်ရ။ ဂရၚ်ပတီ ဟိုတ်ပရူပရာဝွံ ကုတဳလပိုဉ် ကျာ်တြဲအိုတ်ရ။ ယွံခမဳတအ် ခမဳမဍိုက်ပေၚ်တဴ ကေုာံအၚ်္ဂဂမၠိုၚ်မသုန်သာ်ဂှ် ဒးသၟိတ်ပတိုန်ရဴဝွံမ္ဂး ခမဳမသၠး ပရိက္ခရာဗၞတ်ညိနာၚ်ရ။
ခမဳဂှ် ဟွံဗက်ဆန္ဒာဂတိရ။
ဟွံဗက် ဒေါသာဂတိရ။
ဟွံဗက် မောဟာဂတိရ။
ဟွံဗက် ဘယာဂတိရ။
သၠးတုဲ ဟွံဂွံသၠးဏီလေဝ် လေပ်တီရ။
ယွံခမဳတအ် ရဴဝွံ ဒးသၟိတ်ရ၊ ဗွဲကိုပ်ကၠာ သ္ဒးအာတ်ပါန်အခေါၚ် ခမဳရ၊ အာတ်ပါန်အခေါၚ်တုဲပ္ဍဲကြဴ ခမဳစဳကၠးဆိုက်ဗ္ဒက်တုဲ မၞုံကဵုအစောံသတ္တိဂှ် သ္ဒးကဵုသၚ်တီရ—
“ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ ကမ်မၞုံကဵုအခိၚ်မဗဗွဲ ကုသၚ် ယဝ်ဒှ်မ္ဂး သၚ် သၟိတ်ပတိုန် ခမဳမၞုံယၟုဝွံ ရဴဝွံမ္ဂး ခမဳမသၠး ပရိက္ခရာဗၞတ်ညိနာၚ်ရ၊ ဣဝွံတုန် ပွမကဵုတီရောၚ်။
ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ သၚ် သၟိတ်ပတိုန် ခမဳမၞုံယၟုဝွံ ရဴဝွံမ္ဂးခမဳသၠး ပရိက္ခရာဗၞတ်ညိနာၚ်ရ၊ ယြဴကုတဳလပိုဉ်မွဲ မၞုံကဵုပွမသ္ဍိုက် ပွမသၟိတ်ပတိုန် ခမဳမၞုံယၟုဝွံ ရဴဝွံမ္ဂး ခမဳမသၠး ပရိက္ခရာဗၞတ်ညိနာၚ်ရ၊ တဳလပိုဉ်ဂှ် သ္ဒးဒၟံၚ်သ္ၚိတ်သ္ၚိတ်ရ၊ ယြဴကုတဳလပိုဉ်မွဲ ဟွံမွဲကဵုပွမသ္ဍိုက်မၠိုက်ရ၊ တဳလပိုဉ်ဂှ် သ္ဒးဟီုတိုန်ရ။
သၚ် ဂပ်ဝ်သၟိတ်ပတိုန် ခမဳမၞုံယၟုဝွံ ရဴဝွံမ္ဂး ခမဳမသၠး ပရိက္ခရာဗၞတ်ညိနာၚ်တုဲရ၊ ကုသၚ်ဂှ် မၞုံကဵုပွမသ္ဍိုက်မၠိုက်ရ၊ ဟိုတ်ဂှ်ရ ဒၟံၚ်ကၞပ်သ္ၚောံသ္ၚိတ်ဇြရ၊ နမဒၟံၚ်ကၞပ်သ္ၚောံသ္ၚိတ်ဇြ ရဴဝွံ ဂွံတီကေတ် ဒဒှ်မသ္ဍိုက်မၠိုက်ဂှ်ရ” ရဴဝွံ (သ္ဂးကဵုတီရ ရဴဝွံ သ္ဂးရ)။
ခမဳမသၠး ပရိက္ခာရာဗၞတ်ညိနာၚ်ဂှ် ဒးကဵုတၞိၚ်မွဲတၞုၚ်ရ၊ ဒးကဵုၜုန်သၟတ်မွဲရ၊ ဒးကဵုဒၞပ်မွဲချဴရ၊ ဒးကဵုကာယဗန်မွဲတၞုၚ်ရ၊ ဒးကဵုဇုက်ကၟာဲရ၊ ဒးကဵုခ္ဍိုဟ်ဍာ်ယာတ်ရ၊ ဒးကဵုခ္ဍိုဟ်ဍာ်ဓမၚ်ကရိုဏ်ရ၊ အမာတ်ဇမၠိၚ်ရ၊ (ကောန်ကၞၚ်သ္ၚာမဂၠိၚ်)၊ ဒးကဵုအမာတ်အနာံမဂၠေံရ၊ ဒးကဵုဗွဝ်ဂၞါသ္ၚိသ္ၚာဇၞော်ရ၊ ဒးကဵုဗွဝ်ဂၞါသ္ၚိသ္ၚာဇၞော်ရ၊ ဒးကဵုဗွဝ်ဂၞဴသ္ၚိသ္ၚာဍောတ်ရ၊ ဒးကဵုအမာံဇမၠိၚ်ရ၊ ဒးကဵုအမာတ်ဇမၠေံရ။
ကၠေၚ်သွဟ် ဍာ်သာဲ တၚ်လာဲသၚ်ဂမၠိုၚ် နွံမ္ဂး ဒးကဵုသွက်ဂွံကၠာန်မွဲဝါရ၊ မွဲလှေ်ပၠန်လေဝ် မိက်ကၠာန်မ္ဂး မွဲလှေ်ပၠန်လေဝ် ဒးကဵုရ။
====၆.၃.၈။ ပွမကဵုသၟိတ် ဒဒှ်မပတမ်ညးကဵုသ္ၚာသၞုက်ဗြဲ====
၃၂၉။ ပ္ဍဲအခိၚ်ဂှ် ခမဳ မကဵုသ္ၚာသၞုက်ဗြဲ ကုသၚ် ဟွံမွဲရ ။ ပ ။ ခမဳမကဵုဗဗေၚ် ဟွံမွဲရ ။ ပ ။ ခမဳမဖအောဝ်စကာ ပၟၚ်အာရှာမ် ဟွံမွဲရ ။ ပ ။ ခမဳမဖအောဝ် သာမဏဳ ဟွံမွဲရ၊ သာမဏဳဂမၠိုၚ် ဟိုတ်မဟွံဖအောဝ်စကာဂှ်ရ ဟွံကၠောန်သ္ပ ကမၠောန်ကေၚ်ကာအိုတ်ရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ခမဳမဍိုက်ပေၚ်တဴကေုာံ အၚ်္ဂမသုန်သာ်ဂှ် ဒးသၟိတ်ပတိုန် ရဴဝွံမ္ဂး ခမဳမဖအောဝ်စကာ သာမဏဳရ။
ခမဳဂှ် ဟွံဗက် ဆန္ဒာဂတိရ။
ဟွံဗက် ဒေါသာဂတိရ။
ဟွံဗက် မောဟာဂတိရ။
ဟွံဗက် ဘယာဂတိရ။
ဖအောဝ်စကာတုဲ ဟွံဂွံဖအောဝ်စကာဏီလေဝ် လေပ်တီရ။
ယွံခမဳတအ် ရဴဝွံ ဒးသၟိတ်ရ၊ ဗွဲကိုပ်ကၠာ သ္ဒးအာတ်ပါန်အခေါၚ် ခမဳရ၊ အာတ်ပါန်အခေါၚ်တုဲပ္ဍဲကြဴ ခမဳစဳကၠးဆိုက်ဗ္ဒက်တုဲ မၞုံကဵုအစောံသတ္တိဂှ် သ္ဒးကဵုသၚ်တီရ—
“ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ ကမ်မၞုံကဵုအခိၚ်မဗဗွဲ ကုသၚ် ယဝ်ဒှ်မ္ဂး၊ သၚ် သၟိတ်ပတိုန် ခမဳမၞုံယၟုဝွံ ရဴဝွံမ္ဂး ခမဳမဖအောဝ် သာမဏဳရ၊ ဣဝွံတုန် ပွမကဵုတီရောၚ်။
ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ သၚ် သၟိတ်ပတိုန် ခမဳမၞုံယၟုဝွံ ရဴဝွံမ္ဂးခမဳမဖအောဝ်စကာ သာမဏဳရ၊ ယြဴကုတဳလပိုဉ်မွဲ မၞုံကဵုပွမသ္ဍိုက် ပွမသၟိတ်ပတိုန် ခမဳမၞုံယၟုဝွံ ရဴဝွံမ္ဂး ခမဳမဖအောဝ်စကာ သာမဏဳရ၊ တဳလပိုဉ်ဂှ် သ္ဒးဒၟံၚ်သ္ၚိတ်သ္ၚိတ်ရ၊ ယြဴကုတဳလပိုဉ်မွဲ ဟွံမွဲကဵုပွမသ္ဍိုက်မၠိုက်ရ၊ တဳလပိုဉ်ဂှ် သ္ဒးဟီုတိုန်ရ။
သၚ် ဂပ်ဝ်သၟိတ်ပတိုန် ခမဳမၞုံယၟုဝွံ ရဴဝွံမ္ဂး ခမဳမဖအောဝ်စကာ သာမဏဳတုဲရ၊ ကုသၚ်ဂှ် မၞုံကဵုပွမသ္ဍိုက်မၠိုက်ရ၊ ဟိုတ်ဂှ်ရ ဒၟံၚ်ကၞပ်သ္ၚောံသ္ၚိတ်ဇြရ၊ နမဒၟံၚ်ကၞပ်သ္ၚောံသ္ၚိတ်ဇြ ရဴဝွံ ဂွံတီကေတ် ဒဒှ်မသ္ဍိုက်မၠိုက်ဂှ်ရ” ရဴဝွံ (သ္ဒးကဵုတီရ ရဴဝွံ သ္ဂးရ)။
❀❀❀ခဏ်တတိယတုဲရ။❀❀❀
✵✵✵သေနာသနက္ခန္ဓကဆဋ္ဌတုဲရ။✵✵✵
====❖ သေနာသနက္ခန္ဓကဂှ် ဗွဲခမ္ဍန်====
ပ္ဍဲအခိၚ်ဂှ် တဳလမၞုံပိုဉ်ကျာ်တြဲ ဟဂွံပညပ်ဘာဏီရ၊ ပဒတဴ ပ္ဍဲဌာန်ဂှ်ဂှ်အိုတ်ရ၊ ကွးကျာ်တြဲဂမၠိုၚ်ဂှ် တိတ်ကၠုၚ် နူဌာန်ဂှ်ဂှ်အိုတ်ရ။
သေဌဳ ညာတ်ဒးတုဲ ဂရၚ်ပတီ ဂလာန်ဝွံမ္ဂး ကဵုသိုၚ်ခၞံမ္ဂး ပဒတဴအိုတ်ဟာရ၊ မွဲလှေ်ပၠန် ဂရၚ်ပတီသၟာန် ကျာ်တြဲအိုတ်ရ။
ကဵုအခေါၚ် ဘာဂမၠိုၚ်မသုန်ဂကူ မတွံဂးဘာဖျေံစၟဳၜါလပါ် ဘာဖျေံစၟဳမွဲလပါ် ပြသာဒ်ခၠုပ် ထီုဂိုဟ်ဝွံရ။ သေဌဳ ကဵုသိုၚ်ခၞံ ဘာဂမၠိုၚ်ရ။
ဂကောံမၞိဟ်မဂၠိုၚ် ကဵုသိုၚ်ခၞံ ဘာမဟွံမွဲကဵုတြၚ် ဟွံမွဲကဵုကၟာတ်လဒဵုရ၊ (ကဵုအခေါၚ်) သၠတြၚ် ဇဵုတြၚ် ခအဳသၟတ် ပးလကံက်လတူရ။
(ကဵုအခေါၚ်) ပၞော်သွက်ဂွံတံၚ် ဇုက်သွက်ဂွံတံၚ် ဒယိုၚ်တိုၚ်စုတ်သၞောဝ်တြၚ် ပးလကံက် ဆုသၟတ် သွက်ဂွံစုတ်သၞောဝ်တြၚ် (ဂွေန်တဲကၞုဲပသဲ) သၞောတ်တြၚ်သၟတ် သၞာဲတြၚ် ပသဲတ္ၚံက် ဗရိုတ် ပသဲတ္ၚံက်ဆု ပသဲတ္ၚံဒြၚ်သတ်ရ။
ကဵုအခေါၚ် ယန္တရာပံက် (ကသအ်) သၞောဝ်တြၚ်သၟတ် (ကောန်ကသအ်)စၟဳ ပွမလံက်လေတ် အပ္ဍဲမ္ၚး ဗတၚ်ကျာတိုၚ်ဗွုတ် ဗတၚ်ကျာဒဇာ ဗတၚ်ကျာဒုၚ်ကရေက် ကဝးဇုက်ဇိုတ်ဇိုၚ် သၞာလးချောဲရ။
(ကဵုအခေါၚ်) ပွမလံက်လေတ် နကဵုတိ (ပွမဗဝ်တိသဝ်) ဇံၚ်တာန်လဝ်ကဵုၜဝ် ဇံၚ်ဂတဵုမၞုံကဵုၝောံ မဂပ်ဝ်ပြိုက်လဝ်ပ္ဍဲဇိုၚ် သုၚ်စောဲပ္ဍဲသုသာန် ဇံၚ်ဂတဵု မၞုံကဵုၝောံ ကေုာံဇိုၚ်မွဲဗ္စပ်ဓဝ် ဇံၚ်ဂတဵု မၞုံကဵုဇိုၚ်သဏ္ဌာန်ၚာၚ်ဂတာံ ဇံၚ်ဂတဵု မၞုံကဵုဇိုၚ်မဂပ်ဝ်ပြိုက်လဝ်ပ္ဍဲၝောံ ဂတဵုပန်ကၠၚ် ဂတဵုမသၠုၚ်ရ။
(ကဵုအခေါၚ်) ဇံၚ်ဂတဵုမၞုံကဵုအၚ်္ဂထပှ်ပြကာ ဇံၚ်ဂတဵုတာန်လဝ်ကဵုၜဝ် ဂတဵုဒက်တာန်ယာတ်တမြံၚ် ဂတဵုဇိုၚ်ဗ္ၜေအ် ဂတဵုဇိုၚ်သဏ္ဌာန်သတ်တလုဲ သၞာကောပ်ကာဲဒေါဲ (ဂတဵုထၟိက်) ဂတဵုဆံက်ရ။
ဇံၚ်မသၠုၚ် ဇြုံဒွံဒး ဇိုၚ်ဇံၚ်သၠုၚ်လောန် ဂၞဳဒုၚ်ဇိုၚ်ဇံၚ် မၞုံဗၞတ်ဒ္စါံလပုဟ်တဲ တောဝ်ဒ္စါံခန် ယာတ်တမြံၚ် သၞာပြိုက်ချဵု ဂၞဳမၞုံဗၞတ်ကဝက်ဇကုကီု ဖုန်ပေါဲက္ဍဟ်ဒဵု ယာတ်သုၚ်စောဲဘာ ပွမဒက်ပူပါတ် ပွမဒတုံစှေ်သၟဝ် သံက်ကယျာတုဲကၠတ်ဏာ။
ကျာ်တြဲ ကဵုအခေါၚ် ပွမထၞဟ်ဍာ်ဂဥုဲ ပွမဖျောန်ဗီုတဲမသုန်တၞုၚ်ရ၊ ဘာတဳ ဘာခမဳ တိဖုဲကာမ် တိကမၠေတ်။
ဇၜိုတ်ဆု ဂတာတဲပသဲ တိဖုဲကၞောန်သ္ၚု တိဖုဲခၞိက်ရာဲ ကၠေၚ်ပၠုဲ ဂၠိုၚ်အာမ္ဂး ကဵုအခေါၚ် သွက်ဂွံပတိတ်ထောံ မွဲလှေ်ပၠန်ရ။ တိတမြံၚ် တိအိက်ကြုက်တိ။
ဇၜိုတ်ဆု ဍာ်ဂဥုဲကသဴ တိသဝ် ပွမဗဝ်တိ ခမဳမတိုန် လောစှေ်အိုတ်ရ၊ ဂၠး (ဗလးခဠာတ်) ဗ္ဒၚ်ကဝက် မွဲလှေ်ပၠန်ဂၠမ်ပိဂကူ။
ဘာသၟတ် ဇိုၚ်ဗ္ဒၚ် ဍေက်ဍာ်ဗြဲရ၊ ပွမက္ညာၚ်ကရေဲ ဇၜံက်ဂမာဲ ဒုန်တေၚ်သ္ၚာ ဇုက်တေၚ်ဗလဲသ္ၚာ ဒၞာဲဒုၚ်ကၟုဲ ကာဲလာဓရိုဟ်။
ဗလဲတၞိန် ခၞိက်တိ ဒးသ္ပနယ် ပ္ဍဲလၟေၚ်မသ္ဂးလဝ်သၟဝ်တုဲရ၊ ပ္ဍဲအမှဲအကး ဂမ္တဴတ္ၚဲရ၊ စၚ်နုၚ်ဍာ်သွုၚ် အစဳရေၚ်သ္ဂးလဝ်သၟဝ် ခရော်(ဗြံက်)။
မုက်ထော်ဘာ ပြဝိုဏ် သ္ၚိဇရုၚ်ပၟတ် အာရှာမ် မွဲလှေ်ပၠန် မုက်ထောံတြၚ် ဒးသ္ပနနယ်မသ္ဂးလဝ်သၟဝ်ရ။
ပြာသာဒ်စၟဳအၚ်္ဂဒဵု အနာထပိဏ္ဍိကသေဌဳ မၞုံကဵုသဒ္ဓါလျုၚ် အာဂြိုပ်ကြက်ဂြၚ်ရ၊ အနာထပိဏ္ဍိကသေဌဳ မတီညာတ်သစ္စ ဘိက်နိမန် ကျာ်တြဲ မွဲဟာန်ကေုာံသၚ်ရ။
ပ္ဍဲအကြာဂၠံၚ်တရဴ ဖအောဝ်စကာရ၊ ဂကောံမၞိဟ်မဂၠိုၚ် ကဵုကၠောန်သ္ပ အာရှာမ်ရ၊ ပ္ဍဲဍုၚ်ဝေသာလဳ နူကၠာ ကေၚ်ကာတၟိလေဝ် သီဂိုၚ်ကေတ်ရ။
မုရဴညးမွဲ ထေက်ရော?၊ ဘာရုၚ်ကဵုပိုဉ် ဇာတ်သၟိၚ်သဝ်ရဝကာ် ပူဂိုလ်မဟဂပ်ဝ် လ္ၚောဝ်သီဂိုၚ်ကေတ်ရ၊ ပ္ဍဲအပ္ဍဲကွာန်လေဝ် သၞားလးချဵု(ဖ္ဍဳ) စိုပ်သာရဝှ်ရ။
ကဵုပတန်အာရှာမ်ရ၊ ပွမညာန်ညေဲ ပ္ဍဲဘာရုၚ်ကဵုပိုဉ် ခမဳဂိယဲ သၞာသတိက်သၞာဒၟံၚ်မပြဲ ပွမကော်မြော် ဂကောံခမဳစှ်ထပှ်ဇကု ဌာန်ဂှ်။
မုရဴခမဳမွဲ မုရဴနနယ်မွဲ ဂွံပါ်ပရအ်ရော?၊ ဒးပါ်ပရအ် ဗွဲအပိုၚ်အခြာဘာ အပိုၚ်အခြာ ပြဝိုဏ်ရ၊ သွက်ဘိုအ်လက်ကရဴ (သွက်ဘိုအ်မဗဗွဲ)လေဝ် ကဵုအခေါၚ်ရ၊ သွက်ဘိုအ်လက်ကရဴဂှ် ဟွံမိက်ကဵုမ္ဂး ဟဂပ်ဝ်ကဵုရ။
မ္ၚးသိမ် အခါကာလအိုတ်သီု ဘာသၞာသတိက်သၞာဒၟံၚ် ပွမကဵုဂိုၚ်ကေတ်ဘာပိဂကူ ခမဳနန္ဒ ပွမထိုၚ်သး ခမဳဒတူ ခမဳသၞာတုပ်သၟဟ်။
ခမဳသၞာတုပ်သၟဟ်ဂမၠိုၚ် ပလီုပလာ်အိုတ်ရ။ ဂကောံခမဳပိဇကု ဂကောံခမဳၜါဇကု ညးဟွံဂွံအခေါၚ်ဂဇအ်သၞာတုပ်သၟဟ် သၞာဇမၠိၚ် ပွမပြဘိုက်သုၚ်စောဲ။
မိနော် ပ္ဍဲကဳဋာကိရိ ဌာန်ဟွံကြပ်ဟွံသ္ၚောဲ ပွမပါ်ပရအ် ဍုၚ်အာဠဝဳ ပွမထၟံက်ၚေက်ကမၚ်ကရ် ပွမလံက်လေတ်ဗ္ဒၚ် ပွမဗ္ဂပ်တြၚ် ပွမၜတ်ဇဵုတြၚ်။
ဗတၚ်ကျာ သာ်ဗု သာ်လမ္စံက် ဆီတၟံ ပွမစၟဳ ပွမဒက် ပွမစွံသ္ၚိဖရာပ် ပွမကဝ်သကုတ် အိက်ဂၠဴ ပွမလံက်ဍာ်ဗစိုတ် လုကဴၜါစှော်သၞာံ လုကဴပိစှော်သၞာံ ပွမကဵု စဵုအခိၚ်ယေက်ပၟတ်ပၠိုတ်။
ဘာစိုပ်ဒတုဲ ဘာမဟဂွံသ္ပဏီ ပ္ဍဲဘာသၟတ် မသုန်သၞာံတြဴသၞာံ၊ ပ္ဍဲဘာဖျေံစၟဳမွဲလပါ် ထပှ်သၞာံဒ္စါံသၞာံ၊ ပ္ဍဲဘာဇၞော် လုကဴစှ်သၞာံစှ်ၜါသၞာံဂမၠိုၚ် ဘာဂမၠိုၚ်အိုတ်သီု ကဵုထောံခမဳမွဲဇကုအိုတ်ရ၊ ကဵုခမဳသအာၚ် ပဒတဴအိုတ်ရ။ ဒြပ်သၚ် မ္ၚးသိမ် အခါကာလအိုတ်သီု စ္ဍးအာရ၊ ခရှ်လေဝ် ရာမ်တိတ်အိုတ်ရ။
ပွမချိုတ် သာမဏဳ ညးသၠးကၠေံသိက္ခာ ညးအာစိုပ်ပါရာဇ် ညးကြအ် ညးစိုတ်ကလှ်လဖှ် ညးဝေဒနာပ္ဍဵုပ္ဍိုက် ပွမဟွံမၠာ်သ္ၚေဝ်အာပတ်။
ပွမဟွံဇအုဲဇဗ ကွေတ်မှာရာ ခမၞုဲ ထေယျသံဝါသက ညးပြံၚ်အာဗော်တဳ တိရစ္ဆာန် ညးဂစိုတ်မိ ညးဂစိုတ်မ ညးဂစိုတ်တၠအရှန် ညးပလီုပလာ်ခမဳဗြဴ။
ညးပါ်ဒကးသၚ် ညးသ္ပညံၚ်ဆီဂွံပ္ဍူ ဥဘတောဗျဉ် လ္ပကဵုဟုတ်ယုတ် ကုသၚ်ညိ ရဴဝွံ ပၠုပ်စိုတ်တုဲ ကဵုအခေါၚ် သွက်ဂွံကဵု ကေၚ်ကာတၟိဂှ် ကုခမဳသအာၚ်ရ။
ကိုပ်ကၠာဟွံစိုပ်ဒတုဲဏီ စ္ဍးအာမ္ဂး ကဵုအခေါၚ် သွက်ဂွံကဵု ကုခမဳသအာၚ်ရ။ စိုပ်ဒတုဲတုဲမှ စ္ဍးအာမ္ဂး ဒှ်ဘာခမဳဂှ်ဟေၚ်ရ။ ရာမ်တိတ်ခရှ်မ္ဂး ချိုတ်အာမ္ဂး ဒှ်သာမဏဳမ္ဂး။
ဒုၚ်ဝန် ရဴဝွံမ္ဂး သၠးကၠေံသိက္ခာ အာစိုပ်ပါရာဇ် ခမၞုဲမ္ဂး သၚ်ဟေၚ် ပိုၚ်ပြဳရ၊ ဒုၚ်ဝန် ရဴဝွံမ္ဂး ညးကြအ် ညးစိုတ်ကလှ်လဖှ် ညးဝေဒနာပ္ဍဵုပ္ဍိုက်။ ပွမဟွံမၠာ်သ္ၚေဝ် ပွမဟွံဇအုဲဇဗ ပွမဟွံသၠးကၠေံ ကွေတ်မှာရာမ္ဂး ဘာဂှ် ဒှ်ဘာခမဳဂှ်ဟေၚ်ရ။
ခမဳဂှ် ဒုၚ်ဝန်ရဴဝွံမ္ဂး ခမၞုဲ ထေယျသံဝါသက ညးပြံၚ်အာဗော်တဳ တိရစ္ဆာန် ညးဂစိုတ်မိ ညးဂစိုတ်မ ညးဂစိုတ်တၠအရှန် ညးပလီုပလာ်ခမဳဗြဴ ညးပါ်ဒကးသၚ် ညးသ္ပညံၚ်ဆီဂွံပ္ဍူ ဥဘတောဗျဉ်မ္ဂး သၚ်ဟေၚ် ပိုၚ်ပြဳရ။
ရၚ်တၠုၚ်ဏာ ဘာသအာၚ်အိုတ်ရ၊ ဟွံဂပ်ဝ် ရဴဝွံ ဂိုၚ်ကေတ်ရ၊ သရိုဟ်စှေ်ရ၊ ယာတ်ကၟဝ် ယာတ်စၞာံကၟီ ကဝးဇုက်ဇိုတ်ဇိုၚ် ယာတ်တမြံၚ် လိုန်အိုတ်ရ။
ပွမလိုန် နဇိုၚ်မဍေက် ပွမလိုန် နကဵုဒၞပ် ပွမချဟ်စုတ်ဍာ်ပါၚ် ပွမခရက်ခရောဝ် ပွမဗ္ဒာဲဒလာဲ ပွမခရက်ခရောဝ် နဇိုၚ်ဂတဵုဒလာဲ ဇိုၚ်ပကြာတ်တုဲ သၞာလး။
ပွမက္ညအာ ဍုၚ်ရာဇဂြိုဟ် ကၠောန်သ္ပသံဃဘတ်ဟွံမာန် ပိဏ္ဍပါတ်ဍိုန်လျ ခမဳစၞောန်ထ္ၜးပိဏ္ဍပါတ် ပသာ်ဂွံစၞောန်ထ္ၜးရော၊ ပွမသၟိတ် ခမဳညးလးသၞာ ခမဳပၟၚ်ဒြပ်။ ပွမသၟိတ် ခမဳမကဵုဂိုၚ်ကေတ်သ္ၚာ ခမဳမပါ်ပရအ် ခမဳမပါ်ပရအ်ယာဂု ခမဳမပါ်ပရအ်သတ်ဆု ခမဳမပါ်ပရအ် စၞစကွာၚ်ၜဲ ခမဳမပါ်ပရအ်ဒြပ်ဗၞတ်ညိနာၚ်။ ပွမသၟိတ် ခမဳမကဵုဒုၚ်ဂိုၚ်ကေတ်သ္ၚာသၞုက်ဗြဲ တုပ်သၟဟ်သာ်ဂှ် ခမဳမကဵုဒုၚ်ဂိုၚ်ကေတ်ဗဗေၚ် ခမဳမဖအောဝ်စကာပၟၚ်အာရှာမ် သာမဏဳ။
ကျာ်တြဲ မလေပ်ပလီုပလာ်ဗပါ်ကၠေံ ကိလေသအိုတ်သီု မတီညာတ်လောက မၞုံကဵုစိုတ် မနွံပၟိက်ဒတုဲမြမောဝ်ဂှ် သွက်ဂွံလုပ်စၛာန်ကီု သွက်ဂွံမၠာ်သ္ၚဳဝိပဿနာကီု ကဵုအခေါၚ်ဘာ မၞုံကဵုဖဵုမဂွံအောပ်ဗ္ဒ မၞုံကဵုဖဵုမဒှ်တသိုခ်ရ။
☀︎☀︎☀︎သေနာသနက္ခန္ဓကတုဲရ။☀︎☀︎☀︎
