ချပ်−ဟီု−ကၠောန် ( ဒွက်အစောံစရာဲပူဂဵုအမာတ်မန်ပိုဲ
ပေါဲရုဲမာဲညောန်ကြပ်ကၠုၚ်ဇၟာပ်စက္ကယျဏောၚ်ဟီုတှ်ေ ဗီုဂွံတံၚ်ဂြဲစိုတ်ဓါတ်ကောန်ၚာ်ညးဇၞော် ဗျုထဴဇရာကုန်တံဂှ်ကီု သီုကဵုသွက်ညးစုတ်မာဲတံဂှ်လေဝ် နဲကဲညးနာနာသာ်စုၚ် ဗီုညးကဵုညးရေၚ်တၠုၚ်ထ္ၜးကၠုၚ်ရုပ်ရဴသၟဝ်တိလ္တူကျာအိုတ်ရ။
သွာၚ်သုခုမန်ပိုဲလေဝ် သ္ၚိတ်မံၚ်ဟွံတုဲဟေၚ် နွံဆဆဵုစမွဲဒွက်ၜါဒွက်ဟွံရုံဂပ်တုဲ ဒွက်အစောံစရာဲလၟေၚ်ပူဂဵုအမာတ်မန်ပိုဲတံဂှ်လေဝ် ညံၚ်ဂွံကိတ်ညဳကဵုအခိၚ်အခေတ်ကာလဒေသညးကဵုညးအိုတ်ဂှ်ထေက်ကဵုဒးနွံတုဲ ဒးပံက်ကညာၚ်ကရေဲ ညံၚ်တိဂတးဂှ်လေဝ် ဒးနွံဝိုတ်ဂါံထၜက်ထောံဟွံဂွံရ၊ နဲကဲတံၚ်စိုတ်ဓါတ်ကေုာံအရီုစိုတ်ၜိုတ်တၟာဒဳရုဲအောန်ဟီုဒှ်ကၠာတံဂှ်လေဝ် ဖဵုနွံသွက်ၚုဟ်မးမာဲမန်ပိုဲဖအိုတ်ရ။
ဟိုတ်ဒှ်သာ်ဂှ်တုဲ သွာၚ်လဵုလေဝ်ရံၚ်ရံၚ်ဟေၚ် လပါ်ကောန်ညးဍုၚ်ကွာန် မိမကောဒေံနော်ဣဏဳဣနာဲတံဂှ်လေဝ် ပစူအလာံမန်ဍာဲ ဍာဲဂၠိက်ဗုပလောံ ကောံကလောံကဵုဒြဟတ်သွက်မာဲအမာတ်မန်၊ လကျာ်သဳလတံဂှ်လေဝ် ပွမဗ္တောန်လဴသောၚ်ကလးကဵုဒါယကာဘာတံ ဂွံဒှ်ဒြဟတ်သွက်မာဲမန်လေဝ် ချဳဒရာၚ်နကဵုဂၠံၚ်ဍာန်ဗုဒ္ဓသာသနာအိုတ်ညိ၊ တၠရမျှာၚ်သုခုမန်ပိုဲတံလေဝ် ချူဇန်ဒယှ်ေဒွက် ဒြဟတ်စိုတ်အရီုဂွံမ္ၚိုဟ်ကြံၚ်ဂှ်လေဝ် ဗရုမိၚ်ပြးအာ ပေၚ်ဂၠံၚ်အိုတ်တုဲ သွက်ပေါဲရုဲမာဲသၞာံ(၂၀၂၀)အလန်ဏံဂှ်တှ်ေ နွံကဵုလျးအရံၚ်အံၚ်သူဗွဲမလောန်ရ။
သွက်အမာတ်မည်ပိုဲတံဒးကဵုဖျုန်အၚာပ်စိုတ်လ္တူညးဍုၚ်ကွာန်တံဂှ်တှ်ေ− ပရေၚ်တဵုလွဳ ၊ ပရေၚ်ဗွဝ်ဖျာၚုဟ်မးသတ်ဆုသတ်ဒုန်၊ သီုကဵုသၟဝ်ဍာ်လ္တူဒဵုတံဂှ်လေဝ် ဝိုတ်ထောံဟွံဂွံရ၊ နွံမွဲပၠန်ဂှ် ပရေၚ်ထက်ယုက်ကောန်ညးဍုၚ်ကွာန်တံ ဗီုလဵုဂွံဂတာပ်အခေတ် ဂွံရေၚ်တၠုၚ်ကဵုညးတံမာန်ဂှ်လေဝ် ညးတံနွံဗၟိက်ကွေံကွေံလၟေၚ်မွဲရပ္ဍဲဘဝဏံ။
သရောပ်ထောံဂၠိဂၠိဏောၚ်တှ်ေ ကၠောန်ဂှ် ခိုဟ်နူကဵုမုဟွံကၠောန်ဏီတုဲ အရာပိုဲတံကၠောန်ဂွံ ယဝ်ရဍေံဟွံၜက်အာနူအစောံစရာဲပိုဲမၞိဟ်ဏံဏောၚ်ဟီုတှ်ေ ဣဏံဂှ်ဒှ်ၚုဟ်မးသွက်ဂကူပိုဲတုဲ ချပ်−ဟီု−ကၠောန်အိုတ်ညိ။
( ဝိညာဏ်ထဝ် )
ไม่มีความคิดเห็น:
แสดงความคิดเห็น